Nuwe lughawepad: Fase een vorder

11 September 2019 | Vervoer
Tanja Bause - Die eerste fase van die bou van die dubbelpad wat van die Internasionale Lughawe Hosea Kutako tot in Windhoek sal strek, en sowat N$800 miljoen sal kos, nader voltooiing.

Volgens mnr. Conrad Lutombi, die Paaieowerheid (RA) se uitvoerende hoof, het fase een op 18 Januarie 2016 afgeskop en sal dit teen 28 November vanjaar voltooi wees.

Fase een strek van die Auasweg-wisselaar af tot waar die westelike verbypad en Mandume Ndemufayoweg by die Universiteit van Namibië (Unam) kruis, en is sowat 9 km lank.

Fase twee gaan van die Auasweg-wisselaar af tot by Dordabis en die lughawe strek.

“Daar is verskeie wisselaars om die vrye vloei van verkeer te verseker. Daar is byvoorbeeld ’n wisselaar wat deur motoriste gebruik sal word wat na of van Rehoboth, Okahandja en die lughawe reis,” sê Lutombi.

VKE Consulting Engineers was die konsultant vir fase een en China Railway Seventh Group, in samewerking met Onamagongwa Trading Enterprises, die kontrakteur.

“Toegang van die westelike verbypad af tot Academia via Hegelstraat sal middel September gesluit word. Die ontwerp vir toegang tot die Windhoek Buitekluboord en Kasino en Prosperita is voltooi en die konstruksie daarvan sal in Oktober begin,” sê die uitvoerende hoof.

Volgens hom maak talle vierwielmotorfietsryers en bergfietsryers tans van die bouterrein gebruik om op te ry.

“Dit is onwettig en ons vra mense om dit te staak. Dit is ’n bouterrein en dié mense skep ’n veiligheidsrisiko. Nog ’n bekommernis is taxi’s wat onwettig op die verkeerseiland oorkant Prosperita parkeer en mense wat eenvoudig oor die pad loop. Die RA wou drade langs die konstruksieroete opsit, maar die munisipaliteit was daarteen gekant,” sê Lutombi.

Hy het ’n beroep op mense gedoen om by die spoedbeperkings te hou en om op te let na beamptes met rooi vlae langs die pad.

Soortgelyk

 

Laat koppe rol - Jooste, SPYL

8 ure gelede | Politiek

Catherine Sasman - Stemme uit die regerende party dring toenemend aan dat diegene wat beskuldig word van korrupsie onder sy geledere verwyder word.Nadat die beleërde...

Gertze skiet glo vrou

8 ure gelede | Misdaad

Henriette Lamprecht – Die uitvoerende hoof van die Namibiese Kwalifikasieowerheid (NQA) het die naweek agter tralies deurgebring nadat hy na bewering sy vrou Saterdag in...

Namibiërs betoog oor korrupsie

8 ure gelede | Plaaslik

Tanja Bause - Meer as 200 mense van alle rasse en ouderdomme het Vrydag deelgeneem aan ’n teenkorrupsie-optog in Windhoek wat deur aktiviste gereël is....

VERKIESINGS 2019: PRESIDENSIËLE KANDIDATE

8 ure gelede | Politiek

McHenry VenaaniPopular Democratic Movement (PDM)McHenry Venaani is die leier van die amptelike opposisie en het in 2014 as mees suksesvolle opposisiekandidat 44 271 stemme (sowat...

Weer vir 18 November

8 ure gelede | Weer

BINNELAND: Gedeeltelik bewolk en baie tot bloedig warm met 'n paar donderbuie oor die verre Noordooste, andersins gedeeltelik bewolk en warm tot baie warm. Winderige...

Buitelandse mediese studente: Eksamen nietig verklaar

8 ure gelede | Gesondheid

Henriette Lamprecht – Die jongste pre-internskapevaluering van 297 studente wat medies in die buiteland studeer het, is nietig verklaar. Die evaluering is op 27 September...

Passasiers gestrand ná Frankfurt-botsing

8 ure gelede | Vervoer

Ronelle Rademeyer - Dit is in hierdie stadium nie bekend wanneer Air Namibia se vlugte tussen Frankfurt in Duitsland en Windhoek sal hervat nie.Dit volg...

Die kwaliteit van verkiesings

8 ure gelede | Politiek

Christie Keulder – Gereëlde vry en regverdige verkiesings is die rugraat van enige demokrasie.Die kwaliteit van verkiesings is daarom onontbeerlik vir die konsolidering van nuwe...

VERKIESINGS 2019: Regeringstrukture en die staatsdiens

8 ure gelede | Politiek

Die reeks neem politieke partye se manifeste oor sleutelkwessies in oënskou.ALL PEOPLE’S PARTY (APP)• Sny die uitspattige salarisse van openbare ondernemings (SOE’s) se direksie, uitvoerende...