Nog eiendomme deur swaar reëns beskadig

G'n beserings of sterftes tot dusver aangemeld

14 January 2021 | Weer
Yandi du Plessis en Tanja Bause – Reënvalsyfers so hoog as 85 mm is Dinsdag in die hoofstad aangemeld.

Benewens die skade aan die Ambrose Village-kompleks, is nog eiendomskade Dinsdag aangemeld.

By Korrigan Business Centre in Parsivalstraat is 'n muur en 'n klein gedeelte van die parkeerarea deur die reën verspoel. Die karre naby dié muur moes aan die gebou vasgemaak word om te keer dat dit teen die afdraande afgly of -rol. Volgens 'n persoon wat in dié kompleks werk, het die verspoeling omstreeks 19:00 gebeur. Die skade is glo slegs deur sterk vloedwater veroorsaak.

Mnr. Hofmann Ray­mond Kapia van die Windhoek-brandweer se afdeling vir noodbestuur het gesê vanaf Dinsdagnamiddag tot middernag het 17 noodoproepe by hul skakelbord ingekom, almal in verband met stormwaterstelsels wat verstop het of onvoldoende was. Geen vloedverwante sterftes of beserings is tot dusver aangemeld nie.

“Drie spanne is ontplooi. Hulle het die blokkasies verwyder, die water uit huise gepomp en sandsakke gepak,” het hy gesê.

“In Mbabane-straat in Katutura het een woonstel verspoel. Die stormwater-kanaal kon nie die volume hanteer nie en het die huis langsaan oorstroom. Ons het die water gaan uitpomp.”

Volgens Kapia weet hulle net van dié woonstel en die Ambrose Village-kompleks wat erge skade gely het.

“By Ambrose Village was die duiker te klein om al die water te hanteer en die water het teen die grensmuur opgedam tot dit meegegee het. Die stormwaterstelsel binne die kompleks kon nie die watermassa hanteer nie. Ons het aanbevelings aan die eiendomsagent en die ingenieurs gemaak wat hulle sal nakom,” het Kapia gesê.

[email protected]

[email protected]

Soortgelyk

 

Nege sterftes, 307 nuwe gevalle

12 ure gelede | Gesondheid

Nege nuwe Covid-19-verwante sterftes het die getal vir Namibië sedert die uitbreking van die Covid-19-pandemie in Maart verlede tot 328 opgestoot. Dit sluit vier in...

Hof sal later sê of Shoprite bevel geminag het

14 ure gelede | Howe

Regter Collins Parker sal op 15 Februarie 2021 uitspraak lewer in die teenaansoek deur die Namibiese Unie vir Voedsel- en Verwante Werkers (Nafau) teen Shoprite...

Eloïse bring dalk storms

18 ure gelede | Weer

Elvira Hattingh - Die tropiese depressie, of dit wat oorgebly het van wat aanvanklik sikloon Eloïse was, kan vanaf môre vir kwaai storms in Namibië...

Swakoppoortdam loop oor

1 dag gelede | Weer

Die Swakoppoortdam, een van die drie damme wat ook vir Windhoek van water voorsien, het gister begin oorloop. Volgens die NamWater se damverslag van gister...

Voorvaderlike eise: Alle grond benut

1 dag gelede |

Mathias Haufiku en Ogone TlhageDaar is tans geen oop grond in Namibië beskikbaar nie aangesien alles benut word. Die Kommissie van Ondersoek na Voorvaderlike Grondregte...

Woestynrivier laat lóóp

1 dag gelede | Weer

Mnr. Joseph Kafunda het Sondag die Kuisebrivier in volle vloed by die Kuiseb-brug op die C14-pad afgeneem. Sy foto’s is op die Facebook-blad, Reën in...

Noorde: Té nat én té droog

1 dag gelede | Weer

Elvira Hattingh – Terwyl boere in Namibië se Mieliedriehoek reeds drie weke lank wag dat die reën hulle net ’n paar dae kans moet gee...

Making the art of painting look easy

1 dag gelede | Mense

Enzo AmueleBorn in the early ’90s, the cool and calm Nambowa Malua has been drawing since he was a child and has made art look...

Shoprite steeds in die hof

1 dag gelede | Arbeid

Augetto Graig en Elvira HattinghDie staking by Shoprite is ná meer as ’n maand verby, maar die hofgeveg wat daaruit gespruit het, woed opnuut vanoggend...