NWR se toekomsblik op toerisme

04 September 2020 | Toerisme
Die amptelike opening van die Internasionale Lughawe Hosea Kutako (HKIA) as deel van die toerismeherlewingsplan van die regering is die broodnodige aanmoediging wat die toerismesektor en Namibia Wildlife Resorts (NWR) nodig het.

Só sê die besturende direkteur van NWR, dr. Matthias Ngwangwama, wat meen dit is 'n stap vorentoe vir die herlewing van die toerismesektor wat tans een van sy grootste uitdagings in die geskiedenis en menseheugenis ervaar.

"Met die opening van die HKIA is ons hoopvol dat internasionale reisigers sal begin instroom en daarmee saam 'n positiewe sentiment in die toerismebedryf. Soos met alle maatskappye in Namibië en wêreldwyd, was die afgelope vyf maande uitdagend en ontstellend," het Ngwangwama gesê.

Hy sê in reaksie hierop het NWR sy sakebedrywighede aangepas om die uitdagings van die Covid-19-pandemie die hoof te bied: NWR het 'n samewerkingsooreenkoms met die Namibiese Vakbond vir Staatsdienswerkers (Napwu) onderteken wat tot kostebesnoeiingsmaatreëls gelei het.

Volgens Ngwangwama is 'n nuwe prysmodel vir die plaaslike toerismemark ook aanvaar wat tot dusver NWR se bedrywighede kon volhou.

Hy sê dit is egter geen geheim dat die plaaslike mark alleen nie voldoende is om die toerismesektor te dra nie.

"Voor die opening van die HKIA was en is die toerismebedryf voortdurend deur die pandemie geraak. Net so het sommige van die reisbeperkings verdere twyfel op enige maatskappy in die bedryf geplaas om op die kort termyn te herstel," verduidelik Ngwangwama.

"Ons is baie bedag op die rol wat ons in die Namibiese sake-arena vervul en as ons na die toekoms kyk, verstaan ons dat daar 'n lang pad is voor die sektor weer dieselfde kamerbesettings as voor Covid-19 sal ervaar."

Soortgelyk

 

Geingob onder skoot oor ‘wit’ opmerkings

9 ure gelede | Politiek

Denver Kisting – Die leier van die amptelike opposisie, mnr. McHenry Venaani, sê wat pres. Hage Geingob die afgelope naweek oor wit mense kwytgeraak het,...

Verskeie daaglikse vlugte binnekort na SA

9 ure gelede | Vervoer

Ronelle Rademeyer – FlyWestair en Airlink, die private Namibiese en Suid-Afrikaanse rederye, het tot reisigers se redding gekom en gaan die leemte aan direkte, geskeduleerde...

Skone Lira bemark Namibië

9 ure gelede | Toerisme

Die Suid-Afrikaanse sangeres Lira, wat die inperking in Namibië deurgebring en uitgebreide verkenningsreise in die land onderneem het, is deur die Federasie van Namibiese Toerismeverenigings...

Weer vir 19 Oktober

9 ure gelede | Weer

BINNELAND: Gedeeltelik bewolk en bloedig warm in die Ooste. Elders sal die sonnig wees en baie warm tot bloedig wees. KUS: Gedeeltelik bewolk en koel...

Verdagte panga-rowers in hegtenis

9 ure gelede | Misdaad

Kristien KrugerVolgens ’n Namibiese polisieverslag is sewe mans in hegtenis geneem in verband met ’n aantal gewapende rooftogte in Windhoek.Die mans het hulself glo die...

Massavrekte van robwelpies ondersoek

9 ure gelede | Omgewing

Elvira Hattingh – ’n Ondersoekspan het begin om ongewone vrektes onder Kaapse pelsrobbe te ondersoek nadat klaarblyklik duisende wyfies vanjaar hul welpies teen die Namibiese...

Vier ton vis by Swakoppoort gekonfiskeer

9 ure gelede | Misdaad

Ronelle Rademeyer en Kristien Kruger – Sowat vier ton gedroogte vis en groot hoeveelhede visnettte en vislyn, asook die vlotte wat gebruik is om dit...

Stigma rondom Covid-19 neem af

9 ure gelede | Gesondheid

Jana-Mari Smith – Die normalisering van Covid-19 die afgelope jaar het veroorsaak dat stigmatisering weens die coronavirus besig is om af te neem, maar kenners...

Duitsland steun nasionale parke

9 ure gelede | Omgewing

Francoise SteynbergNóg 'n mylpaal is vir omgewingsbewaring behaal met die Duitse regering deur KfW wat sedert 2006 sowat N$1,4 miljard (75,5 euro) in Namibiese nasionale...