NIP eis miljoene van Katiti

Besluite glo sonder goedkeuring geneem

28 August 2019 | Howe
Henriette Lamprecht - Die Namibiese Instituut vir Patologie (NIP) eis meer as N$14 miljoen van sy voormalige uitvoerende hoof ‘n jaar ná mnr. Augustunis Katiti deur die NIP-raad afgedank is.

Katiti self eis N$3,8 miljoen van sy voormalige werkgewer.

Volgens hom het hy op 1 April 2014 ‘n geskrewe kontrak met die NIP aangegaan waarvolgens hy vir ‘n vaste termyn van 1 April 2014 tot 31 Maart 2019 as uitvoerende hoof aangestel is.

Volgens die ooreenkoms was hy geregtig op ‘n “totale gewaarborgde betaling” van N$1,5 miljoen per jaar.

Die kontrak het ook bepaal hy kon vir ‘n tydperk van twee jaar ná die beëindiging van die kontrak nie vir ‘n mededinger werk nie.

Volgens Katiti moes hy op die dag van die beëindiging van sy kontrak ‘n eenmalige bedrag gelykstaande aan sy totale gewaarborgde betaling vir elk van die twee jaar ontvang.

Sy kontrak is op 31 Augustus verlede jaar beëindig.

Volgens hom was die NIP daarom verplig om op bogenoemde datum ‘n eenmalige bedrag van N$3,8 miljoen aan hom uit te betaal.

Die NIP verwys in sy verweer na ‘n bepaling in die voormalige wet op staatsondernemings.

Hiervolgens word die vergoeding en ander diensvoordele van die uitvoerende hoof en ander bestuurslede van die staatsonderneming deur die NIP-raad met instemming en riglyne van die portefeuljeminister bepaal.

Volgens die NIP is op Katiti se vergoedingspakket ooreengekom sonder die instemming van die minister van gesondheid en maatskaplike dienste en het die raad dit ook nie goedgekeur nie.

Hofstukke sê die NIP-raad het op 26 Maart 2014 eenparig besluit die onderneming sal ‘n aanbod van ’n salaris van N$1,5 miljoen maak, terwyl voorsiening ook gemaak word vir ‘n derde van dié bedrag as bonusbetaling.

Katiti het toe hy sy werkskontrak beëindig het, afstand gedoen van alle voordele buiten dit wat opgehoop het of wat deur die wet verder as die kansellasie van sy kontrak vereis word.

Volgens hofstukke het Katiti op 1 April 2014 ‘n kontrak met die NIP, verteenwoordig deur die voormalige voorsitter van die onderneming se raad van direkteure, mnr. Mandela Kapera, aangegaan.

Deel van die bepalings was dat Katiti in die NIP se beste belange moes optree.

Volgens die NIP het hy in September 2016 ‘n verstandhoudingsooreenkoms tussen die onderneming en ST Freight Services cc laat onderteken waarvolgens die NIP N$1,8 miljoen aan die maatskappy vir die aankope van voertuie en verwante uitgawes betaal het.

Tot dusver is die betrokke voertuie in die naam van ST Freight Services cc geregistreer en trek die NIP geen voordeel daaruit nie. Volgens die hofstukke is Katiti vir dié koste verantwoordelik.

Dit verwys verder na Katiti se aankoop van meubels in stryd met die beleid vir tenders en aankope, sonder die goedkeuring en magtiging van die NIP se raad van direkteure, met ‘n totale waarde van N$7,4 miljoen.

Katiti het op 20 Junie 2017 en 7 September 2016 glo N$7,9 miljoen en N$10 miljoen onderskeidelik van die NIP se beleggingsrekening by Old Mutual onttrek.

Ook dié besluit is volgens hofstukke sonder die goedkeuring van die beleggingskomitee en die NIP se direkteursraad geneem. Dit het glo daartoe gelei dat die NIP ‘n ekonomiese verlies van N$2 miljoen gely het.

Tussen 2016 en 2017 het Katiti ook poste by die NIP geskep en aanstellings vir die betrokke poste gedoen wat die NIP jaarliks glo N$2,7 miljoen uit die sak gejaag het.

Dit het gevolglik veroorsaak dat die onderneming verplig is om die salarisse en voordele van die betrokke werknemers tot hul aftrede te betaal.

Die saak is tot 15 Oktober vir voorverhoorverrigtinge uitgestel.

[email protected]

Soortgelyk

 

Hardap kry 19 Mm³ water sedert Maandag

25 minute gelede | Omgewing

Elvira Hattingh - Sedert die afgelope Maandag het die Hardapdam ’n reusehoeveelheid water bygekry, naamlik 19,523 Mm³ (miljoen kubieke meter). Die dam is nou 27,2%...

Nóg twee kietsies kry nekbande

1 uur gelede | Omgewing

Nóg twee swartpootwildekatte is in die vroeë oggendure met nekbande toegerus. Prof. Morgan Hauptfleisch en sy span van die Black-Footed Cat Working Group is tans...

Okahandja-kleinhoewe oorstroom weer

12 ure gelede | Weer

Elvira Hattingh - Terwyl die polisie gistermiddag bevestig het ‘n vrou is nog soek nadat die Okahandjarivier haar vroeg gisteroggend meegesleur het, was ‘n kleinhoewe-eienaar...

Geingob stil oor kleiner kabinet

12 ure gelede | Regering

Denver Kisting – Ten spyte van die groot gewag daaroor in sy Oujaarsrede weet Namibiërs nog nie hoe groot pres. Hage Geingob se verkleinde kabinet...

Eerste swartpootwildekat kry nekband

12 ure gelede | Omgewing

Francoise Steynberg - Daar is geskiedenis gemaak toe Namibië se eerste swartpootwildekat vandeesweek met 'n nekband toegerus is. "Om die klein katjies op te spoor,...

Weer vir 27 Februarie 2020

12 ure gelede | Weer

WEERWAAK: Verspreide donderbuie sal oor die noordelike streke en Omaheke- en Khomasstreek voortduur waar kitsvloede verwag word. Die nodige voorsorgmaatreëls moet getref word. BINNELAND: Gedeeltelik...

Drie stroop glo renoster in Etosha

12 ure gelede | Misdaad

Francoise Steynberg - Nege verdagtes is verlede week in verband met renosterstropery of -horingsmokkelary in hegtenis geneem. Vanaf 17 tot 23 Februarie is beslag op...

Droogte: Baie boere wurg nog

12 ure gelede | Landbou

Ronelle Rademeyer - Foto’s van vol riviere, opgaardamme waarvan die vlakke styg en panne water langs die pad en in die veld het die afgelope...

PDM, ECN hof toe gesleep

12 ure gelede | Politiek

Denver Kisting – Mnr. Norman Tjombe, die Windhoekse prokureur wat vier ontstoke Popular Democratic Movement (PDM)-lede verteenwoordig, het gister bevestig hulle gaan hof toe.Alle aanduidinge...