Ohangwena II: Wyer en groter as verwag
Geohidroloë het in Windhoek oor die jongste ontdekkings met betrekking tot die Cubango-megawaaier vergader ná kernboorwerk gedoen is.
Elvira Hattingh - Die Kalahari Ohangwena II-akwifer strek dubbel so ver as wat voorheen gemeen is en bevat vier keer meer water as wat wetenskaplikes aanvanklik gereken het.
Wetenskaplikes van so ver as Duitsland en Amerika het gister die Cubango-megawaaier kernboordery-slypskool in Windhoek bygewoon, waartydens mnr. Bertram Swartz, adjunkdirekteur van geohidrologie by die ministerie van landbou, water en bosbou, dié syfers bekend gemaak het.
Volgens sy voorlegging strek die Ohangwena II-akwifer oor 5 170 km2, terwyl in 2013 geglo is dit dek slegs 2 500 km2. Dit bevat ook 20 miljard m³ water, terwyl voorheen geglo is dit bevat slegs 5 miljard m³.
Swartz het verder gewys dit blyk die bokant van die akwifer is sowat 235 m diep – vlakker as wat aanvanklik geglo is. Hy het ook gesê die Ohangwena- Ondergrondse Waterstelsel (OGS) kan hoë opbrengste lewer en ‘n beduidende hoeveelheid gebergde drinkbare water bevat.
MYLPAAL BEHAAL
Mnr. Abraham Nehemia, adjunk- permanente sekretaris van die ministerie van landbou, water en bosbou, het gesê die slypskool volg nadat nóg ‘n mylpaal behaal is in die projekte oor ondergrondse water in die noorde van Namibië en die Cubango-megawaaier kernboordery.
“Vir die eerste keer is ‘n aaneenlopende grondmonster tot op ‘n diepte van 400 m in die Kalaharikom in die noorde van Namibië geneem om die geologiese omgewing en geskiedenis van die Ohangwena-grondwaterstelsel te ondersoek.
“Voor hierdie navorsing het ons nie die klimatologiese en geologiese ontwikkeling en evolusie van die noordwestelike Kalahari tot op hede ten volle verstaan nie. Nou verstaan ons hoeveel water potensieël in die akwifer is, hoe wyd dit strek, en binnekort sal die aanvullingstempo ook bekend wees,” het Nehemia gesê.
NASA HELP ONDERGRONDSE WATER ONTDEK
Mnr. Justin Wilkinson, van die Amerikaanse ruimteagentskap (Nasa) se Johnson-ruimtesentrum in Houston, het by die slypskool gewys hoe satelliettegnologie ingespan kan word om ondergrondse waterstelsels te ontdek.
“Met behulp van Nasa se satellietfoto’s is vasgestel Suider-Afrika beskik moontlik oor 16 megawaaiers,” het hy gesê.
‘n Megawaaier verwys na massas sediment wat deur ‘n bewegende rivierstelsel afgeset is en van bo af tipies soos die tak van ‘n waaierpalm lyk. Aktiewe megawaaiers voorsien ‘n kom van water en is die rede vir die ontstaan van byvoorbeeld die OGS.
Volgens Wilkinson is 10 aktiewe megawaaiers in die noordwestelike Kalaharikom ontdek, wat drie saamgestelde komme kan voed. Dit sluit in die Owambo-Etoshakom, die Okavangokloof, asook die boonste dele van die Zambezi-kom.
LAASTE FASE
Swartz het gesê geohidroloë werk tans aan fase drie van die projek, waarvan die einddatum tot Mei 2019 verleng is.
“As deel van ‘n tegniese samewerkingsooreenkoms tussen Namibië en Duitsland het laasgenoemde finansiële en tegniese steun deur BGR (Bundesanstalt für Geowissenschaften und Rohstoffe) aan die projek verleen. Die projek het in 2014 begin as opvolg op wat reeds tussen 2007 en 2014 op die OGS gedoen is.
Wetenskaplikes van so ver as Duitsland en Amerika het gister die Cubango-megawaaier kernboordery-slypskool in Windhoek bygewoon, waartydens mnr. Bertram Swartz, adjunkdirekteur van geohidrologie by die ministerie van landbou, water en bosbou, dié syfers bekend gemaak het.
Volgens sy voorlegging strek die Ohangwena II-akwifer oor 5 170 km2, terwyl in 2013 geglo is dit dek slegs 2 500 km2. Dit bevat ook 20 miljard m³ water, terwyl voorheen geglo is dit bevat slegs 5 miljard m³.
Swartz het verder gewys dit blyk die bokant van die akwifer is sowat 235 m diep – vlakker as wat aanvanklik geglo is. Hy het ook gesê die Ohangwena- Ondergrondse Waterstelsel (OGS) kan hoë opbrengste lewer en ‘n beduidende hoeveelheid gebergde drinkbare water bevat.
MYLPAAL BEHAAL
Mnr. Abraham Nehemia, adjunk- permanente sekretaris van die ministerie van landbou, water en bosbou, het gesê die slypskool volg nadat nóg ‘n mylpaal behaal is in die projekte oor ondergrondse water in die noorde van Namibië en die Cubango-megawaaier kernboordery.
“Vir die eerste keer is ‘n aaneenlopende grondmonster tot op ‘n diepte van 400 m in die Kalaharikom in die noorde van Namibië geneem om die geologiese omgewing en geskiedenis van die Ohangwena-grondwaterstelsel te ondersoek.
“Voor hierdie navorsing het ons nie die klimatologiese en geologiese ontwikkeling en evolusie van die noordwestelike Kalahari tot op hede ten volle verstaan nie. Nou verstaan ons hoeveel water potensieël in die akwifer is, hoe wyd dit strek, en binnekort sal die aanvullingstempo ook bekend wees,” het Nehemia gesê.
NASA HELP ONDERGRONDSE WATER ONTDEK
Mnr. Justin Wilkinson, van die Amerikaanse ruimteagentskap (Nasa) se Johnson-ruimtesentrum in Houston, het by die slypskool gewys hoe satelliettegnologie ingespan kan word om ondergrondse waterstelsels te ontdek.
“Met behulp van Nasa se satellietfoto’s is vasgestel Suider-Afrika beskik moontlik oor 16 megawaaiers,” het hy gesê.
‘n Megawaaier verwys na massas sediment wat deur ‘n bewegende rivierstelsel afgeset is en van bo af tipies soos die tak van ‘n waaierpalm lyk. Aktiewe megawaaiers voorsien ‘n kom van water en is die rede vir die ontstaan van byvoorbeeld die OGS.
Volgens Wilkinson is 10 aktiewe megawaaiers in die noordwestelike Kalaharikom ontdek, wat drie saamgestelde komme kan voed. Dit sluit in die Owambo-Etoshakom, die Okavangokloof, asook die boonste dele van die Zambezi-kom.
LAASTE FASE
Swartz het gesê geohidroloë werk tans aan fase drie van die projek, waarvan die einddatum tot Mei 2019 verleng is.
“As deel van ‘n tegniese samewerkingsooreenkoms tussen Namibië en Duitsland het laasgenoemde finansiële en tegniese steun deur BGR (Bundesanstalt für Geowissenschaften und Rohstoffe) aan die projek verleen. Die projek het in 2014 begin as opvolg op wat reeds tussen 2007 en 2014 op die OGS gedoen is.
Kommentaar
Republikein
Geen kommentaar is op hierdie artikel gelaat nie