'Nujoma piekfyn'

Die kantoor van die president het gemaan teen “ongegronde beweringe” rakende die gesondheid van stigterspresident Sam Nujoma.

“Die kantoor van die president wil die land verseker dat dit goed gaan met die stigterpresident en daar absoluut geen rede tot kommer is nie,” lui die verklaring.

Volgens die mediaverklaring is dit “betreurenswaardig” dat daar kwaadwillige persone is wat fopnuus en verkeerde inligting oor die gesondheidstoestand van Nujoma versprei.

“Sulke dade is bloot 'n aanval op die integriteit van die stigterpresident wat privaatheid nodig het sonder onnodige gissings en gerugte oor sy gesondheid.”

’n Beroep is die op media en publiek gedoen om nie vals nuusbronne en skinderpraatjies te vertrou nie.

Foto Argief