Nóg betogings vlam op in Hongkong
Duisende betogers het die naweek in Hongkong naby die grens met China slaags geraak met die polisie.
Die ongelukkigheid blyk te wees oor die teenwoordigheid van Chinese handelaars in dié stadstaat.
Hongkong gaan die laaste paar weke gebuk onder gewelddadige betogings, hoofsaaklik weens ongelukkigheid oor voorgestelde wetgewing wat uitlewering van Hongkongse burgers aan China sal toelaat.
Saterdag se betoging naby die Sheung Shui-woongebied het aanvanklik vreedsaam begin, maar het kort voor lank in algehele chaos ontaard toe betogers die polisie met sambrele en harde hoede toegetakel het.
Die polisie het met knuppels onder die oproeriges ingeklim en probeer om gemoedere te kalmeer.
Dié betoging is die jongste in ’n reeks voorvalle wat al meer as ’n maand in dié voormalige Britse kolonie voorkom. Kenners beskryf dit as die ergste politieke krisis in Hongkong sedert die stadstaat in 1997 aan China oorhandig is. Hongkong word sedertdien as ’n outonome gebied binne China bestuur. Die stadstaat het sy eie leiers en ’n ander regstelsel as in China.
Die voorgestelde wet op uitlewering aan China is intussen ter syde gestel nadat honderdduisende mense die Hongkongse wetgewer op 1 Julie stormgeloop het.
Dié wet sou dit moontlik maak om individue wat van misdade in China verdink word, aan dié sosialistiese land uit te lewer.
Die instelling van só wet word deur kritici daarvan beskou as ’n ernstige inbraak op Hongkong se soewereiniteit.
Die naweek se betoging was egter gemik op Chinese handelaars wat oor die grens glip, goedere aanskaf en dit dan weer anderkant die grens in China gaan verkoop.
Die betogers wil hê die handelaars moet die gebied summier verlaat. Winkels in die omgewing het Saterdag vroeg gesluit.
Inwoners van Hongkong meen die handelaars veroorsaak dat goedere in dié reeds besonderse duur stad net nog duurder word.
Die handelaars versuim glo ook om belasting in Hongkong te betaal. – Netwerk24/Reuters
Die ongelukkigheid blyk te wees oor die teenwoordigheid van Chinese handelaars in dié stadstaat.
Hongkong gaan die laaste paar weke gebuk onder gewelddadige betogings, hoofsaaklik weens ongelukkigheid oor voorgestelde wetgewing wat uitlewering van Hongkongse burgers aan China sal toelaat.
Saterdag se betoging naby die Sheung Shui-woongebied het aanvanklik vreedsaam begin, maar het kort voor lank in algehele chaos ontaard toe betogers die polisie met sambrele en harde hoede toegetakel het.
Die polisie het met knuppels onder die oproeriges ingeklim en probeer om gemoedere te kalmeer.
Dié betoging is die jongste in ’n reeks voorvalle wat al meer as ’n maand in dié voormalige Britse kolonie voorkom. Kenners beskryf dit as die ergste politieke krisis in Hongkong sedert die stadstaat in 1997 aan China oorhandig is. Hongkong word sedertdien as ’n outonome gebied binne China bestuur. Die stadstaat het sy eie leiers en ’n ander regstelsel as in China.
Die voorgestelde wet op uitlewering aan China is intussen ter syde gestel nadat honderdduisende mense die Hongkongse wetgewer op 1 Julie stormgeloop het.
Dié wet sou dit moontlik maak om individue wat van misdade in China verdink word, aan dié sosialistiese land uit te lewer.
Die instelling van só wet word deur kritici daarvan beskou as ’n ernstige inbraak op Hongkong se soewereiniteit.
Die naweek se betoging was egter gemik op Chinese handelaars wat oor die grens glip, goedere aanskaf en dit dan weer anderkant die grens in China gaan verkoop.
Die betogers wil hê die handelaars moet die gebied summier verlaat. Winkels in die omgewing het Saterdag vroeg gesluit.
Inwoners van Hongkong meen die handelaars veroorsaak dat goedere in dié reeds besonderse duur stad net nog duurder word.
Die handelaars versuim glo ook om belasting in Hongkong te betaal. – Netwerk24/Reuters
Kommentaar
Republikein
Geen kommentaar is op hierdie artikel gelaat nie