Namibiese Rotariër-klubs breek grense

Nuwe leiers neem binnekort leisels oor

02 July 2018 | Maatskaplik
Elvira Hattingh - Die sewe Rotariër-klubs in Namibië het die afgelope jaar ‘n vroulike leierskapsyfer van 71% gehandhaaf.

Hoewel die vroue se termyne teen maandeinde tot ‘n einde kom, sal van die nuwe klubpresidente weer vroue wees.

Die Rotariër-vereniging is ‘n globale netwerk van 1,2 miljoen mense in sowat 200 lande.

Hul doel is om sake- en professionele leiers te verenig om humanitêre dienste te verskaf, hoë etiese standaarde in alle beroepe aan te moedig en ook om welwillendheid en vrede oraloor die wêreld te bevorder.

Sedert Julie 2017 het me. Hileni Rijnen as president van die Auas-Rotariërs gedien, me. Heide Beinhauer is president van die Windhoek-Rotariërs, me. Lanice Helmuth is die president van Klein Windhoek Valley se klub, me. Lily Raubenheimer van Lüderitz se klub en me. Anja Rohwer van Swakopmund se Rotariërs.

Rijnen het gister aan Republikein gesê hulle beskou dit as ‘n merkwaardige prestasie, veral in die lig daarvan dat dit aanvanklik bekend gestaan het as ‘n konserwatiewe klub vir “ou, wit mans” voor ‘n beslissing in 1987 in die Amerikaanse hooggeregshof vroue ook toegelaat het.

“Vandag is vroue dié deel van ons ledetal wat die vinnigste groei,” het Rijnen gesê.

Auas se Rotariërklub was die eerste in Namibië om mense van ander rasse en vroue as lede toe te laat.

Dit was ook hierdie klub wat plaaslik die eerste vroulike president, me. Heike Baumann, gehad het.

Sy het die klub van 1999 tot 2000 gelei en is steeds ‘n aktiewe lid.

Rijnen is tans die president van dié klub.

“Dit is wonderlik dat die Rotariërs die grense van geslag en ras kon breek. Nou kan ons, soos ons motto sê, almal saam ander dien en ons bes doen om ons mooi land, die wêreld en sy burgers te verbeter,” het sy gesê.

Hierdie klub was die afgelope jare by verskeie projekte betrokke, wat insluit steun aan die Witvlei-weeshuis en Friendly Haven, ‘n skuiling wat mishandelde vroue en kinders inneem.

Drie groot projekte waarby hulle onlangs betrokke was, is die Dordabis-gemeenskapskool en –tuinprojek, waar rekenaars en onderrigmateriaal aangekoop is en ‘n sonpomp aangebring is om skoon water te pomp; die Beautiful Kidz-sentrum waar materiaal vir onderrig verskaf is, en die Kaisosi-vroue-landbouprojek, waar tuingereedskap verskaf is.

Die Windhoek-klub is die oudste in Namibië en het intussen verskeie vroulike leiers gehad, waarvan die eerste me. Miriam Truebody is, wat van 2001 tot 2002 president was.

Hulle was ook by verskillende projekte betrokke, wat insluit opknapwerk aan die Baumgartsbrunn-skool en –koshuis in die Khomas Hochland en die opleiding van onderwysers vir die Laerskool Martti Ahtisaari in Katutura.

Hulle organiseer ook al jare lank die Cycle Classic – ‘n geleentheid waartydens families aan ‘n fietswedren kan deelneem.

Soortgelyk

 

Ondersoek staatskaping in Namibië, vra PDM

18 minute gelede | Politiek

Ronelle Rademeyer - Namibië se amptelike oppposisie, die Popular Democratic Movement (PDM), sê hy “raak al meer daarvan oortuig die Namibiese staatsmasjienerie is gekaap” en...

Getuie pak skuld op Katrina

13 ure gelede | Howe

Denver KistingMe. Katrina Hanse-Himarwa, die destydse goewerneur van die Hardapstreek, het vier jaar terug gesê 'n lys van begunstigdes van die massabehuisingsprojek op Mariental moet...

'Robocop' vir pille

13 ure gelede | Gesondheid

Henriette Lamprecht – In ’n hospitaal in Namibië is ’n robot met die naam Eva wat binne sekondes sorg dat elke pasiënt met sy of...

Nog twee dood ná gru-ongeluk

13 ure gelede | Ongelukke

Tanja Bause - Die ongeluk waarin sewe mense verlede Woensdag tussen Otjiwarongo en Otavi gesterf het, het nog twee se lewe geëis. Die ongeluk het...

Waterbestuur by skole kan 50% spaar

13 ure gelede | Plaaslik

Elvira HattinghIndien die munisipaliteit se voor­gestelde waterbestuurmaatreëls aan die onderwysministerie by skole toegepas sou word, kan hul waterrekeninge met minstens 50% verminder, meen 'n kenner....

Weer vir 14

13 ure gelede | Weer

BINNELAND: Sonnig en bloedig warm in die verre Noorde en Suide, andersins gedeeltelik bewolk en baie tot bloedig warm.KUS: Gedeeltelik bewolk en koel tot warm.GETYE...

Unam-staking verby

13 ure gelede | Onderwys

Die 11 dag lange staking van dosente en ander werknemers van die Universiteit van Namibië (Unam) het Maandagaand tot 'n einde gekom. Die verteenwoordigende vakbonde,...

Teengif-trust gestig ná seuntjie sterf

13 ure gelede | Omgewing

Francoise SteynbergVrolike kinderlaggies in 'n cul-de-sac in die Elisenheim-landgoed noord van Windhoek is stil nadat klein Deon Heunis (Dehan) de Wet (2) sy dapper stryd...

Sesjarige deur 17-jarige skoolkind verkrag

13 ure gelede | Misdaad

Tanja Bause 'n Sesjarige meisie is in die ­Oshitosi-nedersetting by Okatope verkrag deur 'n 17-jarige seun wat in graad 5 is. Hy het die jong...