Nóg projekte kan sneuwel

Kry prioriteite reg, sê bronne

17 November 2016 | Infrastruktuur
Catherine Sasman - Minstens nog drie groot kapitaalprojekte kan in gedrang kom as gevolg van vertraagde uitbetalings deur die regering.

Die besturende direkteur van D&M Rail Construction, mnr. Dawie Möller, het gister gesê werk aan die multimiljoen-dollar Kranzberg-Tsumeb-spoorlyn kan in die middel van Desember tot stilstand geruk word as uitbetalings nie betyds gedoen word nie.

“Daarna is ons uitgeput; dan kan ons nie salarisse of bonusse betaal nie,” het Möller gesê. “Dit is belangrik dat ons duidelikheid kry oor wanneer die situasie gaan normaliseer.”

Bouwerk aan die tweede fase van die Windhoek-Okahandja-pad, ‘n gedeelte van 27,6 kilometer vanaf die Döbra-rivier tot die suide van die Osona militêre basis, kan moontlik ook maande lank opgeskort word.

‘n Bron in die bedryf wat anoniem wil bly, het gesê bouwerk aan die tweede fase van die dubbelpad tussen Windhoek en Okahandja gaan van 2 Desember weens laat betaling gestop word.

Die gemeenskaplike vennootskap tussen die Namibiese Otesa Civil Engineering en die Italiaanse C.M.C. Ravenna is op hierdie tender gekontrakteer.

Volgens die bron loop gerugte dat werk tot in Maart volgende jaar uitgestel kan word.

“Sou dit gebeur, beteken dit dat alle werk wat tot dusver gedoen is tot niet kan gaan as dit oor daardie maande reën. Dit sal ook beteken dat ongeveer 300 mense vir dié maande sonder werk gaan sit,” het die bron genoem.

Hy het voorts gesê dit kan ook ‘n boete van tot N$150 miljoen teen die regering beteken.

Dié fase van die pad kos die regering N$1,08 miljard en word deur drie instansies – die ministerie van werke en vervoer, die Paaieowerheid (RA) en die Duitse bank kfW – teen N$400 miljoen elk gefinansier.

Volgens die bron het die regering die kfW gevra om sy gedeelte te betaal. Dit is nie duidelik of hierdie geld wel sal deurkom nie.

Die projekbestuurder, mnr. Lukas de Maria, het ontken dat die Otesa/CMC beoog om werk op die pad te staak.

“Ons het tans geen voorneme om die werk op te skort of die perseel te sluit nie. Tot op hede was ons nog altyd binne ‘n redelike tyd betaal,” het de Maria gesê.

Bronne het gesê die kontantkrisis word vererger omdat sekere van die pad- en ander kapitaaltenders sonder goedkeuring toegeken is.

Die minister van finansies, mnr. Calle Schlettwein, het erken dat een van hierdie projekte, die teer van die pad tussen Uis en Kamanjab, nie voor begroot was nie.

“Ons probeer om ‘n begroting te bewerkstelling en konsentreer op alle projekte,” het Schlettwein erken.

Hy het gesê die ministeries van finansies en werke is tans druk besig om aan ‘n omvattende plan te werk om uit die geld-knyp te kom en vertragings op die projekte te vermy.

Bronne in die bedryf sê die eerste plan sou wees om projekte in volgorde van belangrikheid aan te pak.

Hulle redeneer dat die teer van die Uis-Kamanjab-pad eerder op die lange baan geskuif moes word aangesien verkeer tussen Swakopmund en Karibib erg toegeneem het.

Die afgetrede padkundige, mnr. Chris Theron, het genoem dat gemiddeld 750 swaar voertuie daagliks tussen Swakopmund en Karibib ry.

“Laat geld wat op paaie bestee word, werk vir die land se ekonomie,” het een bron gesê.

Soortgelyk

 

Briedenhann - Suider-Afrika se teler van die jaar

1 dag gelede | Landbou

Die bekende Namibiese Bonsmara-teler van Hartebeestloop, Joggie Briedenhann, is tydens die Aldam Stockman-skool aangewys as die Landbouweekblad/Breedplan Suider-Afrikaanse Stoetteler van die Jaar 2017. Foto Facebook.

Chinees van dieremishandeling aangekla

1 dag gelede | Misdaad

Francoise Steynberg - 'n Klag van dieremishandeling is deur die Dierebeskermingsvereniging (DBV) van Windhoek teen die eienaar van 'n Chinese konstruksiemaatskappy, Orient Dragon Construction (ODC),...

'Moenie in Kavango visvang'

1 dag gelede | Omgewing

Francoise Steynberg - Weens die uitbreking van miltsiekte in die Bwabwata Nasionale Park word die publiek gewaarsku om nie in die Kavangorivier vis te vang,...

Emotional intelligence = higher salary?

1 dag gelede | Onderwys

While IQ remains a very strong predictor of career success, research suggests that people with high emotional intelligence (EI) are more likely to have higher...

Nou aan die gang

1 dag gelede | Kuns en vermaak

» Namkid, in samewerking met die FNCC, bied met trots die Sosiale Splash-veldtog aan. Hierdie veldtog fokus daarop om Namibiërs te verenig en om saam...

Analysing the finance industry

1 dag gelede | Onderwys

Shona NgavaAgapitus Ipinge is an Investment Banking Analyst from Standard Bank, as a prerequisite is to make sure that he talks to company executives and...

NSFAF-begroting geblaas

1 dag gelede | Onderwys

Augetto Graig - Me. Erica Shafudah, permanente sekretaris van finansies, sê die Namibië Finansiële Hulpfonds vir Studente (NSFAF) het reeds met dié week se beskikbaarstelling...

Weer vir 20 Oktober 2017

1 dag gelede | Weer

WEERWAAK: Dit sal koel in die /Kharasstreek in die oggend wees. BINNELAND: Gedeeltelik bewolk en bloedig warm in die Noordooste met enkele donderbuie...

What Soft Skills Do PR Specialists Need?

1 dag gelede | Onderwys

Those who want to work as public relations specialists should have these soft skills, which are attributes one is either born with or gains through...