Om te stem, of nie te stem

11 November 2019 | Menings
JOHN FREDERICKS SKRYF:

Stemreg is een van die fundamentele regte wat geen mens net moet laat vaar omdat die persoon met verloop van tyd moedeloos geword het met 'n bestaande regering of politieke stelsel nie.

'n Persoon se reg om te stem vir 'n politieke kandidaat of party van sy keuse kan 'n verskil maak in die politieke en ekonomiese rigting van 'n land, ongeag of die party of kandidaat verloor of wen.

Ons land ervaar baie uitdagings, en die afgelope jare het die land swaar gebuk gegaan onder wanbestuur, wanbesteding en wanpraktyke wat 'n algehele gees van wanhoop onder die burgers van die land meegebring het. Landsburgers het mismoedig geword met die slakkepas van implementering van die mees basiese besluite wat geneem was, maar jare later nog nie tot uitvoering gekom het nie.

Dit is 'n feit dat ons 'n geweldige tekort het aan opgeleide, professionele leierskap, en wanneer mense tot leierskapsposisies verkies word, weet hulle nie hoe om die nuwe status te verwerk nie, en uit onkunde onstaan arrogansie.

Ek was erg geskok en verneder toe die president die stelling maak dat “Namibiërs net kan kla, en hoekom kla hulle”. Dit het my tot die besef laat kom dat leierskap, ongeag of die persoon verkies of aangestel is, 'n enorme verantwoordelikheid aan die leier gee. Baie van ons leiers faal omdat ons nie beskik oor die mees elementêre beginsel van leierskap nie, naamlik menslikheid.

Ons politieke penarie en gepaardgaande leierskapkrisis is 'n situasie wat met goed beplande en uitvoerbare, realistiese idees verander kan word. Ons kan ons land, ons gemeenskappe en ons toekoms op die regte pad plaas, maar dan moet ons vasbeslote wees in ons plig om die party of leiers waarin ons glo, en wat ons oortuig het dat hulle ons mense en ons land se belange en prioriteite eerste stel, tot verantwoording te roep.

Die antwoord is om te gaan stem, ongeag die gees van moedeloosheid en selfs woede teenoor sekere leiers en partye. Jou stem is jou wapen, ongeag hoe stom dit mag wees.

Soortgelyk

 

AgriBusDev-baas geskors

1st of June 18:23 | Regering

Mnr. Petrus Uugwanga, die landbousake-ontwikkelingsagentskap (AgriBusDev) se besturende direkteur, is met onmiddelike effek geskors. Die voorsitter van die AgriBusDev-raad, me. Sophia Kasheeta, het pas ‘n...

Twee 'renosterstropers' verskyn in Gobabis-hof

1 uur gelede | Howe

Twee vermeende renosterstropers het vandag in die landdroshof op Gobabis verskyn.Mnre. Alberto Mbwale en Joseph Matheus het op klagte van die onwettige jag van spesiaal...

Pastoor Babi steeds agter tralies

5 ure gelede | Howe

Pastoor Jackson Babi (30) van die House of Joy Ministries en sy medebeskuldigde, mnr. Friza Dumeni (25), bly steeds agter tralies.Landdros Linus Samunzela het vanoggend...

25ste Covid-19-geval bevestig

7 ure gelede | Gesondheid

'n Vroulike gesondheidswerker (32) is Namibië se jongste Covid-19-geval. Dit bring die aantal bevestigde Covid-19-gevalle in Namibië op 25 te staan. Volgens die minister van...

Hof hoor president is 'mislei' oor arbeidsregulasies

17 ure gelede | Howe

Ronelle Rademeyer - Pres. Hage Geingob is “verkeerd geadviseer” met die opstel van die gewraakte arbeidsregulasies waarvan die grondwetlikheid Vrydag in die hoërhof deur Namibiese...

Namibiërs in haglike omstandighede onder SA-kwarantyn

17 ure gelede | Gesondheid

Twee vroue van Windhoek en die een se 16-jarige dogter meen die vervalle staatshospitaal by Nababeep naby Springbok in die Noord-Kaap waar hulle in kwarantyn...

'Profeet' Babi se borgaansoek vandag

17 ure gelede | Misdaad

Francoise Steynberg – Die bekende, charismatiese en selferkende profeet van die House of Joy Ministries, pastoor Jackson Babi (30), en sy medebeskuldigde, mnr. Friza Dumeni,...

Twee bemanningslede positief vir Covid-19

17 ure gelede | Gesondheid

Henriette Lamprecht & Leandrea Louw – Walvisbaai huisves tans drie aktiewe gevalle van Covid-19 ná ‘n 51-jarige man Saterdag positief vir die virussiekte getoets het....

Fishrot-manne skarrel vir borgtog

17 ure gelede | Misdaad

Augetto Graig – Die Windhoek-landdroshof het Vrydag met verskeie Fishrot-sake gewemel, met borgtogaansoeke wat met aansoeke vir die verlenging van tyd vir verdere ondersoek, meegeding...