Navorsers vra hulp om verkleurmannetjie te soek

08 September 2020 | Omgewing
Elvira Hattingh - Navorsers verbonde aan die Universiteit van Wetenskap en Tegnologie (Nust) se biodiversiteitsentrum vra kusbewoners se hulp om vas te stel of die Kaapse dwergverkleurmannetjie wel in die Swakopmund en Walvisbaai-gebiede voorkom.

“Ons kort ’n bietjie hulp met rekords van dié verkleurmannetjie. Hulle is oorspronklik in die 1980’s in die Walvisbaai en Swakopmund-gebied bekend gestel toe mense blomme uit die Wes-Kaap ingevoer het,” het mnr. Francois Theart aan Republikein gesê.

“Ons sal graag meer oor hulle wil leer en hoor of daar wel nog ’n bevolking van hulle in dié gebied is,” het hy gesê. “Die laaste rekord wat ons van hulle het, is in 1989. Ons is nie seker of dit nog in ons land van toepassing is nie.

“Dus is dit belangrik dat ons rekords het om te sien waar hulle voorkom en wat met hulle gebeur het.”

Theart sê eintlik kom dié trapsuutjies slegs in die Wes-Kaap in Suid-Afrika voor. “Hulle is redelik volop in die fynbos waar hulle klein insekte jag.

“In Kaapstad kom hulle ook algemeen in voorstedelike tuine voor waar daar plante groei en genoeg prooi beskikbaar is,” sê hy.

“Die verkleurmannetjie is slegs 14 cm lank en is helder groen in kleur, met flitsstrepe oranje, blou en selfs pienk.

“Een van die grootste bedreigings vir die Kaapse dwergverkleurmannetjie is natuurlik katte! Hulle kan groot bevolkings van verkleurmannetjies in ’n kort tydperk uitwis.”

Theart sê Namibië self het twee soorte trapsuutjies wat bedreig is. “Dit is die Namaqua-verkleurmannetjie wat langs ons kuslyn voorkom, asook die Namaqua-dwergverkleurmannetjie. Dit kom op Oranjemund voor.

“Mense wat egter in die woestyn rondry, stropery en die verlies aan habitat is die grootste bedreiging vir hulle,” het hy verduidelik.

Theart vra dat enigeen wat die Kaapse dwergverkleurmannetjie iewers langs die kus opmerk, hom by 081 290 0343 sal kontak. - [email protected]

Soortgelyk

 

Min kans vir vlieg na SA

1 uur gelede | Toerisme

Ronelle Rademeyer - Hoewel Suid-Afrika Donderdag sy grense vir besoekers uit goedgekeurde lande, waaronder Namibië, heropen, moet Namibiërs vir eers verlief neem met die feit...

Remaining powerful through education

1 uur gelede | Mense

Ester Kamati With a key interest in space science and the history of science, watching videos on these topics is Hosea Hashili’s favourite pastime. Hasili...

Weer, Dinsdag 29 September 2020

1 uur gelede | Weer

BINNELAND: Sonnig en warm tot baie warm, maar baie warm in die Noorde. Enkele wolke sal na verwagting oor die Zambezistreek voorkom.KUS: Gedeeltelik bewolk en...

Vroeggebore tweeling sterk goed aan

1 uur gelede | Gesondheid

Henriette Lamprecht - Twee maande nadat hulle te vroeg op 27 weke in die Lady Pohamba Private Hospitaal in Windhoek gebore is, kan die ouers...

Nuwe Fenata-voorsitter vanuit ontluikende toerismebedryf

1 uur gelede | Toerisme

Francoise Steynberg - Geskiedenis is gemaak toe die nuwe voorsitter van die Namibiese Toerismevereniging (Fenata), me. Netumbo Nashandi, vir die eerste keer uit die geledere...

Onopgeloste verdwynings, moorde stapel op

1 uur gelede | Misdaad

Ellanie Smit – Terwyl die familie van die 22-jarige me. Shannon Darlikie Wasserfall met die trauma van haar verdwyning ses maande gelede worstel, dreig die...

One ­Africa TV ­partners with NMH

1 uur gelede | Onderwys

Distributed through Namibia Media Holdings' (NMH) youth brand, My Zone, the newly added grade zero to seven lessons form part of a ­collaboration with the...

A look at National Readathon, Heritage Week

1 uur gelede | Onderwys

Enzo AmueleThe National Readathon and Heritage Week, which were launched by the minister of education, arts and culture Ester Nghipondoka, took place last week.The Readathon...

Dagboek vir die landbouer

1 uur gelede | Landbou

Agra ProVision se kursusseAgra ProVision bied van 5 tot 8 Oktober 'n kursus oor plaasbestuur in Windhoek aan en daarna van 6 tot 8 Oktober...