Nuwe wet oor drank sal belasting, werk sny

Onwettige smokkelbedryf sal hupstoot kry

23 September 2021 | Regering
Augetto Graig

Miljarde dollar se staatsinkomste en honderde werksgeleenthede is op die spel, sou die regering deurdruk met die omstrede konsepwet op die voorkoming en behandeling van middelemisbruik.

Namibië se rugby-unie het reeds die verbod op advertensies en borgskappe wat die wetgewing in die vooruitsig stel as drakonies en ‘n doodskoot vir talle sporte in die land beskryf.

Die besturende direkteur van Namibia Breweries (NBL), ‘n filiaal van die Ohlthaver & List-groep en een van die land se bekendste besighede, mnr. Marco Wenk, het die week die brouery se standpunt op rekord geplaas.

In Junie verlede jaar het die ministerie van finansies bereken dat die verbod op drank weens die Covid-19-pandemie die regering van byna N$300 miljoen se inkomste ontneem het. Volgens dieselfde verslag het die regering tydens ‘n periode van drie jaar sowat N$1 miljard se aksynsbelasting op drank en tabakprodukte verdien.

Volgens Wenk bestee NBL jaarliks tussen N$85 miljoen en N$100 miljoen aan bemarking en borgskappe.

“Die alkoholbedryf is ’n groot werkgewer in Namibië,” sê hy en voeg by dat die bedryf ‘n belangrike bydrae tot staatsinkomste en korporatiewe maatskaplike belegging maak.

“Die voorgestelde wetsontwerp sal in alle gevalle ‘n ernstige impak op die formele, wettige deel van die alkoholindustrie hê, terwyl die informele en onwettige deel van die bedryf heel waarskynlik onverpoosd sal voortgaan, en in baie gevalle ook verder sal groei,” sê Wenk.

“Die grootste deel van die Namibiese alkoholnywerheid is wettig en handel binne, en voldoen aan, die gevestigde en hoogs effektiewe Drankwet,” sê Wenk. “Ongelukkig sou 'n willekeurige verbod van so 'n aard nie net die NBL beïnvloed nie, maar ook ons ??hele waardeketting,” sê hy.

Volgens Wenk sal ondernemings wat inkomste of voordeel trek vanaf of deur die NBL die swaarste getref word. Die voorgestelde verbod sal NBL se volumes beïnvloed, wat volgens Wenk sonder twyfel tot werksverliese sal lei.

Die wetsontwerp herken volgens Wenk nie die werk wat die nywerheid se selfregulerende forum (SAIF) doen om verbruikers op te voed om alkohol verantwoordelik te gebruik en sodoende maatskaplike euwels te voorkom nie.

Wenk sê daar is geen bewyse dat ‘n verbod die gewenste uitwerking sal hê nie. “Dit sal eerder die grootste deel van die bevolking en besighede wat op die bedryf staatmaak benadeel as om die geteikende minderheid se gedrag te verander.

“Die bedryf, deur middel van SAIF, het die afgelope 18 maande by verskeie geleenthede sy voorneme bevestig om met die regering saam te werk om oplossings vir maatskaplike kwessies te vind,” sê Wenk. “Ons is vol vertroue dat oplossings gevind kan word as ons 'n inklusiewe benadering volg, wat sal lei tot bewysgebaseerde maatreëls om verbruiksgedrag te beïnvloed, ??terwyl ons terselfdertyd aandag kan gee aan die algemene impak,” sê Wenk.

SAIF SE STANDPUNT

Mnr. Horst Heimstädt, SAIF se koördineerder, sê verantwoordelike advertensieveldtogte is nie ‘n keuse nie, maar ‘n noodsaaklikheid; “nie net om die sigbaarheid van, en verwantskap met ‘n handelsmerk te verseker nie, maar dalk nog meer belangrik om die verantwoordelike gebruik van alkohol te herbevestig”.

Die media, drukkerye, die advertensie- en gasvryheidsbedrywe, venues vir sport en vermaak en besighede wat feeste en ander geleenthede bestuur, sal volgens hom almal skade lei.

Die drankbedryf verskaf volgens Heimstädt direk werk aan sowat 70 000 mense.

Navorsing wys volgens hom dat ‘n verbod nie noodwendig drankmisbruik verminder nie. In sekere lande wat die pad gestap het, drink mense nou meer.

Net 10% van die bevolking misbruik volgens Heimstädt drank.

Die heffing van bykomende belasting om vir voorkoming en rehabilitering te betaal, sal volgens SAIF die herstel ná Covid-19 bloot moeiliker maak.

Bykomende heffings het in Botswana en Zambië volgens Heimstädt nie drankgebruik verminder nie, maar die drastiese kostebesparings wat hierdeur veroorsaak is, het tot werksverliese van byna 50% gelei. Belastinginkomste het gekrimp en onwettige markte het bloot gegroei, sê hy.

Die bedryf se huidige borgskappe vir sport beloop volgens SAIF sowat N$20 miljoen per jaar. ‘n Verbod sal volgens Heimstädt vernietigend vir sport en sportontwikkeling wees. - [email protected]

Soortgelyk

 

Creativity and mental health: Where do we overstep

10 ure gelede | Gesondheid

Kalistu R Mukoroli, PR and brand strategistWe tend to preach about being creative, but isn’t this contributing to mental health issues? Creative people always push...

Tourism mogul driven by passion

10 ure gelede | Toerisme

Iréne-Mari van der Walt Part-owner of Swakop Cycle Tours Paul Ndjambula says despite his business being conceptualised during his time as an intern, it took...

Kalahari se water in die gedrang

10 ure gelede | Omgewing

Frank Steffen en Brigitte Weidlich – “Dit mag eenvoudig nie gebeur nie! Maak nie saak hoe jy uitloogproses benader nie, hierdie unieke kom sal onvermydelik...

Etosha se brand geblus

10 ure gelede |

Tanja Bause – Die veldbrand wat sedert Maandag in Etosha gewoed het, is eindelik gister onder beheer gekry. Volgens die woordvoerder van die ministerie van...

Professionele jagters se bewaringswerk

10 ure gelede | Toerisme

Emmanuel Koro, Johannesburg – Ná die verwoestende uitwerking van die Covid-19-pandemie op die Namibiese jag- en fotosafari-bedryf, het jagsyfers vanjaar ietwat verbeter. Terwyl sowat 5...

Jessica Ashley stel vandag enkelsnit vry

10 ure gelede | Byvoegsels

Die jong sangeres Jessica Ashley (Strydom) van Swakopmund stel vandag haar eerste enkelsnit – wat sy self geskryf het – vry. Die lied “Only 9”...

'n Liefdesgedig aan bedreigde spesies

10 ure gelede | Byvoegsels

Yandi du Plessis Wilde Kind se vollengte studio-album Omhanda is gister op alle stromingsplatforms uitgereik.“Omhanda” is die Oshiwambo-woord vir renoster. “Renosters is spesiaal vir Namibië...

Voortrekkers ná 90 jaar nog op koers

10 ure gelede | Byvoegsels

Die Windhoek-Schlengemann-kommando van die Namibiese Voortrekkers bied vanaand, in samewerking met Netwerk Namibië en Windhoek Afrikaanse Privaatskool, 'n plaaslike vertoning van die aanlyn konsert, Hou...

Learning through play

10 ure gelede | Gemeenskap

Mariselle StofbergStimuBox is an online store that produces and sells personalised sensory boxes. These boxes contain fun and simple, age-appropriate activities that help with the...