Nudo, UPM voeg stem by antikuberkraakkoor

Nog opposisie ontevrede

07 August 2019 | Politiek
Denver Kisting



Die president van die National Unity Democratic Organisation (Nudo), me. Esther Muinjangue, sê hulle is nie onder die huidige omstandighede beskikbaar vir die kuberkraaktoets van elektroniese stemtoestelle (EVM's) nie.

“Die EVM's kan nie vertrou word nie; geen papierspoor nie.”

Sy sê indien die integriteit van dié toestelle bo verdenking was, sou die regerende party, Swapo, dit by hul kongresse gebruik het.

“Hoekom gebruik Swapo dit nie by hul kongres nie?”

Indien die Verkiesingskommissie van Namibië (ECN) nie die inligting wat hulle soek, verskaf nie gaan die United People's Movement (UPM) ook nie aan die kuberkraakoefening deelneem nie.

Volgens mnr. Jan van Wyk, visepresident van die UPM, sal hulle steeds die verrigtinge volgende week bywoon – maar net as waarnemers.

Die inligting wat hulle vereis, kan of wil die ECN glo nie verskaf nie, het Van Wyk die afgelope week by navraag gesê.

Dié opposisieleier sê hulle wil die stemproses van begin tot einde toets en die oefening nie tot die EVM's beperk nie.

“Die omvang van die oefening is derhalwe beperk, wat dit onmoont­lik sou maak om die stelsel te kuberkraak.”

Hy het mnr. Nico Smit, die tesourier-­generaal van die Popular Democratic Movement (PDM), gelyk gegee.

“Een kwessie waarna die ECN verwys het, is dat kopiereg aan die vervaardiger (van die EVM's) behoort en daarom kan inligting nie beskikbaar gestel word nie.”

Van Wyk sê die ECN wou hê ­opposisiepartye moet skriftelik aan die kuberkraakoefening onttrek.

“Die UPM het nie sodanige ­aanduiding gegee nie en sal dus ­beskikbaar wees mits die verlangde inligting verskaf word.”

Indien die inligting hulle nie bereik nie, sal hulle nie deelneem nie, sê hy.

Hulle gaan nie hul tyd mors deur 'n masjien te toets wat nie getoets kán word nie, het Smit die afgelope week volgehou.

Dit het aan die lig gekom opposisiepartye stel nie meer belang in 'n oefening waartydens EVM's aan kuberkrakery onderwerp sou word nie.

Die aanvanklike oefening sou op 18 Julie geskied het.

Nadat die eerste geleentheid uitgestel is, sou die volgende datum volgende Dinsdag wees.

Me. Sophia Shaningwa, Swapo se sekretaris-generaal, het nie op navrae in die verband gereageer nie.

Mnr. Theo Mujoro, die ECN se hoofverkiesingsbeampte, het gesê die verkiesingsliggaam sal 'n ­verklaring uitreik wat hul ­weergawe van die voortslepende onderonsie weerspieël.

[email protected]

Soortgelyk

 

Teko-trio vrygespreek

2 ure gelede | Howe

Ronelle Rademeyer - Die sakevrou, me. Teckla Lameck, en haar twee vennote, mnre. Yang Fan en Jeroboam (Kongo) Mokaxwa, is vanoggend in die hoërhof in...

Dokters wis nie van voorskrifte

12 ure gelede | Ministeries

Henriette Lamprecht Geen amptelike kennisgewing is aan lede van die twee grootste verenigings vir dokters in die land uitgestuur oor die herske­dulering van medikasie, insluitende...

Regering kry skuld vir SOE-gemors

12 ure gelede | Regering

Denver Kisting Die regering is 'n swak aandeelhouer.Só het die adjunk- uitvoerende direkteur van staatsdiensondernemings, me. Louise Shixwameni, gister op die ontbytprogram Good Morning Namibia...

Teenstropery: 280 polisielede veg saam

12 ure gelede | Misdaad

Francoise Steynberg Altesaam 280 polisielede van oraloor die land word in teenstropingseenhede op 'n driemaandelikse roteringsbasis in die Palmwagkonsessie en die Etosha en Bwabwata Nasionale...

Meer as N$350 000 se goedere kry voete

12 ure gelede | Misdaad

Volgens die Namibiese polisie se misdaadverslag het skelms Woensdag om 14:00 die venster van 'n voertuig in Windhoek se noordelike nywerheidsgebied stukkend geslaan. Die insittende...

Weer vir 18 September

12 ure gelede | Weer

WEERWAAK: Baie warm toestande sal oor die binneland voortduur.BINNELAND: Gedeeltelik bewolk en bloedig warm in die Suide, andersins sonnig en baie tot bloedig warm.KUS: Bewolk...

Konferensie fokus op gehalte-onderrig

12 ure gelede | Onderwys

Die Nasionale Raad vir Hoër Onderrig het, in vennootskap met die Namibiese Kwalifikasie-owerheid en die Universiteit van Namibië (Unam), die Universiteit van Wetenskap en Tegnologie...

'n Kolwyntjie vir Nadine

12 ure gelede | Plaaslik

Tanja Bause'n Elfjarige meisie van Windhoek het verlede jaar tydens die Internasionale Dansfees in Suid-Afrika stof in ander deelnemers sê oë geskop, en is hard...

Invaluable experience for Alonso at Lichtenburg

12 ure gelede | Motors

Fernando Alonso and Marc Coma completed an eventful but invaluable learning experience at the Lichtenburg 400 in South Africa on Friday and Saturday with Toyota...