Namibiese skrywers blom

Vier Namibiese skrywers het op 19 November saamgespan en een groot boekbekendstelling by die Nasionale Museum in die hoofstad gehou. Avril Cordom, ’n plaaslike skrywer wat ’n skryfkursus aanbied, het dié geleentheid gereël. Twee van haar skryfkunsstudente het daarin geslaag om hul boeke binne die vasgestelde tydraamwerk van 3 maande te skryf, 'n doelwit vir dié kursus.Kaylah Cordom (17) se eerste roman vir tieners, Our Story, is onlangs gepubliseer. Sy sê sy het nooit besef dit is só maklik om ’n boek te skryf nie. Die negejarige Aeron Abrahams se boek Ruffy in the Rough is ook gepubliseer. Sy suster Ashlynn was die illustreerder. Aeron se ma het vir Avril sy boek gewys. Sy het die potensiaal daarin raakgesien en besluit om die boek te redigeer en publiseer. “Dit is wonderlik om te sien hoe die boek lewe gekry het,” sê sy.MeQueen Mbambus, 'n onderwyseres, het Avril se kursus in September bygewoon en binne twee maande haar eerste boek, It's just life, saam met haar seun voltooi. Avril het self in 2020 drie boeke neergepen, en sy glo dit is haar beste jaar nóg. Covid-19 het haar nie teruggehou nie, sê sy, aangesien sy deur haar skryfwerk van die sombere werklikheid kon ontsnap. Vier ander boeke het reeds uit Avril se pen verskyn, twee jeugromans en twee selfhelpboeke vir volwassenes. Die geleentheid was ’n reusesukses, sê Avril. “Dit laat mense dink – as ’n 9- en 17-jarige se boeke gepubliseer kan word, hoekom nie myne nie?”Hulle berei reeds voor vir nog ’n massabekendstelling in 2021, voeg sy by.Avril skryf volgens die leuse: "Dis jou boek, jy kan skryf wat jy wil.” Haar doelwit is om Namibiese skrywers met potensiaal te bemagtig. Sy is vas oortuig, as mense 'n suksesvolle resep het om keer op keer ’n perfekte sjokoladekoek te bak, sy 'n perfekte resep het om binne drie maande 'n boek te skryf.

Namibiese skrywers blom

Kommentaar

Republikein 2025-07-07

Meld asseblief aan om kommentaar te lewer

Namibiese skrywers blom

Kommentaar

Republikein 2025-07-07

Meld asseblief aan om kommentaar te lewer

MELD AAN

Advertensie