Oliesoektog: 'Kyk omvattend na impak'

WWF vra vir strategiese studie

05 February 2021 | Omgewing
Ronelle Rademeyer – Die Wêreld-Natuurfonds (WWF) sê ReconAfrica moet 'n eenmalige strategiese omgewingstudie (SEA) oor die impak van sy moontlike olievonds in Kavango en Botswana laat doen.

Dit moet volgens internasionale standaarde geskied en onafhanklik geëvalueer word, sê die WWF in 'n kennisgewing wat gister in ­koerante gepubliseer is.

Dié Kanadese olie- en gasmaat­skappy het reeds begin om die eerste van drie gate vir die ­ stratigrafiese ontleding van die aardkors te boor. Dit is by Kawe suid van Rundu.

Verder is die omgewingskonsultant Risk-based Solutions namens die maatskappy besig om 'n aansoek vir 'n tweede omgewingsklaringsertifikaat voor te berei wat op 12 Februarie by die ministerie van die omgewing, bosbou en toerisme ingedien sal word. Daarsonder kan ReconAfrica nie met tweedimensionele seismiese opnames in die Kavango begin nie.

Die maatskappy volg die benade­ring dat besluite oor verdere ­eksplorasie geneem sal word op grond van wat die seismiese opnames wys, en besluite oor die omvang en metode van ontginning sal net geskied op grond van die uitslag van die stratigrafiese boortoetse. “Hierdie benadering beteken omgewingsimpakstudies word stapsgewys onderneem en fokus net op 'n bepaalde aspek van die eksplorasie,” sê die WWF.

Die potensiële omvang van die operasie, die grootte van die ­Kavango-kom, sy komplekse hidrologie en die moontlikheid van langtermyn skade indien hidro­breking byvoorbeeld vir ontginning gebruik sou word, beteken hierdie stapsgewyse benadering is nie die beste praktyk nie, meen dié ­ natuurliggaam.

Volgens die WWF kan reuse-ekonomiese en -politieke uitdagings ontstaan as baie geld en ­politieke kapitaal nou belê word, en omgewingsimpakstudies verder in die toekoms toon die risiko's vir skade aan die biodiversiteit, grond­waterbesoedeling en die welsyn van die plaaslike kommunale gemeenskappe is te groot.

PLAASLIKE GEMEENSKAPPE

“Daarom word aanbeveel dat in belang van bewaring, die plaaslike gemeenskappe en die ­betrekkinge tussen Namibië en sy buurlande, 'n SEA ingevolge internasionale standaarde uitgevoer word en dat dit aan onafhanklike evaluering ­onderwerp word,” lui die WWF se aanbeveling.

Die kwelpunte wat in ag geneem moet word, is die ergste moontlike omgewingsimpakte as ­volskaalse ontginning sou geskied, hoe sensi­tiewe gebiede geskaad kan word, die uitwerking op watervoorsiening – ook stroomaf van die ­Kavangorivier op die buurland Botswana.

Die WWF beveel verder aan aangedag moet gegee word aan verbode gebiede en beperkings op sekere booroperasies en ­onttrekkingsmetodes, asook ­bestuursopsies vir van hierdie ­potensiële skadelike impakte.

Dié liggaam sê 'n SEA sal voorkom dat die regering ingetrek word in 'n situasie wat vorentoe baie moeilik gaan wees om om te keer.

Aangesien ReconAfrica beplan om sy operasies ook na Botswana uit te brei, sê die WWF die SEA moet die impak op die totale ­Okavango-delta in ag neem.

Die vorige SEA van dié aard wat gedoen is en waarvoor 'n strategiese bestuursplan (SEMP) opgestel is, is die uraanprovinsie in die sentrale Namib.

'n Multidissiplinêre koördine­ringskomitee hou toesig oor die implementering van hierdie ­bestuursplan.

'n Navraag hieroor is gister aan me. Claire Preece, woordvoerder van ReconAfrica, gerig.

Die maatskappy het teen druktyd nog nie kommentaar op die aan­bevelings gelewer nie.

[email protected]

Soortgelyk

 

Covid-19: In beeld 24 Februarie 2021

1 uur gelede | Gesondheid

Soos sake staan...

Vrou geholpe, man se operasie 'n sukses

2 ure gelede | Gesondheid

Die vrou wat in 'n parkeerterrein by die Katutura-hospitaal in haar motor gebly het om naby haar man te wees wat weke vir 'n heupoperasie...

80 nuwe gevalle, twee sterftes

4 ure gelede | Gesondheid

Twee Covid-19-verwante sterftes is vandag aangekondig, waarvan een in Walvisbaai en een in Outapi. Dit bring die totaal op 413 te staan bring. Tagtig nuwe...

Okavango-alliansie vra vir moratorium op oliesoektog

5 ure gelede | Omgewing

'n Alliansie van plaaslike en internasionale burgerlike organisasies en aktiviste, Save Okavango's Unique Life (Soul), wil hê 'n moratorium moet geplaas word op ReconAfrica se...

Namibië se Ontplooiings- en Immuniseringsplan "onder die beste...

8 ure gelede | Gesondheid

Namibië se Ontplooiings- en Immuniseringsplan teen Covid-19 is deur die Wêreldgesondheidsorganisasie (WHO) as "een van die beste in die wêreld" beskryf. Volgens die minister van...

N$583 miljoen vir Namibië se Covid-19 Ontplooiings- en Immuniseringsplan...

8 ure gelede | Gesondheid

Die totale voorgestelde begroting vir Namibië se Ontplooiings- en Immuniseringsplan vir Covid-19-entstowwe is N$583 miljoen waarvan N$484,8 miljoen vir die aankoop van die entstowwe is....

Covid-19-regulasies geld tot 31 Maart

8 ure gelede | Gesondheid

Pres. Hage Geingob het pas by Staatshuis aangekondig die huidige Covid-19-maatreëls geld vir die volgende 36 dae vanaf middernag tot 31 Maart (Onafhanklikheidsdag op 21...

Metro spoils its customers

11 ure gelede | Plaaslik

Metro Namibia celebrated its birthday in style once again by spoiling five lucky customers each to a trailer of their own, stocked with N$5,000-00 worth...

Knopvelsiekte breek in Omaheke uit

19 ure gelede | Landbou

Knopvelsiekte het by Eiseb in die Omahekestreek uitgebreek en die beweging van beeste in dié gebied is tot verdere kennisgewing opgeskort.Dr. Albertina Shilongo, hoof-veeartsenybeampte in...