Omusati deel droogtehulp met 2 300 Angolese

14 July 2021 | Maatskaplik
Tuyeimo Haidula op Oshakati – Die goewerneur van die Omusatistreek, mnr. Erginus Endjala, het Maandag gesê sy streek moet noodgedwonge sy voedsel vir droogtehulp met uitgehongerde Angolese deel wat in Maart na Namibië gestroom het om verligting van die hongersnood in hul land te soek.

Dít byna twee maande nadat die Angolese regering, deur die goewerneur van die Cunene-provinsie, me. Gerdina Ulipamwe Didalelwa, sy burgers gevra het om terug huis toe te keer sodat hulle gehelp kan word.

In Mei was die aantal onwettige migrante in die Omusatistreek 1 250, terwyl Ohangwena 150 Angolese burgers gehuisves het. Dit is diegene wat die Namibiese regering wel kon aanteken, want daar kan ook ander wees wat die land onwettig binnegekom het en nie by kampe waar hul landgenote woon, aangemeld het nie.

Didalelwa het in Mei gesê haar regering is eers ingelig die Angolese burgers in Namibië is op soek na werk, maar dit is later vasgestel dat hulle hul huise verlaat het weens die water- en voedselkrisis. Sy het gesê 590 000 mense in Angola word deur die droogte geraak.



STYGENDE GETALLE

Endjala het Maandag gesê volgens die mees onlangse data wat hy ontvang het, wil dit voorkom of die streek nou 2 328 Angolese burgers huisves. Van dié getal is 1 400 kinders tussen die ouderdomme van nul en tien, het hy gesê.

Vir die Ohangwenastreek kon ons susterkoerant Namibian Sun nie die huidige getal vasstel nie, aangesien die goewerneur, mnr. Walde Ndevashiya, nie bereik kon word nie.

Volgens Endjala weier die Angolese burgers om na hul land terug te keer vanweë onsekerheid, en sê hulle hul regering maak voortdurend leë beloftes.

Hy het gesê bejaarde vlugtelinge het aangedui hulle is bereid om terug te keer na hul land wanneer dit weer begin reën, en het die Namibiese regering versoek om hulle van saad vir die oestyd te voorsien.

“Die situasie is uiters kommerwekkend. Die Angolese regering is stil. Die konsulaat het nog geen pogings aangewend om uit te reik nie. Sedert Mei was daar geen kommunikasie met ons om die pad vorentoe te bespreek nie,” het Endjala gesê.



BARMHARTIGE SAMARITANE

“Die slag van koeie (vir die vlugtelinge deur die Namibiese regering) het opgehou omdat dit nie volhoubaar was nie, en ons is afhanklik van barmhartige Samaritane om hierdie mense te voed.

“Ons voorsien hulle nou net van droogtehulpvoedsel, maar Omusati sal dit binnekort moet staak aangesien die inwoners wat in die suidelike dele woon ook die impak van die droogte voel,” het Endjala gesê.

Hy het daarop gewys dat die Angolese president João Lourenço Sondag die Cunene-provinsie besoek het, wat volgens die Namibiese owerhede hopelik sal lei tot oplossings om die las op die regering se skouers te verlig.

Endjala het gesê hulle het voorlopig die vlugtelinge na 'n meer geskikte gebied naby die Lutherse kerk by Etunda verskuif.

“Daar is 'n kamp wat hulle self opgerig het. Ons kan ongelukkig nie vir hulle tente gee nie, want dit sal die reëling té permanent maak en dit is nie wat ons wil hê nie,” het hy benadruk.

Pogings om die Angolese konsulaat in Namibië om kommentaar te nader, was onsuksesvol.

- [email protected]

Soortgelyk

 

Aandklokreël opgehef

1 uur gelede | Regering

President Hage Geingob het die aandklokreël amptelik as deel van die nuwe Covid-19-regulasies opgehef. Openbare byeenkomste kan deur 200 persone bygewoon word, so ook dieselfde...

Creativity and mental health: Where do we overstep

12 ure gelede | Gesondheid

Kalistu R Mukoroli, PR and brand strategistWe tend to preach about being creative, but isn’t this contributing to mental health issues? Creative people always push...

Tourism mogul driven by passion

12 ure gelede | Toerisme

Iréne-Mari van der Walt Part-owner of Swakop Cycle Tours Paul Ndjambula says despite his business being conceptualised during his time as an intern, it took...

Kalahari se water in die gedrang

12 ure gelede | Omgewing

Frank Steffen en Brigitte Weidlich – “Dit mag eenvoudig nie gebeur nie! Maak nie saak hoe jy uitloogproses benader nie, hierdie unieke kom sal onvermydelik...

Etosha se brand geblus

12 ure gelede |

Tanja Bause – Die veldbrand wat sedert Maandag in Etosha gewoed het, is eindelik gister onder beheer gekry. Volgens die woordvoerder van die ministerie van...

Professionele jagters se bewaringswerk

12 ure gelede | Toerisme

Emmanuel Koro, Johannesburg – Ná die verwoestende uitwerking van die Covid-19-pandemie op die Namibiese jag- en fotosafari-bedryf, het jagsyfers vanjaar ietwat verbeter. Terwyl sowat 5...

Jessica Ashley stel vandag enkelsnit vry

12 ure gelede | Byvoegsels

Die jong sangeres Jessica Ashley (Strydom) van Swakopmund stel vandag haar eerste enkelsnit – wat sy self geskryf het – vry. Die lied “Only 9”...

'n Liefdesgedig aan bedreigde spesies

12 ure gelede | Byvoegsels

Yandi du Plessis Wilde Kind se vollengte studio-album Omhanda is gister op alle stromingsplatforms uitgereik.“Omhanda” is die Oshiwambo-woord vir renoster. “Renosters is spesiaal vir Namibië...

Voortrekkers ná 90 jaar nog op koers

12 ure gelede | Byvoegsels

Die Windhoek-Schlengemann-kommando van die Namibiese Voortrekkers bied vanaand, in samewerking met Netwerk Namibië en Windhoek Afrikaanse Privaatskool, 'n plaaslike vertoning van die aanlyn konsert, Hou...