Nida skarrel rond vir geld

Medies, belasting agterstallig

14 September 2021 | Ministeries
Jo-Maré Duddy – Sowat 270 werknemers en pensioenarisse verbonde aan die agentskap vir nywerheidsontwikkeling in Namibië (Nida) hou hul asems op om te sien of dié onderneming in staatsbeheer (SOE) binne die volgende sewe dae genoeg geld bymekaar kan skraap om hul mediesefondsdekking te verseker.

Nida se mediesefondsdekking is op 1 September deur Namibia Health Plan (NHP) opgeskort omdat dié SOE se bydraes twee maande agterstallig was. Ná Nida verlede week Augustus se bydraes kon oorbetaal, het NHP die opskorting opgehef – maar net tot 20 September. Indien Nida nie teen volgende Maandag September se bydraes aan NHP oorbetaal het nie, sal dié SOE se werknemers en afgetrede pensioenarisse opnuut sonder ‘n mediese fonds gestrand wees.

Mnr. Wessel !Nanuseb, Nida se senior bestuurder van korporatiewe dienste en menslike hulpbronne, het die SOE se “kontantvloei-uitdagings” aan Republikein bevestig. Nida probeer dit as ‘n saak van dringendheid regstel, het hy gesê.

!Nanuseb het die “ongelukkige stand van sake” aan die impak van die Covid-19-pandemie toegeskryf sonder om daarop uit te brei.

Volgens hom is Nida besig om met die diensverskaffer te praat oor hoe om die agterstallige bydraes te vereffen. Nida werk voorts aan maniere om hulpbronne van verskeie belanghebbers te mobiliseer om sy finansiële situasie te beredder.

“Die terugvoering is positief,” aldus !Nanuseb.

Nida is nie agterstallig met die maandelikse oorbetaling van werknemers se pensioenfondsbydraes nie, het hy gesê.

Die agentskap onderhandel wel met die ontvanger van inkomste om vas te stel hoeveel persoonlike inkomstebelasting (PAYE) agterstallig is sodat die “nodige planne” beraam kan word, volgens !Nanuseb.

DOOIEMANSDEUR

Nida is in 2018 gestig en inkorporeer die voormalige Namibia Development Corporation (NDC) en Offshore Development Corporation (ODC). Dit resorteer onder die ministerie van nywerheid en handel.

Republikein het Donderdag ‘n rits vrae aan die minister van nywerheidsontwikkeling en handel, me. Lucia Iipumbu, haar adjunk en die uitvoerende direkteur van dié ministerie gestuur. Dieselfde vrae is aan Nida se uitvoerende hoof, mnr. Mike Gaomab, en die voorsitter van Nida se direksie, mnr. Lionel Matthews, asook aan die ministerie van finansies gestuur.

Republikein wou weet presies hoeveel geld Nida skuld, hoekom dit nie beskikbaar is nie, of die SOE aanspreeklikheid vir die gebrek aan dekking gaan aanvaar en watter versekering werknemers en afgetrede werknemers het dat hul voordele gewaarborg is.

Geen antwoorde is ontvang nie.

Al wat Matthews bereid was om te sê, is dat Nida Vrydag ‘n raadsvergadering gehad het om die SOE se sake te bespreek.

BEGROTING

Enige poging om vas te stel waar die bottelnek met begrotingsgeld is, was onsuksesvol. Die woordvoerder van die ministerie van finansies, mnr. Tonateni Shidhudhu, wou nie sê of die ministerie die geld oorbetaal het en, indien wel, of dit aan die ministerie van handel en nywerheid of Nida self oorbetaal is nie.

Die ministerie het ‘n deursigtige beleid met kantore, ministeries en agentskappe rakende begrotingstoekennings, het hy gesê.

“Die rekenkundige beamptes van die onderskeie ministeries is goed ingelig en behoort in staat te wees om alle navrae oor hul begrotingsposte te beantwoord,” het hy bygevoeg.

Die ministerie van nywerheidontwikkeling en handel het Republikein se navrae geïgnoreer.

Volgens die 2021-’22-begroting is sowat N$64,4 miljoen vir dié ministerie se totale personeelkoste vir die huidige boekjaar begroot. Dit sluit mediesefondsvoordele in.

Nida se begroting word nie in die dokument uiteengesit nie. - [email protected]

Soortgelyk

 

Veldbrande woed al tien dae

11 ure gelede | Ongelukke

Tanja Bause’n Groot aantal beeste loop langs distrikspaaie noordoos van Windhoek waar verwoestende veldbrande boere tussen Steinhausen en Omitara genoop het om grensdrade te knip...

‘Voltooi vanjaar se eksamen’

11 ure gelede | Ministeries

Henriette LamprechtSkryf die vraestelle wat moontlik is vóór die einde van die jaar met nuwe vraestelle in die plek van dié wat uitgelek het, identifiseer...

Oscar-benoeming dalk in ‘The White Line’ se visier

11 ure gelede | Byvoegsels

Die plaaslike rolprent The White Line is amptelik in die wedloop om oorweeg te word vir ’n moontlike Oscar-benoeming. Dit is die eerste Namibiese rolprent...

Voortrekkers trap vir renosters

11 ure gelede | Byvoegsels

Karli RudolphDie Voortrekkers vier vanjaar hul 90ste bestaansjaar met die tema “Voortrekkers gaan groot”. Die Namibiese Voortrekkers het daarom besluit om hul eie span vir...

V5 Digital a forerunner in digital solutions

11 ure gelede | Tegnologie

Iréne-Mari van der WaltMore than three years ago, Armin Wieland founded his business, V5 Digital, after noticing that there was a lack of companies in...

Do it with passion or not at all

11 ure gelede | Howe

Desiree Gases Ngeendina Angula, born and raised in Greenwell, Windhoek, moved to Cape Town, South Africa, when she was 13 years old and lived there...

A love for engineering and airplanes

11 ure gelede | Vervoer

Wetumwene Shikage Describing her journey at Fly Namibia, Gabriela Kamaahene says the experience has been surreal. She says the company continuously grows and she...

Opflikkering in inentings

11 ure gelede | Gesondheid

> >Dani Booysen - Nadat die wêreldwye verspreiding van ‘n nuwe variant van Covid-19, nou bekend as Omicron, Donderdag rugbaar geword het, het aansienlik...

Weer vir 3 Desember

11 ure gelede | Weer

WEERWAAK: Swaar storms kan oor die naweek in die verre Noorde voorkom. Koue lug word die naweek oor //Kharas verwag. BINNELAND: Gedeeltelik bewolk en warm...