Nommerpasbeleid vir grond nie die oplossing
Deegliker konsultasie is nodig vir die wet op grond en beleidmaking moet nie uit die openbare oog verwyder word nie.
Catherine Sasman
Die Instituut vir Openbare Beleidsnavorsing (IPPR) het voorgestel die grondhervormingsproses word deeglik hersien voordat openbare kommentaar toegelaat en die wet op grond in die Nasionale Vergadering (NV) ter tafel gelê word.
Die IPPR sê versuim om die ingewikkelde en subtiele verskille in grondkwessies oral in die land te erken en ontleed, het meegebring dat 'n nommerpasbeleid wat blyk in sommige streke te werk, in ander verwerp word en in kommunale gebiede wat van veeboerdery afhanklik is, as heeltemal nutteloos geag word.
Die IPPR het gesê die afwesigheid van betekenisvolle konsultasie ter voorbereiding van die grondbeleid en wet weerspieël korttermyn- politieke opportunisme, eerder as om werklike grondadministrasie en verblyfregkwessies op te los, en verwyder beleidmaking uit die openbare oog.
“Die opstel van grondbeleide en wette in Namibië is hoofsaaklik die voorreg van politici. Dit bring die risiko van politieke opportunisme eerder as langtermynoplossings mee, wat in beleide en wetgewing weerspieël word,” aldus die IPPR.
Die instituut het ook voorgestel die grond- en landbousektor word in 'n omvattende landbouhervormingsprogram geïntegreer.
Die handves oor grond wat in November verlede jaar deur die minister van grondhervorming, mnr. Utoni Nujoma, ter tafel gelê is, het dit ten doel om die Landbou (Kommersiële) Grondhervormingswet van 1995 en die Kommunale Grondhervormingswet van 2002 te konsolideer en wysig om te verseker alle grond in Namibië het dieselfde status.
Dit maak onder meer ook voorsiening vir 'n enkele grondstelsel waarvolgens Namibiese burgers gelyke regte, geleenthede en sekuriteit geniet, ongeag waar hul grond geleë is.
Die IPPR het gesê hoewel die handves al die kenmerke het van wetgewing wat sonder 'n omvattende beleidsraamwerk opgestel is, dit wel 'n paar positiewe veranderinge aan bestaande wette kan meebring.
Een daarvan is dat prosedures om teen besluite in tradisionele owerhede en grondrade in kommunale gebiede te appelleer, nou duideliker is.
Die IPPR sê dit sal eers moet sien of gegriefde partye wel toegang tot die voorgestelde proses sal hê.
Die handves verskaf ook meer besonderhede oor die inhoud van gebruiklike grondregte en die modaliteite van waar gebruiklike grondregte van toepassing is. Die IPPR sê hoewel dit die aanspreeklikheid van tradisionele owerhede in die algemeen sou verbeter, dit nie genoeg doen om verantwoording af te dwing nie.
In die kommersiële sektor blyk dit asof die handves die magte en funksies van die advieskommissie oor grondhervorming (LRAC) verminder, aldus die IPPR.
Hier is die minister by magte om besluite oor talle belangrike aspekte van grondhervorming te neem sonder om die LRAC te raadpleeg.
Eweneens is die land se twee belangrikste landbou-organisasies, die Namibië Landbou-unie (NLU) en die Namibië Nasionale Boere-unie (NNFU), nie meer outomaties op die LRAC verteenwoordig nie.
Plaaslike hervestigingskomitees gaan gestig word, maar hul magte en funksies word nie in die handves uiteengesit nie.
Die Instituut vir Openbare Beleidsnavorsing (IPPR) het voorgestel die grondhervormingsproses word deeglik hersien voordat openbare kommentaar toegelaat en die wet op grond in die Nasionale Vergadering (NV) ter tafel gelê word.
Die IPPR sê versuim om die ingewikkelde en subtiele verskille in grondkwessies oral in die land te erken en ontleed, het meegebring dat 'n nommerpasbeleid wat blyk in sommige streke te werk, in ander verwerp word en in kommunale gebiede wat van veeboerdery afhanklik is, as heeltemal nutteloos geag word.
Die IPPR het gesê die afwesigheid van betekenisvolle konsultasie ter voorbereiding van die grondbeleid en wet weerspieël korttermyn- politieke opportunisme, eerder as om werklike grondadministrasie en verblyfregkwessies op te los, en verwyder beleidmaking uit die openbare oog.
“Die opstel van grondbeleide en wette in Namibië is hoofsaaklik die voorreg van politici. Dit bring die risiko van politieke opportunisme eerder as langtermynoplossings mee, wat in beleide en wetgewing weerspieël word,” aldus die IPPR.
Die instituut het ook voorgestel die grond- en landbousektor word in 'n omvattende landbouhervormingsprogram geïntegreer.
Die handves oor grond wat in November verlede jaar deur die minister van grondhervorming, mnr. Utoni Nujoma, ter tafel gelê is, het dit ten doel om die Landbou (Kommersiële) Grondhervormingswet van 1995 en die Kommunale Grondhervormingswet van 2002 te konsolideer en wysig om te verseker alle grond in Namibië het dieselfde status.
Dit maak onder meer ook voorsiening vir 'n enkele grondstelsel waarvolgens Namibiese burgers gelyke regte, geleenthede en sekuriteit geniet, ongeag waar hul grond geleë is.
Die IPPR het gesê hoewel die handves al die kenmerke het van wetgewing wat sonder 'n omvattende beleidsraamwerk opgestel is, dit wel 'n paar positiewe veranderinge aan bestaande wette kan meebring.
Een daarvan is dat prosedures om teen besluite in tradisionele owerhede en grondrade in kommunale gebiede te appelleer, nou duideliker is.
Die IPPR sê dit sal eers moet sien of gegriefde partye wel toegang tot die voorgestelde proses sal hê.
Die handves verskaf ook meer besonderhede oor die inhoud van gebruiklike grondregte en die modaliteite van waar gebruiklike grondregte van toepassing is. Die IPPR sê hoewel dit die aanspreeklikheid van tradisionele owerhede in die algemeen sou verbeter, dit nie genoeg doen om verantwoording af te dwing nie.
In die kommersiële sektor blyk dit asof die handves die magte en funksies van die advieskommissie oor grondhervorming (LRAC) verminder, aldus die IPPR.
Hier is die minister by magte om besluite oor talle belangrike aspekte van grondhervorming te neem sonder om die LRAC te raadpleeg.
Eweneens is die land se twee belangrikste landbou-organisasies, die Namibië Landbou-unie (NLU) en die Namibië Nasionale Boere-unie (NNFU), nie meer outomaties op die LRAC verteenwoordig nie.
Plaaslike hervestigingskomitees gaan gestig word, maar hul magte en funksies word nie in die handves uiteengesit nie.
Kommentaar
Republikein
Geen kommentaar is op hierdie artikel gelaat nie