Okahandjarivier saai wéér amok

26 February 2020 | Omgewing
Elvira Hattingh - Die Okahandjarivier het gisternag wéér mnr. James Roux se kleinhoewe buite Okahandja oorstroom en boonop vroegoggend een persoon meegesleur.

Die polisie, asook lede van die gemeenskap, loop tans langs die rivier af om dié persoon te soek, het mnr. Freddie Koch, wat ook op een van die kleinhoewes woon, pas aan Republikein gesê. Hy sê die rivier loop tans nog baie sterk op plekke.

Koch sê drie kontrakwerkers wou die rivier vroegoggend te voet oorsteek. Alhoewel een van die kleinhoewe-eienaars hulle probeer waarsku het om dit nie te waag nie, het hulle om die een of ander rede nie op hom ag geslaan nie.

“Een van die drie werkers was ‘n vrou met ‘n baba by haar. ‘n Man asook die vrou en haar baba kon gered word, maar die derde persoon is deur die rivier meegesleur,” het Koch gesê.

Intussen sê Roux dié keer se oorstroming is veel erger as verlede week Donderdag s’n toe die Okahandjarivier sterk afgekom het en sy fabriek, huise en kantore twee opeenvolgende nagte oorstroom het.

Ten spyte van dae se werk om keurwalle in die rivier te stoot en die pak van sandsakke, het die rivier gisternag wéér deur hul eiendom gestroom en die keer het van sy hoenders verdrink. Roux bedryf ‘n eierboerdery, Osona Eggs, van sy kleinhoewe af.

Kleinhoewe-eienaars meen die rivier raak die spoor byster weens ‘n ou sandmyn hoër op.

Soortgelyk

 

Etosha Sondagmiddag deur aardbewing geskud

10 ure gelede | Omgewing

Ronelle Rademeyer - ’n Aardbewing van 4,7 op die Richterskaal het Sondag om 16:42 in die Etosha nasionale park voorgekom.Me. Gloria Simubali, adjunk uitvoerende direkteur...

Is groot Beethoven-feesjaar van die baan?

10 ure gelede | Kuns en vermaak

Groot feesvierings is wêreldwyd en veral in Duitsland en Oostenryk beplan ter herdenking van die komponis Ludwig van Beethoven se 250ste geboortejaar. Elretha Britz van...

Naam bekend van Namibiër wat in Engeland aan Covid-19...

10 ure gelede | Gesondheid

Ronelle Rademeyer - Die Namibiër wat Saterdag in Nottingham, Engeland, aan die coronavirussiekte (Covid-19) dood is, se naam is bekend gemaak.Hy is die 56-jarige mnr....

Paspoorte: Lorriedrywers kry voorkeur

11 ure gelede | Regering

Denver Kisting – Die ministerie van binnelandse sake, immigrasie, veiligheid en sekuriteit het by monde van sy woordvoerder, mnr. Sakeus Kadhikwa, ontken hulle reik tans...

Meer as 3 000 vir Covid-19 getoets

11 ure gelede | Gesondheid

Die adjunkminister van gesondheid en maatskaplike dienste me. Esther Muinjangue sê 3 186 weefselmonsters is tot op hede vir Covid-19 getoets. Namibië het tans 21...

Moody's-klap voor begroting

22 ure gelede | Regering

Jo-Maré Duddy – Op die vooraand van finansminister Iipumbu Shiimi se debuutbegroting sit die regering nie net kniediep in die rommel nie, maar verskraal sy...

Kwarantyn-drama ry lorriedrywers

22 ure gelede | Gesondheid

Leandrea Louw op Walvisbaai – Die vragmotorbestuurder wat die afgelope naweek positief vir Covid-19 getoets het, sê sy voormalige werkgewer het hom en sy kollega...

Man voor hof ná 'hardhandigheid'

22 ure gelede | Misdaad

Denver Kisting – 'n Inwoner van Groot Aub, mnr. Richard Davids, wat aanvoer 'n beampte van die stadspolisie het hom verlede week aangerand, is Vrydag...

Weer, Dinsdag 26 Mei 2020

22 ure gelede | Weer

WEERWAAK: Koue tot baie koue toestande word in die Suide, die Weste en oor die Khomas- en Omahekestreek verwag. Tref voorsorg.BINNELAND: Gedeeltelik bewolk en koud...