NSFAF vervroeg sperdatum vir aansoeke

Uitstaande geld binnekort betaal

15 February 2018 | Onderwys
Maria Eiseb

Voornemende studente sal moet opskud indien hulle vanjaar finansiering vir hul studies wil ontvang.

Die Nasionale Hulpfonds vir Studente (NSFAF) het tydens ’n nuuskonferensie aangekondig die sperdatum vir studente om aanlyn te registreer, is met ’n week vervroeg.

Die fonds het ook te kenne gegee hy beoog om van die betalings wat sedert verlede jaar aan studente verskuldig is, te maak.

Mnr. Olavi Hamwele, die NSFAF se hoof van menslike hulpbronne en korporatiewe sake, het gesê die sperdatum is verskuif van 28 na 16 Februarie.

Volgens Hamwele is dié stap met goeie rede gedoen, sodat aansoeke so gou moontlik afgehandel kan word.

Hy het gesê tyd het die fonds vantevore ingehaal en dié stap is ’n poging om verlede jaar se fiasko te verhoed.

Volgens Hamwele het sowat 35 000 voornemende studente al op die webblad aangeteken, waarvan 31 000 ná die korrekte verskaffing van hul besonderhede deur die stelsel geregistreer is.

Sowat 11 189 aansoeke is reeds aanlyn voltooi en sowat 610 is hangend, het hy gesê.

“Indien ’n individu aansoek gedoen het, maar nie die nodige dokumente verskaf het nie, sal die aansoek steeds hangend wees,” het hy gesê.

Hamwele het studente gemaan om betyds aansoek te doen sodat hulle nie agtergelaat word nie.

“Sowat 11 023 aansoeke is reeds aanlyn geregistreer. Ons wil graag vroeg sluit sodat ons met die nagaan daarvan kan begin."

Volgens Hamwele moet aansoeke binne ’n maand afgehandel word sodat die betalingsproses ’n aanvang kan neem.

Mnr. Simon Taapopiweet, sekretaris-generaal van die Namibiese Nasionale Studenteorganisasie (Nanso), het by die nuuskonferensie gesê dit is belangrik dat alle voornemende studente van die vervroegde sperdatum in kennis gestel word.

"Ons wil niemand uitsluit as gevolg hiervan nie,” het hy gesê.

Hamwele het gesê voorbereidings is reeds getref vir die betaling van fooie, klasgelde uitgesluit, uit die sowat N$75 miljoen wat die regering aan die fonds toegeken het.

Hy het gesê die uitbetalingsproses sal van vandag af ’n aanvang neem en sal waarskynlik tot volgende Vrydag voortduur.

Studente is gevra om geduldig te wees.

“Indien die geld nie Vrydag inbetaal is nie, stel die studenteraad en Nanso-lede in kennis daarvan,” het hy gesê.

"Ons onderhandel tans met belanghebbers oor vanjaar se uitbetalings. Wees net geduldig. Julle sal jul uitstaande gelde kry. Moenie mense opstook en verwarring op sosialemediaplatforms veroorsaak nie,” het Hamwele gesê.

Soortgelyk

 

Geen Boeing 737 Max 8's mag in Namibië land

6 ure gelede | Vervoer

Ronelle Rademeyer - Die Namibië Burgerlugvaartowerheid (NCAA) het pas ‘n verbod geplaas op die gebruik van Namibiese lughawens deur Boeing 737 Max 8-vliegtuie.Dié owerheid sê...

Geen geld - geen tee, koffie vir pasiënte

10 ure gelede | Gesondheid

Pasiënte in staatshospitale gaan weens die ministerie van gesondheid en maatskaplike dienste se knyptangbegroting vanaf 1 April nie meer koffie en tee bedien word nie....

Geen borg vir rugby-afrigter

11 ure gelede | Misdaad

Borgtog is geweier tydens die eerste hofverskyning van Roger Thompson (35), voormalige afrigter van die Namibiese o.20-rugbyspan.Thompson, wat Sondag in hegtenis geneem is, is aangekla...

Sommige dele van Windhoek sonder water, elektrisiteit

13 ure gelede | Plaaslik

Vyf woonbuurte in Windhoek is tans sonder water, terwyl dele in Katutura nie elektrisiteit het.Lydia Amutenya, woordvoerder van die munisipaliteit, sê in ‘n verklaring waterlewering...

Man (75) verkrag glo sesjarige

13 ure gelede | Misdaad

’n Man wat glo geestelik gestremd is, het Saterdag na bewering ’n sesjarige meisie in die Omhokolo- nedersetting verkrag. Die 75-jarige man is familie...

Ses sterf in vroeë oggendure

23 ure gelede | Ongelukke

Tanja Bause 'n Motorongeluk tussen Windhoek en Okahandja het gister om 05:45 die lewens van ses mense geëis.Vyf mense was in 'n sedan van...

Katrina se skoonsuster verhuur glo lyshuis

23 ure gelede | Howe

Denver Kisting Die hoërhof in Windhoek het gister gehoor 'n skoonsuster van me. Katrina Hanse-Himar­wa het glo 'n huis, wat sy wederregtelik onder die...

Weer vir 12 Maart

23 ure gelede | Weer

BINNELAND: Gedeeltelik bewolk en baie warm in die verre noordooste met 'n paar donderbuie, andersins sonnig en warm tot baie warm. KUS: Gedeeltelik bewolk en...

Steytler verlaat Staatshuis

23 ure gelede | Regering

Dr. Alfredo Hengari, die president se woordvoerder, het in 'n bondige verklaring gesê Steyt­ler het verlede Maandag reeds bedank.Dit was ook sy laaste werkdag, het...