Nuwe parlement: Argitek eis miljoene

Staat kom nie ooreenkoms na

12 February 2019 | Howe
Ronelle Rademeyer - Sowat drie jaar nadat die regering onder openbare druk geswig en sy plan laat vaar het om ’n nuwe parlementsgebou vir sowat N$2,2 miljard op te rig, eis die destydse argitek N$28,6 miljoen as betaling vir sy dienste.

Volgens die besonderhede van die eis is die argiteksfirma Claud Bosch Argitekte op 13 Maart 2015 deur die destydse permanente sekretaris van werke en vervoer, mnr. Peter Mwatile, as die konsultante vir ’n kapitale bouprojek van die regering aangestel.

Dit beteken hierdie firma moes as die argitekte die nodige tegniese dokumentasie vir die projek voorberei. Verder sou Claud Bosch Argitekte ook die aanstelling van die konstrakteurs administreer.

Die firma se professionele tariewe is bereken volgens die voorgeskrewe tarief- en fooistrukture vir argitekte en bourekenaars.

Die ooreenkoms was dat die Claud Bosch Argitekte se betaling gemaak sou word wanneer die bouplanne aan die regering voorgelê word. Rente sou gehef word teen ’n koers van prima plus 2% op agterstallige bedrae, blyk dit uit die hofstukke.

Op 24 Februarie 2016 het mnr. Claud Bosch en mnr. Calvinos Mutsambiwa van die ministerie ’n mondelinge, professionele dienste-ooreenkoms aangegaan vir dienste wat bykomend tot die oorspronklike ooreenkoms gelewer sou word.

Dit was naamlik vir die ontwerp van dié nuwe parlementsgebou wat beide die Nasionale Vergadering (NV) en die Nasionale Raad (NR) sou huisves.

Claud Bosch Argitekte sou teen ’n uurlikse tarief verskeie projekontledings doen en die verslae voorlê.

Dié firma voer in die hofstukke aan hy het al die pligte van die skriftelike en mondelinge ooreenkoms nagekom.

Dit blyk verder ’n faktuur vir die betaling van N$26 323 807,82 is op 5 Augustus 2015 aan die ministerie voorgelê, waarvan net N$4 570 465,22 betaal is.

In Junie 2016 het ’n kabinetskomitee te midde van groot openbare druk onder voorsitterskap van die vorige visepresident, dr. Nickey Iyambo, aanbeveel dat dié duur en ambisieuse projek laat vaar word.

Daar is aanbeveel dat die regering ná die afhandeling van die aanvanklike beplanning en lewensvatbaarheidstudie vir die gebou, eers halt roep en nie met die oprigting daarvan voortgaan nie.

Die kabinetskomitee het ook uit die eerste minister, me. Saara Kuugongelwa-Amadhila, die speaker, prof. Peter Katjavivi, en die ministers van werke en vervoer; presidensiële aangeleenthede; finansies; ekonomiese ontwikkeling en die direkteur van die Nasionale Beplanningskommissie; inligting en kommunikasietegnologie, die adjunkspeaker en adjunkvoorsitter van die NV en NR bestaan.

Volgens Claud Bosch Argitekte het die rente op die uitstaande bedrag sodanig opgeloop dat die regering hom nou N$28 590 696,00 skuld.

Dié siviele eis-saak dien weer op 25 Maart voor regter Herman Oosthuizen in die hoërhof in Windhoek vir voorverhoorverrigtinge.

Soortgelyk

 

Windhoek klop waterteikens

6 ure gelede | Plaaslik

font face="Verdana" >Elvira Hattingh - Inwoners van die hoofstad neem waterbesparings uiteindelik ernstig op en het die afgelope week weer 4% bespaar. Volgens me....

Kalahariwoestyn keer terug

6 ure gelede | Polisie

Denver Kisting – In ’n poging om soortgelyke tragedies te verhoed soos die een waarin ’n Zimbabwiese taxibestuurder gesterf het, gaan alle beamptes wat aan...

Weer, Woensdag 7 Augustus 2019

6 ure gelede | Weer

BINNELAND: Gedeeltelik bewolk en matig in //Kharas, maar warm tot baie warm in die Noorde. Elders sal dit sonnig en warm wees.KUS: Gedeeltelik bewolk en...

Tweejarige sterf in ongeluk

6 ure gelede | Ongelukke

’n Tweejarige meisie, Andrea Pawa Jason, het Saterdagoggend in ’n ongeluk sowat 2 km buite Usakos gesterf.Volgens die Namibiese polisie se misdaadverslag het die ongeluk...

Nudo, UPM voeg stem by antikuberkraakkoor

6 ure gelede | Politiek

Denver KistingDie president van die National Unity Democratic Organisation (Nudo), me. Esther Muinjangue, sê hulle is nie onder die huidige omstandighede beskikbaar vir die kuberkraaktoets...

renosters by Onguma onthoring

6 ure gelede | In beeld

Om stropery te voorkom het die Onguma-wildreservaat naby die Etosha Nasionale Park onlangs al hul renosters ontho­ring. Volgens die reservaatbestuurder, mnr. Jonathan Strijbis, was die...

Jong beesbeoordelaars beïndruk

6 ure gelede | Gebeure

Elvira HattinghBank Windhoek en Feedmaster span tans saam om 'n nasionale beesbeoordelaarskompetisie en -kursus vir Namibiese jongmense aan te bied.Tot dusver het die organiseerders deelnemers...

Elfjarige glo deur oom (48) verkrag

6 ure gelede | Misdaad

’n Meisie (11) is Vrydag omstreeks 14:00 glo deur haar 48-jarige oom in die Etaneno-nedersetting naby Onankali verkrag.Die verdagte is in hegtenis geneem en sou...

'Elke druppel tel'

6 ure gelede | Gesondheid

Henriette LamprechtAs alle babas onmiddellik ná geboorte direkte ­velkontak ontvang, vir ses maande uit­sluitlik geborsvoed word en tot op twee jaar bykomende voeding ontvang, sal...