Nuwe onmin onder Basters
Leiers verskil oor Rehoboth se status in Namibië.
Augetto Graig - 'n Hernude twis wat reeds geruime tydens onder die Basterleiers van Rehoboth broei het die kapteinsraad op die dorp se deure toegedwing.
Mnr. John McNab, kaptein van die Rehoboth Baster Gemeente (RBG), sê hy het mnr. Martin Dentlinger se bedanking as sy aangewese opvolger aanvaar. Daarmee is Dentlinger volgens McNab sy magte, posisie en mandaat kwyt.
“Tans is die kantoor van die kaptein gesluit en sonder 'n administrateur,” sê die kaptein in 'n nuusvrystelling. “'n Paar lastighede word uitgepluis en die kaptein hoop om binnekort 'n aankondiging in die verband te doen.”
Dentlinger sê egter die kantoor se slotte was reeds vroeër vervang om die administratiewe funksies van die kantoor te saboteer. Hy sê ook daar bestaan geen bedankingsbrief nie en McNab interpreteer 'n stelling verkeerd wat hy op sy eie Facebook-blad gemaak het.
Volgens McNab het die kapteinsraad gedurende September Dentlinger se bedanking aanvaar. Die stap volg op “neerhalende uitlatings, optrede en negatiewe mediaberigte” asook die “verswyging van feite, agterdog saai, moddergooiery en algehele disrespek vir die kaptein en kapteinsraad”. Hierdie venynige en persoonlike aanvalle het volgens McNab vlakke bereik wat nie meer geduld kon word nie.
Dentlinger het volgens McNab een keer sonder 'n verskoning of verduideliking uit 'n vergadering gestap en toe van ander vergaderings weggebly.
BURGERERWE
Die kapteinsraad wag volgens McNab tans op terugvoering van die ombudsman wat betref hul poging om die verkoop van erwe op die dorp te stuit totdat burgererwe toegeken is.
McNab sê hulle het die ombudsman, adv. John Walters, op Vrydag 2 November besoek vir gesprekke hieroor. konsultasies oor, “die erwe wat tans te koop aangebied word deur die Rehoboth dorpsraad. Volgens die kaptein en raad moet alle begunstigdes van die burgererwe voorkeur ontvang. Die kwessie word al volgens McNab vir langer as 24 jaar deur die dorpsraad vertraag.
Die kaptein voer aan die regering is grondwetlik verplig om aan die RBG se grondeise te voldoen aangesien inwoners se basiese menseregte, soos die reg op behuising en eiendomsreg, en beginsels soos menswaardigheid en gelykheid op die spel is.
Die kapteinsraad het volgens McNab wyd oor die Rehoboth-grondkwessie met kundiges gekonsulteer. “Uiters belangrike dokumente is opgespoor wat ons saak net versterk, sê die kaptein. Enkele antwoorde is volgens McNab nog uitstaande van “gerespekteerde internasionale kenners”.
NUWE HOFSAAK
Dentlinger sê die kaptein se vertrouelinge beplan opnuut om die regering oor die onteiening van die RBG se grond en bates hof toe sleep. Hy beskou so 'n regsaksie as 'n vermorsing van skaars hulpbronne.
“Ek is gekant daarteen,” sê hy, “omdat daar reeds drie hofsake was waarin die kapteinsraad verloor het. Dit verarm net die gemeenskap om sake na te jaag wat jy weet jy nie kan wen nie.”
Terwyl McNab die RBG se standpunt stel met verwysing na die Namibiese grondwet, is die land se hoogste wet en alle ander wetgewing volgens Dentlinger nie van toepassing op die RBG nie omdat dit eensydig afgedwing is sonder enige ooreenkoms. Politieke partye kan volgens Dentlinger nie met die Basters se regte handel dryf nie.
Omdat Namibiese howe nie jurisdiksie oor die RBG het nie kan net die Basterhof volgens Dentlinger oor die huidige geskil uitsluitsel gee.
