Old Mutual gee Covid-hupstoot

Skenk twee QIAcube Connect-masjiene

30 April 2020 | Gesondheid
Mariselle Stofberg - Old Mutual het op Dinsdag (28 April) twee nuwe toetsmasjiene aan die Namibië Instituut vir Patologie (NIP) oorhandig om hul kapasiteit te versterk om vir Covid-19 te toets.

Die twee QIAcube Connect-masjiene sal dit moontlik maak om ’n bykomende 72 tot 96 weefselmonsters per dag te toets.

Die masjiene berei die monsters voor vir toetsing, ’n belangrike taak wat die NIP tot dusver met die hand gedoen het.

“Nou sal ons ongeveer 180 toetse per dag kan doen deur ’n kombinasie van hand- en masjiengedrewe toetse. Die vraag om monsters te toets raak daagliks meer, maar met hierdie nuwe toerusting kan ons die kapasiteit van toetse verhoog en in die rigting van algehele outomatiese toetsing begin beweeg,” sê mnr. Boniface Makumbi, die waarnemende uitvoerende hoof van NIP.

“Ons kan met trots sê ons het tans 10 wetenskaplikes wat toetse doen en in twee skofte per dag werk,” sê Makumbi.

Alle toetse word aan gehaltebeheer onderwerp.

OLD MUTUAL SKENK

Old Mutual het op 31 Maart onderneem om N$5 miljoen in die stryd teen Covid-19 te belê. Die maatskappy het reeds kos ter waarde van N$1 miljoen aan kwesbare gesinne en -individue in die 14 streke geskenk.

Hulle gaan ook N$2,7 miljoen in die uitbreiding van die land se toetsvermoë belê.

“Ons het N$1,7 miljoen aangewend vir toetstoerusting, om die skaal van toetsing te verbreed en om toetstoestelle te verkry. ’n Verdere N$1 miljoen sal belê word in die versterking van die land se vermoë om diegene op te spoor wat in kontak met ’n bevestigde Covid-19-geval was,” het mnr. Kosmas Egumbo, die uitvoerende hoof van Old Mutual gesê.

“Ons het na lande gaan kyk wat reeds Covid-19 beveg en het spesifiek op hierdie gebiede besluit. Dit sal moontlik wees om die tempo van infekterings te verminder deur grootskaalse toetsing wat effektiewe opsporing, isolasie en behandeling insluit. Ons verminder op die wyse die druk op ons gesondheidsfasiliteite,” sê Egumbo.

Deel van hierdie skenking is 42 toetstoestelle, maar weens ‘n tekort aan voorraad is nog net twee toestelle beskikbaar.

Die ander toestelle sal binne die volgende paar weke beskikbaar wees.

Old Mutual gaan ’n verdere N$1,3 miljoen aan die nasionale rampfonds skenk vir die betaling van toelaes aan tydelike gesondheidswerkers.

“Tans is ’n uitstekende voorbeeld van wat kan gebeur as die private- en openbare sektor saamwerk, hulpbronne deel en as ’n eenheid funksioneer,” het mnr. Brian Eiseb, die voorsitter van die NIP-raad gesê.

Eiseb meen dit is noodsaaklik vir die NIP om hul toetsvermoë te verbreed.

“Hierdie nuwe toerusting gaan dit nie net moontlik maak om meer weefselmonsters te toets nie, maar gaan ook help om ons personeel te beskerm deur hulle kontak met monsters te verminder.”

“Aan die mans en vroue wat hulle lewens op die spel plaas om hierdie virus te bestry en die land in hierdie krisis te dra en beskerm, wil ons net sê: Ons is hier vir julle,” het Egumbo gesê. - [email protected]

Soortgelyk

 

Hardap-sluise nóg groter getrek

2 dae gelede | Omgewing

Elvira Hattingh - Die Hardapdam se sluise is om 10:30 nóg groter oopgetrek sodat dit nou 300 m³ water per sekonde uitlaat – ‘n aanpassing...

La Niña skop dalk nóú in

2 dae gelede | Weer

Elvira Hattingh – Terwyl die weerkantoor ‘n weerwaak vir vandag vir wydverspreide donderbuie oor die westelike helfte van die binneland uitgereik het, meen ‘n weerkenner...

Selfdegeslaghuwelike ly neerlaag … vir nou

2 dae gelede | Howe

Jana-Mari Smith – Drie hoërhofregters het hulle gister sterk ten gunste van die wetlike erkenning van selfdegeslaghuwelike in Namibië uitgespreek, maar het nietemin die aansoeke...

Elisenheimrivier sleep motors weg

2 dae gelede | Weer

Augetto Graig – Die Elisenheimrivier het Woensdagaand motorvoertuie saamgesleep toe dit verby die Farmers Kitchen restaurant by Gastefarm Elisenheim oorstroom het. Me. Rentia van der...

Hardap loop gou vol

2 dae gelede | Weer

Elvira Hattingh – Die Hardapdam sou na verwagting laat gisteraand 70% van sy kapasiteit bereik, wat beteken dié suidedam se sluise sou oopgetrek moes word....

kykNET se ‘Wat Dit Vat’: Hier’s die kunstenaars

2 dae gelede | Byvoegsels

Dit was pret, dit was plesier en dit was ’n malligheid op note. Toe die briljante musikant en musiekvervaardiger Loki Rothman gesê het hy gaan...

Fees van klassieke musiek ten bate van kanker

2 dae gelede | Byvoegsels

Een van die mees begaafde pianiste in Namibië, Johann van der Merwe, bied môre (22 Januarie) 'n uitvoering aan om geld in te samel om...

Working with high standards of technology

2 dae gelede | Mense

Wetumwene Shikage Not expecting to find a smooth and easy way of work, Romario Arnat describes his working experience as an eye-opener as to how...

Taking steady growing curves

2 dae gelede | Mense

Wetumwene Shikage Timothy Olivier’s passion and dedication has been a key driver in his success not only within Old Mutual, but throughout his...