Nimt-verdagte beswaard
Erwin Leuschner
Die vermeende dubbelmoordenaar mnr. Ernst Lichtenstrasser was Vrydag in die landdroshof op Swakopmund erg beswaard oor die feit dat die ondersoek na die saak steeds nie afgehandel is nie.
Die polisie ondersoek nog die moord op die twee voormalige bestuurders van die Namibië Instituut van Mynbou en Tegnologie (Nimt), mnre. Eckhart Mueller en Heimo Hellwig.
“Dit beïnvloed my reg op 'n spoedige verhoor,” het Lichtenstrasser oor die stand van sake gesê.
Die staatsaanklaer, me. Latoya Katjiundu, en die beskuldigde se prokureur, mnr. Trevor Brockerhoff, het ingestem dat die saak tot 17 Desember uitgestel word.
“Ons wag op belangrike laboratoriumtoetse. Die polisieondersoek is nog nie afgehandel nie,” het Katjiundu gesê.
Lichtenstrasser het daarop aangedring dat dit die laaste uitstel is.
“Dit lyk toenemend of die aanklaer die saak in beginsel wil uitstel. Ek is nie meer so gesond nie. Ek kon nie behoorlik slaap nie, omdat ek nie eers 'n kombers in die sel gehad het nie,” het hy gesê.
“My lyf kan die omstandighede nie meer uithou nie.”
Lichtenstrasser is in die Windhoek Sentrale Gevangenis in aanhouding, maar is vir die verhoor na die Walvisbaai-gevangenis geneem.
“Ek dring daarop aan dat ek onmiddellik terug Windhoek toe geneem word,” het hy gesê.
- [email protected]
Die vermeende dubbelmoordenaar mnr. Ernst Lichtenstrasser was Vrydag in die landdroshof op Swakopmund erg beswaard oor die feit dat die ondersoek na die saak steeds nie afgehandel is nie.
Die polisie ondersoek nog die moord op die twee voormalige bestuurders van die Namibië Instituut van Mynbou en Tegnologie (Nimt), mnre. Eckhart Mueller en Heimo Hellwig.
“Dit beïnvloed my reg op 'n spoedige verhoor,” het Lichtenstrasser oor die stand van sake gesê.
Die staatsaanklaer, me. Latoya Katjiundu, en die beskuldigde se prokureur, mnr. Trevor Brockerhoff, het ingestem dat die saak tot 17 Desember uitgestel word.
“Ons wag op belangrike laboratoriumtoetse. Die polisieondersoek is nog nie afgehandel nie,” het Katjiundu gesê.
Lichtenstrasser het daarop aangedring dat dit die laaste uitstel is.
“Dit lyk toenemend of die aanklaer die saak in beginsel wil uitstel. Ek is nie meer so gesond nie. Ek kon nie behoorlik slaap nie, omdat ek nie eers 'n kombers in die sel gehad het nie,” het hy gesê.
“My lyf kan die omstandighede nie meer uithou nie.”
Lichtenstrasser is in die Windhoek Sentrale Gevangenis in aanhouding, maar is vir die verhoor na die Walvisbaai-gevangenis geneem.
“Ek dring daarop aan dat ek onmiddellik terug Windhoek toe geneem word,” het hy gesê.
- [email protected]
Kommentaar
Republikein
Geen kommentaar is op hierdie artikel gelaat nie