Die regering erken nie die Baster Gemeente as 'n tradisionele owerheid nie.
Mnr. John McNab, kaptein van die Rehoboth Baster Gemeente (RBG), sê hy het mnr. Martin Dentlinger se bedanking as sy aangewese opvolger aanvaar. Daarmee is Dentlinger volgens McNab sy magte, posisie en mandaat kwyt.
“Tans is die kantoor van die kaptein gesluit en sonder 'n administrateur,” sê die kaptein in 'n nuusvrystelling. “'n Paar lastighede word uitgepluis en die kaptein hoop om binnekort 'n aankondiging in die verband te doen.”
Dentlinger sê egter die kantoor se slotte was reeds vroeër vervang om die administratiewe funksies van die kantoor te saboteer. Hy sê ook daar bestaan geen bedankingsbrief nie en McNab interpreteer 'n stelling verkeerd wat hy op sy eie Facebook-blad gemaak het.
Volgens McNab het die kapteinsraad gedurende September Dentlinger se bedanking aanvaar. Die stap volg op “neerhalende uitlatings, optrede en negatiewe mediaberigte” asook die “verswyging van feite, agterdog saai, moddergooiery en algehele disrespek vir die kaptein en kapteinsraad”. Hierdie venynige en persoonlike aanvalle het volgens McNab vlakke bereik wat nie meer geduld kon word nie.
Dentlinger het volgens McNab een keer sonder 'n verskoning of verduideliking uit 'n vergadering gestap en toe van ander vergaderings weggebly.
BURGERERWE
Die kapteinsraad wag volgens McNab tans op terugvoering van die ombudsman wat betref hul poging om die verkoop van erwe op die dorp te stuit totdat burgererwe toegeken is.
McNab sê hulle het die ombudsman, adv. John Walters, op Vrydag 2 November besoek vir gesprekke hieroor. konsultasies oor, “die erwe wat tans te koop aangebied word deur die Rehoboth dorpsraad. Volgens die kaptein en raad moet alle begunstigdes van die burgererwe voorkeur ontvang. Die kwessie word al volgens McNab vir langer as 24 jaar deur die dorpsraad vertraag.
Die kaptein voer aan die regering is grondwetlik verplig om aan die RBG se grondeise te voldoen aangesien inwoners se basiese menseregte, soos die reg op behuising en eiendomsreg, en beginsels soos menswaardigheid en gelykheid op die spel is.
Die kapteinsraad het volgens McNab wyd oor die Rehoboth-grondkwessie met kundiges gekonsulteer. “Uiters belangrike dokumente is opgespoor wat ons saak net versterk, sê die kaptein. Enkele antwoorde is volgens McNab nog uitstaande van “gerespekteerde internasionale kenners”.
NUWE HOFSAAK
Dentlinger sê die kaptein se vertrouelinge beplan opnuut om die regering oor die onteiening van die RBG se grond en bates hof toe sleep. Hy beskou so 'n regsaksie as 'n vermorsing van skaars hulpbronne.
“Ek is gekant daarteen,” sê hy, “omdat daar reeds drie hofsake was waarin die kapteinsraad verloor het. Dit verarm net die gemeenskap om sake na te jaag wat jy weet jy nie kan wen nie.”
Terwyl McNab die RBG se standpunt stel met verwysing na die Namibiese grondwet, is die land se hoogste wet en alle ander wetgewing volgens Dentlinger nie van toepassing op die RBG nie omdat dit eensydig afgedwing is sonder enige ooreenkoms. Politieke partye kan volgens Dentlinger nie met die Basters se regte handel dryf nie.
Omdat Namibiese howe nie jurisdiksie oor die RBG het nie kan net die Basterhof volgens Dentlinger oor die huidige geskil uitsluitsel gee.
Die regering erken nie die Baster Gemeente as 'n tradisionele owerheid nie.
Kommentaar
Republikein
Geen kommentaar is op hierdie artikel gelaat nie