Namibiër vermoor glo vrou in Maleisië

14 November 2019 | Misdaad
’n Namibiër is in die buiteland agter tralies nadat hy sy meisie na bewering verwurg het en haar hande afgekap het.

Die 26-jarige man het volgens polisie in Maleisië, waar die misdaad gepleeg is, twee strafregtelike oortredings agter sy naam – een behels dat hy homself glo as ’n staatsamptenaar voordoen, en die ander onwettige betreding.

Volgens die Maleisiese regering se nuusagentskap Bernama het die man sy Nigeriese meisie se hande glo afgesny in ’n poging om bewyse te vernietig.

Die nuusagentskap haal die polisiehoof van die Sepang-distrik in Cyberjaya, mnr. Abdul Aziz Ali, aan wat sê die 33-jarige slagoffer se hande is in ’n asdrom op die sesde vloer van ’n woonstelblok gevind.

Haar lyk is in ’n woonstel in dieselfde blok gevind.

Volgens Abdul Aziz is die vrou se regterbeen ook byna heeltemal afgesny.

Hy het ook gesê die Namibiese verdagte is twee dae ná die slagoffer se lyk ontdek is deur ’n polisiespan van die D9-eenheid vir ernstige misdaad as deel van die Misdaadondersoekdepartement in Jalan Bukit Bintang, Kuala Lumpur, ondervra.

Volgens die nuusagentskap het Abdul Aziz tydens ’n nuuskonferensie vroeër die week gesê die Nigeriese vrou se dood spruit vermoedelik uit ’n bakleiery tussen haar en die verdagte in die woonstel, voordat hy haar na bewering doodgewurg het.

Volgens Abdul Aziz het die polisie ook ’n mes gevind wat na bewering gebruik is om die slagoffer se liggaam te skend.

Die nuusagentskap sê die Namibiër was ’n voormalige student aan ’n private instelling van hoër onderrig in die Klang-vallei, maar is verlede jaar geskors.

Hy het na bewering deur middel van sosiale media met die slagoffer kontak gemaak.

Soortgelyk

 

50 nuwe Covid-19-gevalle, 32 in Windhoek

14 ure gelede | Gesondheid

Die uitvoerende direkteur in die ministerie van gesondheid en maatskaplike dienste, mnr. Ben Nangombe, sê 50 nuwe gevalle van Covid-19 is in die land aangekondig....

Bykans N$1 miljoen se dwelms in Julie gekonfiskeer

1 dag gelede | Misdaad

Die Namibiese polisie het tussen 1 en 31 Julie dwelms ter waarde van altesaam N$958 390 gekonfiskeer en 97 verdagtes in hegtenis geneem. Daar is...

Mariental se skaapabattoir sluit deure

1 dag gelede | Landbou

Elvira Hattingh - Die Farmer’s Meat Market abattoir op Mariental (FMM), wat deur Hartlief besit word, sal op 31 Augustus sy deure sluit.Die Hartlief-groep se...

Vandag se Covid-19-data

1 dag gelede | Gesondheid

'n Visuele opsomming van die inligting vir gister, soos vanmiddag aangekondig deur die minister van gesondheid en maatskaplike dienste, dr. Kalumbi Shangula.

Diewe vort met N$1 miljoen uit Swakopmund-huis

1 dag gelede | Misdaad

Die Namibiese polisie sê verdagtes het gisteroggend ‘n kluis met N$1 miljoen daarbinne uit ‘n sakevrou se huis in Swakopmund gesteel. Volgens die polisie het...

Nog 'n sterfte, 150 nuwe Covid-19-gevalle

1 dag gelede | Gesondheid

Die minister van gesondheid en maatskaplike dienste dr. Kalumbi Shangula sê 'n 84-jarige vrou van Windhoek wat vir 'n operasie in 'n plaaslike hospitaal opgeneem...

Nog 'n sterfte, 150 nuwe Covid-19-gevalle

1 dag gelede | Gesondheid

Die minister van gesondheid en maatskaplike dienste dr. Kalumbi Shangula sê 'n 84-jarige vrou van Windhoek wat vir 'n operasie in 'n plaaslike hospitaal opgeneem...

Covid-sterftes styg tot 15

2 dae gelede | Gesondheid

Henriette LamprechtDrie Covid-19-verwante sterftes is gister in die Erongostreek aangemeld en wel twee op Walvisbaai en een in Swakopmund. Die bring die nasionale totaal op...

Libanees in Namibië rou oor geliefde Beiroet

2 dae gelede | Ongelukke

Ronelle Rademeyer – Was dit nie vir ’n reis na Khartoum sowat 60 km suid van Beiroet vir die viering van die Moslem-fees Eid-oel-Adha nie,...