Nou aan die gang

09 August 2019 | Kuns en vermaak
» Vanaand is die immergewilde Windhoek City Market weer in die hoofstad. Geniet ’n onbeperkte vonkelwynproe van verskeie wynkelders uit Suid-Afrika se produkte. Dié mark is die ideale plek waar jy jou skoene ná ’n besige week kan uitskop en lekker kos en wyn onder die Namibiese sterre geniet. Dit bied ’n verskeidenheid kos- en dekorstalletjies, asook ’n kinderarea. Daar is ook stalletjies met plaaslike en ingevoerde juwele, leerprodukte, klere, skoene en dekor. Toegang is N$40 vir volwassenes en gratis vir kinders onder 16.

» Gaan geniet ‘n naweek saam met Maerua Mall by sy Lekker Kuier Fees om alles wat lekker is, te ervaar: Van kampeertoerusting en heerlike kos tot musiek en unieke opskietwinkels. Die bekende musiekgroep ADAM sal tydens die geleentheid optree. Die Lekker Kuier Fees vind vandag, môre en oormôre plaas. Toegang is gratis. Vir meer inligting, besoek Maerua Mall se Facebook-blad.

» 4U Events bied met trots môre ‘n kermis in die Swakopmund-stadsaal aan. Talle stalletjies, met onder meer verskeie soorte koeke, lekkers en speelgoed, sal beskikbaar wees. Vir die jongspan is daar vermaak en doendinge om hulle besig te hou.Wat die kermis spesiaal maak, is die huweliks- en bruidsuitstalling. Daar sal ook 'n braai en kontantkroeg wees. Die hele gesin kan dus na ‘n heerlike Saterdag uitsien. Vir meer inligting, kontak 4U Events by 081 225 7441 of 081 604 6648. Die hekke maak om 10:00 oop.

» Die Windhoek Woordfees bied môreoggend ‘n skrywersgesprek met die bekende Antjie Krog en Carina Stander by die Lemon Tree Restaurant in Windhoek aan. Die skrywers gaan gesels oor hul werk en die Windhoek Woordfees maak ook die wenners van sy skryfkompetisie bekend. Gaan ‘n bietjie vroeër om boeke te koop en ‘n heerlike ontbyt te geniet. Die deure maak om 09:00 oop en kaartjies kan by die deure gekoop word. Vir meer inligting, besoek die Windhoek Woordfees se Facebook-blad.



» Die Stephanus-kerk by Kenneth Kaundastraat 3, in Klein Windhoek, bied elke Saterdag van 08:00 tot 12:00 ’n biomark aan. Alle produkte wat by die mark verkoop word, is tuisgemaak of plaaslik gekweek.

Maandag

» Showcase Namibia is 'n geleentheid vir toeriste en Namibiërs om tradisionele danse en plaaslike musiek saam te geniet. Dis ’n gereelde instelling by die Warehouse-teater en word elke Dinsdag aangebied. Toeriste word aangemoedig om deel te raak van ’n interaktiewe show van 45 minute. Kaartjies is teen N$170 by die deur beskikbaar. Dit begin om 16:15. Vir meer inligting, besoek die Warehouse-teater se Facebook-blad.

» Wat as die lug groen was, of jy was ’n vrou en ’n man, of jy het vlerke gehad, of jy kon deur jou oë praat of kinders kon reëls maak, en die woestyn kon huil of Windhoek was die poort na Mars? Wat as jy ’n ander werklikheid vir die wêreld kan skep? Hoe sal dit lyk en voel? Vir jou en vir ander? WHAT IF is ’n kunstuitstalling wat Maandag by die Namibian Arts Association Gallery open. Hierdie uitstalling duur tot 12 Augustus en behels ’n spektrum van apokaliptiese en utopiese visioene. Die uitstalling is oop vir mense van alle ouderdomme en agtergronde. Skoolgroepe en studente is welkom. Kontak [email protected] of 081 714 3832 vir meer inligting.

Dinsdag

» Dinsdag is karaoke-aand by die Boiler Room by die Warehouse-teater. Dit begin om 20:00 en hou tot laataand aan. Toegang is gratis. Drankies is by die kroeg en etes by die restaurant beskikbaar.

