Olieprys skiet die hoogte in ná aanval
Elvira Wood en Bloomberg – Die prys van ruolie het vroeg Maandagoggend die hoogte ingeskiet.
Dit volg ná ’n hommeltuig-aanval op Saoedi-Arabië en die wêreld se grootste olie-aanleg.
Waar Brent-ruoliepryse Sondag kort na die aanval 0,26% laer op $60,22 per vat verhandel het, het dit vroeg Maandagoggend kort nadat markte begin verhandel het, tot $68,44 per vat gestyg.
Dit het ’n paar uur later tot $66,10, oftewel 9,76% hoër vir die dag gedaal.
As die prys van ruolie hoog bly, sal Suid-Afrikaners dit aan hul sakke voel.
Die twee grootste veranderlikes wat betref die plaaslike petrolprys is die olieprys saam met die rand-dollarwisselkoers.
Die rand verhandel vroeg Maandagoggend teen R14,64 teenoor die dollar.
In randterme en teen die huidige wisselkoers beteken dit die olieprys het oornag met meer as R87 per vat gestyg.
Bloomberg berig termynkontrakte vir Brent-ruolie het kort nadat markte begin verhandel het, die meeste gestyg sedert hulle in 1988 geskep is.
“Ons het nog nooit so ’n groot ontwrigting wat betref aanbod in die oliemark gesien, óf dat pryse só heftig reageer nie,” sê Saul Kavonic, energieontleder by Credit Suisse.
Hy sê dit is duidelik dat politieke gebeure ’n rol speel in die prys van olie.
Die aanval wat met hommeltuie uitgevoer is, het die olieproduksie van Saoedi-Arabië met die helfte gesny.
Dit is die grootste aanval op die land se olie-infrastruktuur sedert Saddam Hoesein in die eerste Golfoorlog Scud-missiele op die land afgevuur het.
Die Hoethi-rebellebeweging wat deur Iran gesteun word en uit Jemen opereer, het verantwoordelikheid vir Saterdag se aanval aanvaar.
Dit was veral die Abqaiq-raffinadery, eiendom van die staatsoliemaatskappy Saudi Aramco, wat die meeste deurgeloop het in die aanval.
Pres. Donald Trump van Amerika het getwiet sy land is reg om op te tree sodra nog inligting oor die aanval van Saoedi-Arabië ontvang word.
Saudi Arabia oil supply was attacked. There is reason to believe that we know the culprit, are locked and loaded depending on verification, but are waiting to hear from the Kingdom as to who they believe was the cause of this attack, and under what terms we would proceed!
— Donald J. Trump (@realDonaldTrump) September 15, 2019
Dié Abqaiq-raffinadery is die grootste verwerkingsaanleg van ruolie.
Saudi Aramco is die maatskappy met wie die regering van Suid-Afrika verlede jaar ’n ooreenkoms gesluit het om te help bou aan ’n nuwe olieraffinadery by Richardsbaai in KwaZulu-Natal. Die raffinadery gaan ontwerp word om Arab Light en Arab Extra Light ruolie te verwerk – juis dié olie wat deur die Abqaiq-aanleg geproduseer word.
Bloomberg berig dit is nie net die prys van olie wat gestyg het nie, maar ook ander hulpbronne wat tipies as veilige beleggingshawens beskou word.
Goud het ook Maandagoggend met meer as ’n persent tot $1 504,75 per fynons gestyg.
– Netwerk24
Dit volg ná ’n hommeltuig-aanval op Saoedi-Arabië en die wêreld se grootste olie-aanleg.
Waar Brent-ruoliepryse Sondag kort na die aanval 0,26% laer op $60,22 per vat verhandel het, het dit vroeg Maandagoggend kort nadat markte begin verhandel het, tot $68,44 per vat gestyg.
Dit het ’n paar uur later tot $66,10, oftewel 9,76% hoër vir die dag gedaal.
As die prys van ruolie hoog bly, sal Suid-Afrikaners dit aan hul sakke voel.
Die twee grootste veranderlikes wat betref die plaaslike petrolprys is die olieprys saam met die rand-dollarwisselkoers.
Die rand verhandel vroeg Maandagoggend teen R14,64 teenoor die dollar.
In randterme en teen die huidige wisselkoers beteken dit die olieprys het oornag met meer as R87 per vat gestyg.
Bloomberg berig termynkontrakte vir Brent-ruolie het kort nadat markte begin verhandel het, die meeste gestyg sedert hulle in 1988 geskep is.
“Ons het nog nooit so ’n groot ontwrigting wat betref aanbod in die oliemark gesien, óf dat pryse só heftig reageer nie,” sê Saul Kavonic, energieontleder by Credit Suisse.
Hy sê dit is duidelik dat politieke gebeure ’n rol speel in die prys van olie.
Die aanval wat met hommeltuie uitgevoer is, het die olieproduksie van Saoedi-Arabië met die helfte gesny.
Dit is die grootste aanval op die land se olie-infrastruktuur sedert Saddam Hoesein in die eerste Golfoorlog Scud-missiele op die land afgevuur het.
Die Hoethi-rebellebeweging wat deur Iran gesteun word en uit Jemen opereer, het verantwoordelikheid vir Saterdag se aanval aanvaar.
Dit was veral die Abqaiq-raffinadery, eiendom van die staatsoliemaatskappy Saudi Aramco, wat die meeste deurgeloop het in die aanval.
Pres. Donald Trump van Amerika het getwiet sy land is reg om op te tree sodra nog inligting oor die aanval van Saoedi-Arabië ontvang word.
Saudi Arabia oil supply was attacked. There is reason to believe that we know the culprit, are locked and loaded depending on verification, but are waiting to hear from the Kingdom as to who they believe was the cause of this attack, and under what terms we would proceed!
— Donald J. Trump (@realDonaldTrump) September 15, 2019
Dié Abqaiq-raffinadery is die grootste verwerkingsaanleg van ruolie.
Saudi Aramco is die maatskappy met wie die regering van Suid-Afrika verlede jaar ’n ooreenkoms gesluit het om te help bou aan ’n nuwe olieraffinadery by Richardsbaai in KwaZulu-Natal. Die raffinadery gaan ontwerp word om Arab Light en Arab Extra Light ruolie te verwerk – juis dié olie wat deur die Abqaiq-aanleg geproduseer word.
Bloomberg berig dit is nie net die prys van olie wat gestyg het nie, maar ook ander hulpbronne wat tipies as veilige beleggingshawens beskou word.
Goud het ook Maandagoggend met meer as ’n persent tot $1 504,75 per fynons gestyg.
– Netwerk24
Kommentaar
Republikein
Geen kommentaar is op hierdie artikel gelaat nie