Ohangwena: Preprimêre onnies pleit vir toelaes
Vroeë kinderontwikkelingversorgers en preprimêre opvoeders in die Omulonga-kiesafdeling het 'n vergadering met die geslagsgelykheidsministerie en die Ohangwena-streekraad versoek om 'n toelaag te bespreek.
Tunohole Mungoba op Omulonga
Voorskoolse onderwysers en versorgers in die Ohangwenastreek het 'n pleidooi aan die ministerie in die presidensie verantwoordelike vir geslagsgelykheid, armoede-uitwissing en maatskaplike welsyn en die ministerie van onderwys, kuns en kultuur gerig om in te tree en vir hulle 'n maandelikse toelaag te gee vir die opleiding van kinders in verskeie kleuterskole.
Hulle vra ook vir geld sodat hulle 'n voedingsprogram vir hul leerlinge van stapel kan stuur, aangesien leerlinge net met water skool toe kom.
Hierdie kwessies is verlede week in die Omulonga-distrikskantoor in dié streek bespreek nadat die streekraadslid, mnr. Erickson Ndawanifa, talle klagtes van die onderwysers ontvang het.
Hy het versoek dat sy kantoor met die ministerie van geslagsgelykheid en maatskaplike welsyn vergader.
“Die kwessie is dat die regering onder dié ministerie opleiding vir vroeë kinderontwikkeling aanbied en wanneer hierdie opleiding voltooi is, sal hulle as 'subsidies' onder die ministerie gelys word en 'n toelaag van N$1 500 tot N$2 000 ontvang. Ongelukkig kry die meeste onderwysers in dié streek nie hierdie toelaag nie en sukkel finansieel.
“Nadat ek twee weke gelede die eerste briewe van die onderwysers ontvang het, het ek besluit om hierdie vergadering vandag te belê en die betrokke amptenare van die ministerie en ons streekkantoor uit te nooi om duidelikheid aan hierdie onderwysers te gee en 'n pad vorentoe te bespreek,” het Ndawanifa gesê.
Me. Anna Ekandjo, een van die onderwysers, sê dit is onregverdig dat slegs agt van die onderwysers hierdie toelaag ontvang.
“In ons omgewing is ouers arm en kan ons nie op hulle staatmaak om die kleuterskool se fooie te betaal of 'n bydrae te maak nie.
“Ons moet 'n stelsel implementeer wat ouers met uitstaande geld verbied om vir graad 1 te registreer. Hier in die bos is ons baie honger,” het sy gesê.
“Daar is 'n paar onderwysers wat al vir meer as 20 jaar werk en nog niks van die regering ontvang het nie. Ons wil 'n gemaklike omgewing vir ons kinders skep, maar ons het nie genoeg materiaal om te verseker dat die opvoeding wat ons bied op standaard is nie,” voeg sy by.
HONDERDE SKOLE
In reaksie op die klagtes van die onderwysers, sê mnr. Etuhole Haimbili, adjunkdirekteur in die direktoraat van stedelike en landelike ontwikkeling, dat die subsidies eers deur die streekkantoor gaan en daarna na die geslagsgelykheidsministerie.
“Daar is meer as 300 kleuterskole in die Ohangwenastreek. Sommige is geregistreer en ander nie. Dit is moeilik om vir almal voorsiening te maak, want daar is nie genoeg geld nie.
“Ons beplan om meer betalings te maak en meer fasiliteite te bou. Alles wat vandag bespreek is, is aangeteken,” het Haimbili gesê.
- [email protected]
Voorskoolse onderwysers en versorgers in die Ohangwenastreek het 'n pleidooi aan die ministerie in die presidensie verantwoordelike vir geslagsgelykheid, armoede-uitwissing en maatskaplike welsyn en die ministerie van onderwys, kuns en kultuur gerig om in te tree en vir hulle 'n maandelikse toelaag te gee vir die opleiding van kinders in verskeie kleuterskole.
Hulle vra ook vir geld sodat hulle 'n voedingsprogram vir hul leerlinge van stapel kan stuur, aangesien leerlinge net met water skool toe kom.
Hierdie kwessies is verlede week in die Omulonga-distrikskantoor in dié streek bespreek nadat die streekraadslid, mnr. Erickson Ndawanifa, talle klagtes van die onderwysers ontvang het.
Hy het versoek dat sy kantoor met die ministerie van geslagsgelykheid en maatskaplike welsyn vergader.
“Die kwessie is dat die regering onder dié ministerie opleiding vir vroeë kinderontwikkeling aanbied en wanneer hierdie opleiding voltooi is, sal hulle as 'subsidies' onder die ministerie gelys word en 'n toelaag van N$1 500 tot N$2 000 ontvang. Ongelukkig kry die meeste onderwysers in dié streek nie hierdie toelaag nie en sukkel finansieel.
“Nadat ek twee weke gelede die eerste briewe van die onderwysers ontvang het, het ek besluit om hierdie vergadering vandag te belê en die betrokke amptenare van die ministerie en ons streekkantoor uit te nooi om duidelikheid aan hierdie onderwysers te gee en 'n pad vorentoe te bespreek,” het Ndawanifa gesê.
Me. Anna Ekandjo, een van die onderwysers, sê dit is onregverdig dat slegs agt van die onderwysers hierdie toelaag ontvang.
“In ons omgewing is ouers arm en kan ons nie op hulle staatmaak om die kleuterskool se fooie te betaal of 'n bydrae te maak nie.
“Ons moet 'n stelsel implementeer wat ouers met uitstaande geld verbied om vir graad 1 te registreer. Hier in die bos is ons baie honger,” het sy gesê.
“Daar is 'n paar onderwysers wat al vir meer as 20 jaar werk en nog niks van die regering ontvang het nie. Ons wil 'n gemaklike omgewing vir ons kinders skep, maar ons het nie genoeg materiaal om te verseker dat die opvoeding wat ons bied op standaard is nie,” voeg sy by.
HONDERDE SKOLE
In reaksie op die klagtes van die onderwysers, sê mnr. Etuhole Haimbili, adjunkdirekteur in die direktoraat van stedelike en landelike ontwikkeling, dat die subsidies eers deur die streekkantoor gaan en daarna na die geslagsgelykheidsministerie.
“Daar is meer as 300 kleuterskole in die Ohangwenastreek. Sommige is geregistreer en ander nie. Dit is moeilik om vir almal voorsiening te maak, want daar is nie genoeg geld nie.
“Ons beplan om meer betalings te maak en meer fasiliteite te bou. Alles wat vandag bespreek is, is aangeteken,” het Haimbili gesê.
- [email protected]
Kommentaar
Republikein
Geen kommentaar is op hierdie artikel gelaat nie