Oliesoektog: Druk laai op teen Kanada, Namibië

ReconAfrica dryf ‘agressiewe aandeleveldtog’

24 June 2021 | Omgewing
Ronelle Rademeyer - Die Kanadese regering is versoek om ’n omsigtigheidsondersoek te doen na Reconnaissance Energy Africa (ReconAfrica) se oliesoektog in die Kavango.

’n Eko-forensiese prokureursfirma in Johannesburg sê in ’n brief aan die Kanadese eerste minister, Justin Trudeau, die ministers verantwoordelik vir natuurlike hulpbronne, die omgewing en klimaatsverandering asook opposisieleiers dat dié Kanadese olie- en gas maatskappy internasionale ooreenkomste oortree wat deur Kanada onderteken is.

Me. Divina Naidoo van Schindlers Forensics het gister aan Republikein gesê ’n afskrif van dié brief is ook aan die Namibiese minister van die omgewing, bosbou en toerisme, mnr. Pohamba Shifeta, gestuur.

Kanada sowel as Namibië het die Parys-ooreenkoms. Dit is ’n wetlike en bindende internasionale verdrag oor klimaatsverandering. Ingevolge dié ooreenkoms moet ’n ontwikkelde land soos Kanada ’n ontwikkelende land soos Namibië finansieel bystaan om na ’n koolstofneutrale ekonomie te beweeg.

“Ons hoop om met hierdie brief die deur oop te maak vir gesprekvoering met die Kanadese regering oor hierdie kwessie,” sê sy.

“Hierdie aktiwiteit is strydig met verskeie internasionale ooreenkomste oor die bewaring van die omgewing wat Kanada onderskryf en onderteken het,” voeg sy by.

Verskeie godsdiensgroepe, die Wêreldnatuurfonds (WFF) en digby 200 internasionale omgewingsorganisasies het ook die laaste paar weke briewe aan die Kanadese regering geskryf en hul kommer oor die moontlike verwoestende impak op die natuurlewe in die Okavango-delta, ’n wêrelderfenisgebied, te kenne gegee.

Daarbenewens het sowat 65 000 mense onlangs ’n versoekskrif aan die Namibiese regering gestuur om te vra dat ReconAfrica sy bedrywighede moet staak.

Schindler Forensics vra die Kanadese regering moet dié land se ombudspersoon vir verantwoordelike ondernemings genoegsame magte gee “om ’n deeglike en onafhanklike” ondersoek na ReconAfrica te doen.

Naidoo vra in haar brief die wetlikheid en die implikasies van die projek moet ondersoek word.

Volgens haar is Schindlers Forensics bekommerd daaroor dat ReconAfrica nie voldoen het aan al die statutêre vereistes van die Namibiese regulasies vir omgewingsimpakstudies en die Wet op Omgewingsbestuur nie.

“Indien die projek voortgaan, sal dit ’n verwoestende uitwerking op aardverwarming en die ekostelsel in die voorgestelde ontginningsgebied hê. Dit sal ook inbreek maak op die mense- sowel as sosio-ekonomiese regte van die plaaslike en inheemse mense van Namibië,” skryf Naidoo.

Sy het gister gesê die Kanadese regering het nog nie op die brief reageer nie.

ReconAfrica het op 27 Mei, dieselfde dag waarop Naidoo die brief gerig het, op Facebook verklaar hy is “toegewyd aan volhoubare ontwikkeling en beoefen beste praktyke om die omgewing te beskerm”.

Die maatskappy sê hy pas beleide en protokolle toe wat natuurbewaring in Namibië en Botswana ondersteun.

Aggressiewe bemarking

Intussen is die naweek berig ReconAfrica het “honderdduisende betaal om plasings oor die wêreld se volgende reuse-olievonds in die kuberruim te bevorder”.

The Globe and Mail skryf in ’n artikel op 14 Januarie verlede jaar het ReconAfrica se aandeleprys met 40% gestyg en die volume wat verhandel het, was nege keer hoër as die vorige dag.

Op 15 Januarie het die maatskappy in ’n verklaring gesê hy kan nie aan enige rede dink waarom dit gebeur het nie.

Twee dae later het ReconAfrica op versoek van die Kanadese beleggingsbedryf se regulatoriese liggaam, IIROC, onthul hy het ’n Duitse mediamaatskappy, Bull Markets Media, US$120 000 vir ’n aggressiewe aandeelbevorderingsveldtog, berig The Globe and Mail.

Ná ’n stortvloed soortgelyke promosie-artikels die afgelope 18 maande oor sy oliesoektog, het die maatskappy se aandeleprys van 50 sent tot US$12 gestyg.

Gedetailleerde klagtes is intussen by reguleringsowerhede vir die aandelebedryf in beide die VSA en Kanada ingedien.

ReconAfrica word daarin van onreëlmatige aandeelbevordering en onvoldoende openbaarmaking beskuldig. [email protected]

Soortgelyk

 

Hengari at the forefront of the youth agenda

3 ure gelede | Skole

Rivaldo Kavanga Hailing from Okakarara in the Otjozondjupa Region, Inna Koviao-Vetarere Hengari (25) is Namibia’s youngest elected parliamentarian. She currently leads the youth agenda...

For the love of reading

3 ure gelede | Onderwys

The Presidential Advisor on Youth Matters and Enterprise Development, Daisry Mathias, joined learners at Fidel Castro Primary School to mark 2021 National Readathon Week. Mathias...

New education act, regulations in final stages

3 ure gelede | Onderwys

Iréne-Mari van der Walt The regulations adjacent to the new education act are in their final stages, according to the education inspector for...

Let’s talk about it

3 ure gelede | Skole

Monique Adams On Thursday, 2 September, the Office of the First Lady and One Economy Foundation facilitated an intergenerational dialogue with young people.This dialogue looked...

Jong skoonheid met 'n hart van goud

3 ure gelede | Skole

Mariselle Stofberg – Vir Chanique (Chani) Rabe wat onlangs as die nuwe Mej. Supranasionaal 2021 aangewys is, is haar passie vir jeug- en gemeenskapsontwikkeling ’n...

Windhoek Hospitality and Culinary College introduces new programme

3 ure gelede | Onderwys

Desiree Gases The Windhoek Hospitality and Culinary College (WHCC) is introducing Namibia Training Authority’s (NTA) level two housekeeping, laundry and front office programme with an...

Following in my father’s footsteps

3 ure gelede | Skole

Amalia Cloete I am currently studying at the International Training College Lingua. I am doing an honours degree in human resource (HR) management, and this...

Pupkewitz Megabuild launches 2022 graduate programme

3 ure gelede | Onderwys

Wetumwene Shikage The Pupkewitz Megabuild Graduate Programme initiative is aimed at supporting newly graduated students to gain work experience, which will serve as an additional...

Rundu in die donker

10 ure gelede | Energie

Inwoners van Rundu is sedert 10:00 vanoggend sonder krag. Volgens NamPower se areabestuurder vir die noordelike streek, mnr. Petrus Immanuel, is dit weens tegniese...