Nog 12 Covid-19-gevalle bevestig

Namibië se aantal bevestigde Covid-19-gevalle het met nog 12 opgeskiet tot 102. Volgens die minister van gesondheid en maatskaplike dienste is almal van die Erongostreek met 11 gevalle in Walvisbaai en 1 in Swakopmund. Sewe is kontakte van bevestigde gevalle. Ses het geen Covid-verwante simptome nie en vyf het wel simptome van die siekte.

Tot op hede is 8 014 weefselmonsters getoets waarvan 189 Woensdag. Die aktiewe kontakte wat gemonitor word, is 307. Tans is 806 mense in kwarantyn in geriewe oraloor in die land.