Net een uit drie kinders eet genoeg

Al meer is oorgewig, vetsugtig

18 October 2019 | Gesondheid
Henriette Lamprecht – ’n Onvoldoende dieet en die hoë voorkoms van aansteeklike siektes soos diarree veroorsaak dat byna een uit vier kinders in Namibië deur vertraagde groei geraak word, en byna een uit twee kinders aan bloedarmoede ly.

Net 13% van babas en jong kinders in Namibië se dieet voldoen aan die minimum aanvaarbare vereistes, terwyl een uit twee kinders in die eerste ses maande van hul lewens nie uitsluitlik geborsvoed word nie, maar ook onvoldoende bykomende voeding ontvang.

’n Skrale 21% van Namibiese kinders word tot op die ouderdom van twee jaar geborsvoed.

Ook het die voortgesette droogte die afgelope drie jaar geweldige druk op die armste families in die land geplaas, sê Unicef se verteenwoordiger vir Namibië, me. Rachel Odede.

Volgens Odede is dít die kinders en tieners wat die ergste deur die droogte geraak word.

In Unicef se jongste verslag oor die stand van kinders in die wêreld word op voedsel en voeding vir kinders gefokus.

Wêreldwyd word net twee uit vyf kinders onder die ouderdom van ses maande uitsluitlik geborsvoed, soos aanbeveel word. Borsvoeding kan volgens die verslag jaarliks die lewens van 820 000 kinders wêreldwyd red.

Swak diëte is die grootste dryfveer van wanvoeding in die vroeë kinderjare met 44% van kinders tussen die ouderdomme van ses en 23 maande wat nie vrugte en groente inkry nie, terwyl eiers, melk, vis en vleis nie deel van 59% se dieet is nie.

Net een uit vyf kinders in dieselfde ouderdomsgroep uit die armste huishoudings en landelike gebiede ontvang die minimum voorgestelde en uiteenlopende dieet vir gesonde groei en breinontwikkeling.

Volgens die verslag het skoolgaande jongmense ’n voorliefde vir verwerkte kosse en gaskoeldrank en drink 42% ten minste een keer ’n dag gaskoeldrank, terwyl 46% minstens een keer ’n week wegneemetes eet.

“Die bemarking van ongesonde kos en versoete drankies hou direk met die groeiende getal oorgewig en vetsugtige kinders verband,” lui die verslag.

Die ander uiterste is een uit drie kinders groei weens wanvoeding nie normaal nie.

Die sigbare vorms van wanvoeding sluit in vertraagde groei, uittering of om oorgewig te wees.

Ten minste een uit twee kinders ly honger weens ’n tekort (wat dikwels nie sigbaar is nie) aan noodsaaklike voedingstowwe.

“Wêreldwyd word byna 200 miljoen kinders onder vyf jaar deur vertraagde groei en uittering geraak, terwyl ten minste 340 miljoen aan vitamien- en mineraletekorte ly.”

Terselfdertyd is 40 miljoen kinders in dieselfde ouderdomsgroep oorgewig en bly vetsug selfs in laerinkomstelande styg.

Die verslag sê hoewel om oorgewig te wees soms as ’n probleem in ryk lande gesien word, is dit opmerklik in hoe dit nou ook lae- en middelinkomstelande raak en hoe vinnig die probleem groei.

In 2018 het ’n kwart van kinders onder vyf jaar wat oorgewig is in Afrika gebly. In laasgenoemde het dit met net onder 44% tussen 2000 en 2018 gegroei.

Die verslag sê armoede is dikwels die groot katalisator vir wanvoeding en ’n studie deur Unicef en die Wêreldbank het in 2016 gewys die helfte van die 385 miljoen kinders wat in uiterste armoede oraloor die wêreld woon, bly in Afrika suid van die Sahara.

Meer as vier uit vyf van dié kinders bly in landelike gebiede en is meer geneig tot ondervoeding, siektes, om nie hul skoolopleiding te voltooi nie en om ná droogte, siekte of ekonomiese onstabiliteit weer terug in armoede te verval.

“Arm kinders het ook die minste toegang tot veilige water en voldoende sanitasie, voorkomende gesondheidsorg soos immuniserings en voldoende mediese sorg.”

- [email protected]

Soortgelyk

 

Geval nr. 22 se toestand kritiek

8 ure gelede | Gesondheid

Ronelle Rademeyer - Teen laat gister was daar geen opflikkering in die gesondheidstoestand van die 63-jarige Walvisbaaier wat in die intensiewesorgeenheid van ’n private hospitaal...

Skuldriller

8 ure gelede | Regering

Jo-Maré Duddy – Die omvang van die Covid-19-pandemie het die ekonomie finaal verpletter en gaan die land vanjaar met ‘n algehele begrotingstekort van bykans N$21,4...

AR steun Ipinge se ingrype

8 ure gelede | Politiek

Denver Kisting en Augetto Graig - Mnr. Job Amupanda van die Regstellende Herposisioneringsbeweging (AR) dring aan dat die raadslid vir die Walvisbaai stedelike kiesafdeling, mnr....

AR steun Ipinge se ingrype

8 ure gelede | Politiek

Denver Kisting, en Augetto Graig – Mnr. Job Amupanda van die Regstellende Herposisioneringsbeweging (AR) dring aan dat die raadslid vir die Walvisbaai- stedelike kiesafdeling, mnr....

Weer, Donderdag 28 Mei 2020

8 ure gelede | Weer

BINNELAND: Sonnig en matig in die Suide, elders sonnig en matig tot warm. KUS: Gedeeltelik bewolk en matig met miskolle op plekke. GETYE BY WALVISBAAI:...

8 vas oor renosterstropery

8 ure gelede | Misdaad

Francoise Steynberg - Agt vermeende renosterstropers en -horingsmokkelaars is oor twee dae vasgetrek.Volgens die hoof van die Blue Rhino-taakspan, komm. Barry de Klerk, is twee...

2019-’20-reënseisoen verbeter op rampjaar

8 ure gelede | Weer

Elvira Hattingh - Die Namibië meteorologiese dienste sê tydens die afgelope reënseisoen het die meeste streke normaal tot ondernormale reëns aangeteken, alhoewel reën in April...

Swapo betaal partytjieboete

8 ure gelede | Regering

Denver Kisting - Die uitvoerende direkteur van Swapo, mnr. Austin Samupwa, is verlede week met N$2 000 beboet weens die regerende party se 60ste verjaardagpartytjie...

'n Vars bries vir die teaterbedryf

8 ure gelede | Kuns en vermaak

Kunstenaars wat hoop om hul produksies of idees deur die Nasionale Teater van Namibië (NTN) te vervaardig, kan nou hul voorleggings vir 2021 en 2022...