Noble, Dinath kry wéér nie borgtog

Appèl misluk

06 February 2019 | Howe
Denver Kisting – Regter Naomi Shivute het gister in die Windhoekse hoërhof bevind sy stem saam met ’n Walvisbaaise landdros om twee mans nié op borgtog vry te laat nie.

Dié mans, mnre. Grant Noble en Azhak Dinath, word verbind met ’n reusevonds van vermoedelik kokaïen op 15 Junie 2018.

Hulle het hulle tot die hoërhof gewend nadat ’n vroeëre aansoek om borgtog in die Walvisbaai-landdroshof ook misluk het.

Hulle is in Junie verlede jaar aangekeer nadat hulle glo met beweerde kokaïen ter waarde van N$206 miljoen op die hawedorp betrap is.

Noble is ’n bekende inwoner van Walvisbaai, terwyl Dinath ’n Suid-Afrikaanse burger is.

Die mans het ’n vrag met A4-papier deur hul beslote korporasie (BK), Zeeki Trading CC, bestel, het die hof gehoor. Dinath het vir die besending betaal.

Toe die vrag vermoedelik uit Suid-Amerika by die hawe aankom, is dit deursoek, waartydens die polisie na bewering op die dwelms beslag gelê het.

Die hof het onlangs gehoor voorlopige laboratoriumuitslae dui aan die stof wat gevind is, toon glo beduidende ooreenkomste met kokaïenhidrokloried.

Net ’n klein hoeveelheid van die stof is getoets, het die hof benadruk. Omdat die polisieondersoek nog aan die gang is, is die groter hoeveelheid nog nie wetenskaplik getoets nie, lui regter Shivute se 14 bladsy lange bevinding.

Tydens hul appèl het die mans onder meer aangevoer die landdros het nie in ag geneem of hulle aanvanklik reg aangekla is nie.

Hiernaas het die landdros glo ook volgens hulle verkeerdelik bevind die staat het ’n sterk saak teen hulle.

Die lasbrief, wat tydens die beslaglegging gebruik is, was volgens hulle ook ongeldig en vol gebreke.

Volgens die tweetal het die landdros ook verkeerdelik op die openbare belang gesteun ondanks ’n bevinding dat hulle waarskynlik nie op die vlug sal slaan of by die ondersoek sal inmeng wanneer hulle op borgtog vrygelaat word nie.

’n Stampvol openbare galery tydens hul landdroshofverskynings, openbare betogings, ’n petisie uit kerkgeledere en wye mediadekking is volgens hulle ook nie ’n aanduiding van die openbare belang nie.

Hulle het ook gereken daar is nie genoeg klem geplaas op die grondwetlike veronderstelling van onskuld tot die teendeel bewys is nie.

Regter Shivute het hulle nie gelyk gegee nie.

Volgens haar is die grondwetlike veronderstelling nie onbeperk nie.

Sy was eweneens van mening die landdros was reg om die omvang van die saak, die onvoltooide polisieondersoek, die gevolge van dwelms op die samelewing en die bewering dat die dwelms uit die buiteland ingesmokkel is, te oorweeg toe sy borgtog geweier het.

Mnr. Jan Wessels het vir Noble verteenwoordig, terwyl mnr. Sisa Namandje namens Dinath opgetree het.

Mnr. Salomon Kanyemba het die staat verteenwoordig.

Soortgelyk

 

Wilde perde: Jongste vul reeds aangeval

4 ure gelede | Ministeries

Tanja Bause - Enige hoop op oorlewing van die Namib se wilde perde krimp al meer, terwyl die ministerie van die omgewing en toerisme na...

Leerlingdokters 'van swakker gehalte'

4 ure gelede | Onderwys

Henriette Lamprecht - Namibië bestee al ses jaar lank geld aan die opleiding van mediese studente in die buiteland.Volgens mnr. Cornelius Weyulu, registrateur van die...

Regulasies vir loterye en dobbel kom

4 ure gelede | Toerisme

font face="Verdana" >Francoise Steynberg - Alle rolspelers in die lotery- en dobbelbedryf moet landswye openbare werkwinkels bywoon sodat regulasies volgens nuwe wetgewing opgestel kan...

Gesondheidsmanne vas oor hospitaaltender

4 ure gelede | Ministeries

Twee administratiewe beamptes van die ministerie van gesondheid en maatskaplike dienste se kantoor op Otjiwarongo is op borgtog van N$5 000 elk vrygelaat ná hulle...

Weer, Woensdag 20 Februarie 2019

4 ure gelede | Weer

BINNELAND: Sonnig en baie warm in die verre noordooste. Elders sal dit gedeeltelik bewolk en baie tot bloedig warm wees met enkele reënbuie in die...

Twee kinders met stok doodgeslaan

4 ure gelede | Misdaad

’n Angolese burger is in hegtenis geneem ná hy twee minderjarige kinders na bewering doodgeslaan het en hul ouma ernstig gewond het. Die voorval het...

Weerwaak teen hitte uitgereik

4 ure gelede | In beeld

Die Namibiese weerkantoor sê die kanse op reën is besig om te verbeter in die noordwestelike dele van die land, asook in die Khomasstreek, waar...

Duister SA bekommer NamPower nie

4 ure gelede | Energie

Augetto Graig - Namibië se nasionale kragverskaffer, NamPower, sê Suid-Afrika se kragverskaffer, Eskom, is nie die enigste bron waarmee plaaslike krag aangevul word nie. “Namibië...

Pack Safari open toergids-akademie

4 ure gelede | Toerisme

Pack Safari het amptelik die deure van sy toergids-akademie in Windhoek oopgemaak. Die akademie bied gratis beroepsopleiding aan plaaslike, Duitssprekende toergidse met FGASA Veldgids vlak...