Nog geen nuwe raad vir NAB

Tuyeimo Haidula op Oshakati‘n Jaar sedert die termyn verstryk het van diegene wat op die Namibië Akkerbouraad (NAB) dien, het die organisasie nog geen nuwe aanstellings gemaak nie. Die huidige raad se termyn het op 3 Julie verlede jaar verstryk en is tydelik tot Februarie vanjaar verleng totdat ‘n nuwe raad deur die minister van landbou, water en grondhervorming aangestel kan word. Die koerant verneem die maatskappy het vroeër vanjaar onderhoude met moontlike kandidate gevoer, maar dat geen direkteursraad tot dusver aangestel is nie. Dit is deur minister Calle Schlettwein bevestig, wat gesê het die raad se termyn is verleng en sal eers verval wanneer ‘n nuwe een aangestel word. NAB se mandaat is om die akkerbou- en tuinboubedryf te bevorder en die produksie, verwerking, stoor en bemarking van beheerde produkte in Namibië te fasiliteer. Schlettwein sê die rede vir die vertraging om nuwe raadslede aan te stel is omdat hulle moet seker maak die raad is verteenwoordigend van verskeie subsektors in die bedryf.“Ons het deur ‘n proses gegaan om hiervan seker te maak en werk ook saam met die ministerie van staatsondernemings om die aanstelling van ‘n nuwe raad te finaliseer,” het hy gesê sonder om ‘n aanduiding te gee van wanneer dit sal wees.Die minister van staatsondernemings, mnr. Leon Jooste, het alle vrae na sy eweknie verwys. Hy was vol vertroue die NAB word soos normaal bestuur sedert die raad se termyn verleng is en dat hulle hul verpligtinge dienooreenkomstig sal nakom tot ‘n nuwe raad aangewys kan word. – republikein@republikein.com.na

Nog geen nuwe raad vir NAB

Kommentaar

Republikein 2025-07-07

Meld asseblief aan om kommentaar te lewer

Nog geen nuwe raad vir NAB

Kommentaar

Republikein 2025-07-07

Meld asseblief aan om kommentaar te lewer

MELD AAN

Advertensie