NamibRe: Petisie by hooggeregshof ingedien

Hoërhof weier toestemming

05 December 2018 | Howe
Elvira Hattingh – Die ministerie van finansies het Maandag ‘n petisie by die hooggeregshof ingedien vir ‘n versnelde appèlverhoor in ‘n saak wat deur die nasionale herversekeraar, NamibRe, aanhangig gemaak is.

Dít volg nadat regter Thomas Masuku verlede week gesê het die staat mag nié appelleer teen die hoërhof se beslissing vroeër vanjaar in die guns van plaaslike versekeringsmaatskappye nie.

Deur die aanvanklike hofsaak wou die staat versekeraars verplig om ‘n persentasie van hul besigheid aan NamibRe te sedeer, glo om te verhoed dat meer as ‘n N$1 miljard se herversekering Namibië jaarliks verlaat.

Advokaat Raymond Heathcote, wat verskeie van die plaaslike versekeringsmaatskappye verteenwoordig, het gesê hulle sal die jongste petisie in die hooggeregshof wéér teenstaan en deur middel van ‘n beëdigde verklaring reageer.

Hy het gesê hulle verwag nie die hooggeregshof sal voor volgende jaar oor die petisie beslis nie. “Indien hulle verlof kry, sal ons die appèl teenstaan. Indien die petisie van die hand gewys word, is dit die einde van die saak,” het Heathcote gesê.

Intussen het die ministerie van finansies ‘n nuusverklaring oor die kwessie uitgereik om te sê hulle het die hooggeregshof vir ‘n verhoor vroeg volgende jaar gevra.

“Ek glo baie belangrike kwessies is hier ter sprake. Dit sluit in of die hof by magte is om ‘n parlementswet eenvoudig op te skort. Dit op sigself is ‘n groot kwessie,” skryf mnr. Calle Schlettwein, die minister van finansies, in die verklaring.

“Ook, die finaliteit van die bevel: Binne twee jaar sou daar ‘n kapitale uitvloei van meer as N$2 miljard vanuit Namibië gewees het – iets wat deur die nuwe stelsel beperk sou word,” het hy gesê.

HOËRHOF WEIER APPÈL

Dié aksie volg nadat regter Masuku verlede week beslis het daar kan nie teen sy beslissing van 20 September geappelleer word nie, omdat dit nie finaal in aard of effek is nie – ‘n vereiste voor appèl teen ‘n beslissing aangeteken kan word.

Hy het gesê die aansoek tot appèl voldoen ook nie aan ander vereistes nie, omdat die hof nie beslis het oor die geldigheid van die staat se bepalings nie. Dit het slegs die toepassing daarvan opgeskort totdat uitsprake in die hangende grondwetlike uitdagings gemaak is.

Masuku op 20 September tydens ‘n dringende aansoek beslis plaaslike versekeringsmaatskappye sal nie gedwing word om herversekering by NamibRe uit te neem nie.

Dít totdat die hof oor die wettigheid van dié wetsbepaling kan beslis.

Die betrokke versekeringsmaatskappye sluit in Hollard, Sanlam, Santam, Trustco, OutSurance en Old Mutual.

Masuku het toe bevraagteken of dit toepaslik vir Schlettwein was om sekere wetsbepalings van die Namibië Nasionale Herversekeringskorporasie (NamibRe) af te kondig nadat twee grondwetlike uitdagings reeds daarteen gebring is.

Die minister het kennisgewings en regulasies van die Namibië Nasionale Herversekeringskorporasiewet in die Staatskoerant van 29 Desember 2017 gepubliseer.

Dit het in Junie vanjaar van krag geraak en daarvolgens moes versekeraars 12,5% van alle plaaslike polisse aan die regering, oftewel NamibRe, sedeer.

Soortgelyk

 

Afrika-lied kom tuis in Namib

14 ure gelede | Kuns en vermaak

Elvira Hattingh - Die Duits-Namibiese kunstenaar Max Siedentopf het wêreldwyd opslae gemaak met ‘n kunsinstallasie in die Namib wat Toto se bekende liedjie “Africa” oor...

CoW verloor ronde teen baas

14 ure gelede | Regering

Denver Kisting - Die geskorste uitvoerende hoof van die Windhoekse stadsraad (CoW), mnr. Robert Kahimise, het 'n ronde teen sy werkgewer gewen.CoW sal waarskynlik binne...

Sowat 7 000 skeepspassasiers sak op Walvis toe

14 ure gelede | Toerisme

Geskiedenis is gister gemaak toe vier groot passasierskepe in die Walvisbaai-hawe op anker gelê het en sowat 7 000 internasionale reisigers op die hawedorp toegesak...

Herstel internet, toegang tot sosiale media in Zim

14 ure gelede | Plaaslik

Ronelle Rademeyer - Om mense in Zimbabwe die gebruik van internetdienste te ontneem, is ‘n skending van hul menseregte en benadeel die ekonomie.“Ons raam die...

Weer vir 17 Januarie 2019

14 ure gelede | Weer

BINNELAND: Sonnig en bloedig warm in die ||Kharasstreek. Elders sal dit gedeeltelik bewolk en baie tot bloedig warm wees met enkele donderbuie oor die sentrale,...

Jong Namibiër maak biomediese deurbrake

14 ure gelede | Gesondheid

Denver Kisting - Sy twee jonger sibbe se worsteling as kinders met asma het ’n jong Namibiese ingenieur aangespoor om ’n toestel te ontwerp wat...

Lui-lui telefoon

14 ure gelede | Tegnologie

Telecom Namibia se landlyne in Windhoek was sedert Dinsdag buite werking. Mnr. Oiva Angula, Telecom Namibia se hoof van korporatiewe kommunikaise en openbare skakelwese, het...

Gedenkdiens gehou vir slagoffers van ongeluk

14 ure gelede | Plaaslik

’n Gedenkdiens vir ses van die sewe slagoffers wat onherkenbaar verbrand is tydens die ongeluk op 10 Augustus 2018, is Dinsdag op Otjiwarongo gehou. Die...

Meer as N$2 miljoen se stukkende verkeersligte

14 ure gelede | Regering

Die hoofstad se munisipaliteit het in 2018 meer as N$2 miljoen bestee om stukkende verkeersligte te herstel nadat dit in padongelukke beskadig is.Mnr. Harold Akwenye,...