Noa verduidelik ACC-prosesse

15 March 2019 | Howe
Denver Kisting – Nadat ’n bewering oor ’n goewerneur se beweerde korrupte optrede in die openbare ruimte beland het, was die Teenkorrupsiekommissie (ACC) genoop om dié aantygings te ondersoek.

So het die waghond se direkteur-generaal, mnr. Paulus Noa, gister in die Windhoekse hoërhof in die verhoor van me. Katrina Hanse-Himarwa, oudgoewerneur van die Hardapstreek, getuig.

Hanse-Himarwa is tans die minister van onderwys, kuns en kultuur.

Adjunk-aanklaer-generaal Ed Marondedze, het gister vir Noa geroep om te kom verduidelik hoe die kommissie te werk gaan wanneer hulle ’n ondersoek behartig.

Volgens Noa is dit ’n eenvoudige proses.

Ondersoekbeamptes versamel bewysstukke geskoei op bewerings, het hy vir regter Christie Liebenberg gesê.

In ’n stadium moet hy ’n besluit neem of daar genoeg meriete is om ’n dossier aan die kantoor van die aanklaer-generaal (AG) voor te lê vir moontlike vervolging. Sodra hy bevind ’n saak het meriete – geskoei op bewyse op sigwaarde – het hy geen ander keuse as om dit na die AG te verwys nie, het Noa gesê.

Hy was oortuig die bewyse in die huidige saak dui daarop iemand het hul mag of posisie misbruik. Dit verteenwoordig korrupsie, het hy gesê.

Die staat voer aan Hanse-Himarwa het in Desember 2014 twee name op ’n begunstigdelys vir huise onder die massabehuisingskema laat verwyder en met dié van twee van haar familielede vervang.

Nadat hy die dossier onder oë gehad het, het Noa in 2016 ’n brief aan die AG gerig waarin hy drie moontlike verdagtes geïdentifiseer het: Hanse-Himarwa, mnr. Eduard Wambo, ’n raadslid, en Mariental se oudburgemeester, mnr. Alex Kamburute.

Hanse-Himarwa word alleen vervolg.

Onder kruisondervraging van mnr. Sisa Namandje, Hanse-Himarwa se prokureur, het Noa gister gesê ACC-ondersoeke is kragtens die ACC-wet en die Grondwet regverdig en onafhanklik.

Noa sê hy dra nie kennis van enige inligting wat sy ondersoekbeamptes weerhou het nie. Eweneens het hulle ook nie die reg om inligting te verswyg nie, het hy gesê.

Maar, het hy ook gesê, as ’n ondersoekbeampte “in sy of haar wysheid” aantekeninge byhou en dit nie later in die dossier insluit nie, is dit hul werkwyse.

“Ek weet nie van ’n wet wat ’n ondersoekbeampte verbied om aantekeninge te maak om hom of haar te help onthou nie.”

Noa het gesê hy kan nie verduidelik hoekom daar meer as een verklaring by van die getuies geneem is nie en hoekom van die verklarings identiese ooreenkomste toon nie. Hy dra egter nie kennis van ’n getuie wat geïntimideer is nie, het hy gesê.

Oor veranderings aan ’n verklaring waarop “politieke leier(s)” in rooi pen met “burgemeester” vervang is, kon Noa nie antwoorde verskaf nie.

Namandje het opnuut gesê Hanse-Himarwa voer aan moontlike staatsgetuies was onder druk van die ACC om haar te inkrimineer.

Marondedze word deur mnr. Salomon Kanyemba bygestaan.

Die verhoor is tot eerskomende Woensdag uitgestel.

Soortgelyk

 

Oshakati council relocating residents to Onawa

14 ure gelede | Infrastruktuur

OSHAKATI – Residents of the Eemwandi informal settlement at Oshakati will be relocated to Onawa as from 01 May this year.The Oshakati Town Council is...

Geen grond vir buitelanders, sê AR

14 ure gelede | Politiek

Denver Kisting – As die Regstellende Herposisioneringsbeweging (AR) hul sin kry, sal geen grond voortaan in ’n buitelander se besit wees nie.Trouens, sê die AR,...

ECN staan bakhand vir nog N$300 m

14 ure gelede | Ministeries

Denver Kisting – Die Verkiesingskommissie van Namibië (ECN) sê hy benodig bykomend meer as N$300 miljoen vir vanjaar se Nasionale Vergadering- en presidensiële verkiesing.Mnr. Theo...

Hartediefies haak af

14 ure gelede | In beeld

Die unieke paar, me. Juanita van Vuuren (28) en mnr. Gert Muller (37), wat Namibiërs se harte met hul mooi liefdesverhaal gesteel het, het Saterdag...

Weer vir 25 Maart 2018

14 ure gelede | Weer

BINNELAND: Gedeeltelik bewolk en baie tot bloedig warm met enkele tot geïsoleerde donderbuie oor die Noordweste, sentrale hoogland en suidoostelike gebiede.KUS: Gedeeltelik bewolk en koel...

Erken die volksmood, sê Duitse Linkse Party

14 ure gelede | Politiek

Catherine Sasman - 'n Lid van die Duitse Bundestag se Linkse Party, me. Helin Evrim Sommer, sê die Duitse volksmoord teen die Ovaherero’s en Namas...

Rössing-pensioenfonds wil begunstigdes betaal

14 ure gelede | Arbeid

Augetto Graig - Die Rössing-pensioenfonds het die spertyd vir oudwerknemers van die uraanmyn tot 30 Junie vanjaar verleng om aansoek vir ’n deel van surplusuitbetalings...

Gesondheidsminister oor uitdagings

14 ure gelede | Ministeries

Henriette Lamprecht - Dr. Kalumbi Shangula is sedert Desember verlede jaar die minister aan die stuur van gesondheid en maatskaplike dienste (MoHSS). In ‘n onderhoud...

NAC: N$9 m om hoës te dissiplineer

14 ure gelede | Arbeid

Ogone Tlhage - Haar dissiplinêre verhoor was partydig, sê me. Toska Sem, hoof van die Namibië Lughawensmaatskappy (NAC) se kommersiële dienste.Dit het ook aan die...