Namibiër leer Japanners lekker boerewors maak

Oud-Windhoeker goed ingeburger in Miyako

01 September 2020 | Kuns en vermaak
Ronelle Rademeyer - Japanners het Sondag in Miyako in die Iwate-prefektuur in die noordooste van die land weggelê aan boerewors en schnitzel wat deur ’n oud-Windhoeker tydens ’n Namibiese kultuurdag en kosdemonstrasie voorberei is.

Me. Anita Sasaki (nèe Buys, 50) het hulle ook geleer hoe om self boerewors te maak. Sy woon reeds 21 jaar in Miyako.

Sy was verlede jaar tydens die Rugbywêreldbeker in Japan een van die tolke wat besoekers aan Iwate by die stasie in Miyako verwelkom het toe die Namibiese span teen Kanada in Kamaishi, die buurdorp, sou speel. Anita was oorstelp van vreugde toe Republikein se Jol in Japan-span saam met ander Windhoekers by dié stasie aangekom het waar sy besoekers ingewag het.

Die wedstryd is gekanselleer nadat tifoon Hagibis te veel skade aangerig en toestande by die stadion onveilig was.

Dié oud-Windhoeker het haar hart op haar Japannese man, Toru Sasaki, verloor toe hy op ’n Walvisbaaise krapboot as visserman gewerk het.

Toe hy 21 jaar gelede terugkeer na sy tuisdorp Miyako, het sy hom gevolg en die twee is kort daarna getroud.

Sy praat vlot Japannees en het hulle drie kinders, Yuuta (21), Yuria (19) en Kota (13) in die Japannese kultuur grootgemaak.

Haar man is steeds in die seevaartbedryf, maar werk deesdae op groot vragskepe wat vraghouers oor die See van Japan karwei.

Anita sê die taal en die Japannese se eetgewoontes was destyds vir haar die grootste aanpassing. Intussen is sy bekeer tot sashimi en sushi en mis sy nie meer ’n gebraaide skaaptjoppie so baie soos toe sy net daar gekom het nie.

Sy het egter nie verleer om Namibiese kos te maak nie en is nog baie bedrewe met die worsstoppery.

Anita sê dit is vir haar lekker om die Japanners aan die Namibiese kultuur bloot te stel.

“Kan jy glo ek is die enigste Namibiër in die hele groot Japan (met sy 126 miljoen inwoners),” vertel sy. Anita besit haar eie Engelse skool waar sy vir laerskoolkinders leer Engels praat.

Haar kosdemonstrasie is op YouTube by https://youtu.be/W3Jr-MohVdI beskikbaar.

- [email protected]

Soortgelyk

 

Min kans vir vlieg na SA

1 uur gelede | Toerisme

Ronelle Rademeyer - Hoewel Suid-Afrika Donderdag sy grense vir besoekers uit goedgekeurde lande, waaronder Namibië, heropen, moet Namibiërs vir eers verlief neem met die feit...

Remaining powerful through education

1 uur gelede | Mense

Ester Kamati With a key interest in space science and the history of science, watching videos on these topics is Hosea Hashili’s favourite pastime. Hasili...

Weer, Dinsdag 29 September 2020

1 uur gelede | Weer

BINNELAND: Sonnig en warm tot baie warm, maar baie warm in die Noorde. Enkele wolke sal na verwagting oor die Zambezistreek voorkom.KUS: Gedeeltelik bewolk en...

Vroeggebore tweeling sterk goed aan

1 uur gelede | Gesondheid

Henriette Lamprecht - Twee maande nadat hulle te vroeg op 27 weke in die Lady Pohamba Private Hospitaal in Windhoek gebore is, kan die ouers...

Nuwe Fenata-voorsitter vanuit ontluikende toerismebedryf

1 uur gelede | Toerisme

Francoise Steynberg - Geskiedenis is gemaak toe die nuwe voorsitter van die Namibiese Toerismevereniging (Fenata), me. Netumbo Nashandi, vir die eerste keer uit die geledere...

Onopgeloste verdwynings, moorde stapel op

1 uur gelede | Misdaad

Ellanie Smit – Terwyl die familie van die 22-jarige me. Shannon Darlikie Wasserfall met die trauma van haar verdwyning ses maande gelede worstel, dreig die...

One ­Africa TV ­partners with NMH

1 uur gelede | Onderwys

Distributed through Namibia Media Holdings' (NMH) youth brand, My Zone, the newly added grade zero to seven lessons form part of a ­collaboration with the...

A look at National Readathon, Heritage Week

1 uur gelede | Onderwys

Enzo AmueleThe National Readathon and Heritage Week, which were launched by the minister of education, arts and culture Ester Nghipondoka, took place last week.The Readathon...

Dagboek vir die landbouer

1 uur gelede | Landbou

Agra ProVision se kursusseAgra ProVision bied van 5 tot 8 Oktober 'n kursus oor plaasbestuur in Windhoek aan en daarna van 6 tot 8 Oktober...