» Fotografiedosent Djunior Svane bied werkwinkels in digitale fotografie vir beginner- en gevorderde studente aan. Vir meer inligting, skakel Djunior by 081 245 2279.

» Die Project Room bied Urte Remmert se solo-uitstalling Tars & Ashes aan. In 2015 het ’n motorongeluk Urte Remmert se lewe verander. Sy het die ongeluk oorleef, maar haar man, wat haar eerlikste kritikus was, het nie. Urte het haar stryd, pyn en hartseer begin dokumenteer om die gebeure te verwerk. Haar aanvanklike gedagtes het sy in sketse, krabbels, gedigte, artikels, woedende uitstortings en klein collages vervat, wat alles in ’n joernaal aangeteken is. “Die neerskryf en sorteer, lees en mediteer het my nie net gehelp om my wonde te genees nie, maar het ook gelei tot vier woedende houtskooltekeninge en 18 collages – sommige kleurvol, sommige in monochromatiese toon.” Vir Urte is kuns ’n genesingsproses “waarby my hele wese betrokke is, wat die menslike toestand bevraagteken en waarin my verstand uiteindelik bevryding en verlossing vind”. Tars & Ashes duur tot 18 Augustus. Besoek The Project Room se webtuiste vir meer inligting.

Woensdag

» Drum Café Namibia, in samewerking met Joe's Beerhouse, bied elke Woensdag van 18:00 tot 19:00 ’n openbare tromslaansessie in die boma by Joe’s aan. Almal is welkom. ’n Beperkte aantal djembe-tromme word voorsien, maar entoesiastiese tromslaners word aangemoedig om hul eie tromme saam te bring. Die sessies is gratis, maar skenkings is welkom.

Donderdag

» Die Jazz Etcetera-geleenthede by die Hilton se Kalabar vind elke Donderdag tussen 19:00 en 21:30 plaas en toegang is gratis. Almal is welkom.

Soortgelyk

 

Sarah Diouf Beyoncé se Afrika-ontwerper

5 ure gelede | Kuns en vermaak

Kollig voorbladfoto

Swapo swig voor ECN-druk

5 ure gelede | Politiek

Denver Kisting – Sestien uit die 17 van Swapo-lede wat volgens ’n interpretasie van die kieswet – en die Grondwet – verbied word om as...

Man gesels uit hospitaalbed oor Outjo-aanval

5 ure gelede | Misdaad

Elvira Hattingh - “Kyk, as ‘n koeël my nie kan onderkry nie, gaan niks nie. “Ek is positief, maar hartseer dat iemand so iets kon...

Onnie voor oor verkragting

5 ure gelede | Howe

Denver Kisting – ’n 38-jarige onderwyser van Swakopmund het die afgelope week in die landdroshof op die dorp op aanklag van verkragting verskyn. Adj.komm. Edwin...

Zambezi-vroue breek kultuurkettings

5 ure gelede | Plaaslik

Francoise Steynberg - Vroue in die Zambezistreek is besig om in opstand te kom teen skadelike kulturele praktyke.Dit sluit in vroeë en gedwonge huwelike, poligamie,...

Weer 18 Oktober 2019

5 ure gelede | Weer

BINNELAND: Sonnig en bloedig warm in die Noordooste. Elders sal dit gedeeltelik bewolk en baie tot bloedig warm wees met enkele donderbuie in die Hardap-...

Nou aan die gang

5 ure gelede | Kuns en vermaak

Grandpa's Story, 'n kinderteaterproduksie met omgewingsvriendelikheid as tema, is tans by die Nasionale Teater van Namibië (NTN) te sien. Dit beeld die belangrikheid van die...

Rooi tapyt uitgerol vir #LANDoftheBRAVEfilm

5 ure gelede | Kuns en vermaak

Die eg Namibiese rolprent, #LANDoftheBRAVEfilm, se première is op 10 Oktober by die Ster-Kinekor-rolprentteater in The Grove Mall of Namibia in Windhoek gehou.Die rooi tapyt...

Indonesië hou fliekfees

5 ure gelede | Kuns en vermaak

Die Indonesiese ambassade in Namibië het verlede week sy Indonesiese filmfees by die Franco-Namibiese Kultuursentrum (FNCC) in die hoofstad aangebied. Vyf rolprente is vertoon. In...