Naweekpaaie bly gevaarlik

19 May 2021 | Ongelukke
Namibiese paaie het die naweek opnuut lewens geëis.

Sowat agt kilometer buite Rehoboth, op die pad na Bahnhoff-stasie, het mnr. Louks Erasmus Shanjengange (31) net voor ses Sondagoggend beheer oor sy voertuig verloor, die pad verlaat en teen ’n boom gebots. Hy was alleen in die voertuig en is op slag dood, volgens die polisieverslag. Sy familie is reeds ingelig.

• Die polisie het bevestig dat vlamme uitgebars het nadat ’n dubbelkajuitbakkie tussen Omuthiya en Ondangwa teen ’n bierlorrie vasgery het. Die voorval het Sondag ongeveer 07:45 op die B1-hoofpad naby Onalunike gebeur. Die vragmotor se kajuit en voorste sleepwa het weens die kop-teen-kopbotsing aan die brand geslaan. Die bestuurder van die vragmotor, mnr. Nathanael Nghipangelwa, is volgens die polisieverslag ongedeerd, terwyl die bakkie se bestuurder, mnr. Nghipangelwa Ndatungaeumbo (51), op die toneel dood is.

• Ander ongelukke wat in die sosiale media aangemeld is, maar nog nie deur polisiebronne bevestig is nie, sluit in die botsing tussen twee vragmotors op die B1-hoofpad vanaf Okahandja se afdraai na Otjiwarongo.

Nog ’n voertuig het op pad na Mariental, sowat 10 km buite Kalkrand, omgeslaan en die insittendes is beseer. Net 10 km buite Windhoek, op pad na die Internasionale Lughawe Hosea Kutako, het ’n voertuig ’n koedoe gestamp. Gelukkig was die koedoe, wie se horings binne die voertuig vasgevang is, die enigste ongeval van die botsing.

Ná 22:00 Saterdag was daar ’n hewige slag in Hosea Kutako rylaan, naby Harveystraat in die hoofstad, waarin ’n sedanvoertuig se hele enjin en voorkant morsaf gesny is en oor die pad tot in die ander baan gegooi het. Drie mense is beseer.

Dieselfde aand het ’n vragmotor sowat 30 km buite Oshivelo vanaf Tsumeb omgeslaan. Die bestuurder is vir behandeling na die hospitaal geneem.


FOTO
Die noodlottige ongelukstoneel op die Bahnhoff-pad naby Rehoboth waarin mnr. Louks Erasmus Shanjengange te sterwe gekom het. Foto verskaf

Soortgelyk

 

Sewe sterftes, 750 nuwe gevalle

2 ure gelede | Gesondheid

Die sterftesyfer skuif met sewe - twee in Windhoek en een elk in onderskeidelik Swakopmund, Grootfontein, Outjo, Gobabis en Rundu - op tot 912. Vandag...

Een dood, twee erg beseer in voorvalle van geslagsgeweld

5 ure gelede | Misdaad

‘n Vrou van 35 het op Okakarara gesterf nadat sy na bewering deur haar man aangerand is, terwyl ‘n jong man en vrou ernstige beserings...

Profeet TB Joshua sterf

11 ure gelede | Mense

Die bekende evangelis en filantroop, past. Temitope Balogun (TB) Joshua, is dood.Is het Saterdagaand, 'n week voor sy 58ste verjaardag, in Lagos, Nigerië gesterf, berig...

Polisieman in Kuisebmond doodgesteek

21 ure gelede | Misdaad

'n Konstabel wat by die polisiekantoor in Kuisebmond diens doen, is in die vroeë oggendure Saterdag dood nadat hy naby sy meisie se huis deur...

Ses sterftes stoot syfer oor 900, 480 nuwe gevalle

1 dag gelede | Gesondheid

Ses nuwe sterftes stoot die totale syfer vir Namibië oor die 900-kerf tot 905. Die sterftes is vier in Windhoek en een elk in Outjo...

Covid-19: Gevalle styg in 24 uit 35 distrikte

1 dag gelede | Gesondheid

Namibië bly in die kloue van ‘n nuwe brander Covid-19-infeksies.Gedurende die sewe dae tot Donderdag het nuwe gevalle in 24 van die land se 35...

22 sterftes, 596 nuwe gevalle

2 dae gelede | Gesondheid

Die Covid-19-verwante sterftesyfer vir Namibië skiet met nog 22 - 12 in Windhoek, twee in onderskeidelik Rehoboth en Walvisbaai, drie in Mariental en een elk...

Rehoboth soek strenger aandklok-monitering teen Covid

2 dae gelede | Gesondheid

Die United People's Movement (UPM) het die streeksbevelvoerder van die polisie in die Hardapstreek, komm. Andries van der Byl, gevra vir polisieversterkings op Rehoboth sodat...

Beesvleisforum vorder met abattoirplan

2 dae gelede | Landbou

Ronelle Rademeyer – ’n Groep bekommerde beesprodusente wat ten alle koste Namibië se nismarkte in die buiteland vir die voortbestaan van dié bedryf wil beskerm,...