Namibië ondersteun veiliger internet

‘Saam vir beter internet’

07 February 2019 | Ministeries
Mariselle Stofberg – Namibië het Dinsdag aan Wêrelddag vir Veiliger Internet (SID) deelgeneem.

Hoërskool Chairman Mao Zedong in Windhoek het leerlinge van verskeie skole saam met die ministerie van geslagsgelykheid en kinderwelsyn, asook die Verenigde Nasies se Kinderfonds (Unicef) byeengebring om die dag te vier.

Verteenwoordigers van die ministeries van onderwys, kuns en kultuur, van inligting en kommunikasietegnologie, geslagsgelykheid en kinderwelsyn, asook van Lifeline/Childline en die Internetvereniging (Namibia Chapter) het die dag bygewoon.

Wêrelddag vir Veiliger Internet poog om groter bewustheid oor toenemende internetkwessies te skep.

Die tema vir 2019 is “Saam vir ’n beter internet” en daarmee word ’n beroep op elke belanghebbende gedoen om hul rol te speel in die skep van ’n veiliger internet, veral vir jonger internetgebruikers.

Die minister van geslagsgelykheid en kinderwelsyn, me. Doreen Sioka, het die belangrikheid van elke individu se bydrae tot ’n veiliger internet beklemtoon.

“Beter internetgebruik is ons almal se besigheid. Die internet kan jou opbou, maar dit kan jou ook binne ’n kwessie van ’n minuut afbreek,” het Sioka gesê.

Sy het gesê haar ministerie is besig om die regulasies van die Wet op Kindersorg en -beskerming, Wet 3 van 2015, te finaliseer, wat hopelik binne die volgende twee tot drie weke geïmplementeer sal word.

Volgens mnr. Paulus Lewin, hoofonderwysbeampte vir programme en kwaliteitbeheer, skakel hierdie dag goed in by die Nasionale Raamwerk vir Veilige Skole (NSSF) wat deur die ministerie van onderwys, kuns en kultuur van stapel gestuur is.

“Aanlyn kinderbeskerming, wat deel vorm van Wêrelddag vir Veiliger Internet, is ’n integrale deel van NSSF. Ons leerlinge ervaar kommerwekkende vlakke van gelweld, hetsy fisiek, emosioneel, sielkundig of seksueel van aard. Met die toename en verandering in tegnologie en die internet, word ons deur nóg ’n tipe geweld bedreig.”

Unicef het tydens ’n onlangse meningspeiling, wat uit meer as ’n miljoen reaksies van meer as 160 lande bestaan, vasgestel 70,6% van jongmense wêreldwyd tussen die ouderdomme van 15 en 24 verkeer aanlyn en het al een of ander vorm van aanlyn geweld, kuberboelies of digitale teistering ervaar.

“Ek wil ouers aanraai om grense te stel vir hul kinders met die gebruik van die internet. As ouers wil ons net die beste vir ons kinders hê, en dit is ons verantwoordelikheid om ons kinders te leer oor internetveiligheid, en om enige aanlyn geweld, mishandeling of uitbuiting ernstig op te neem,” het Sioka gesê.

Lewin het gesê ouers en skole het ’n verantwoordleikheid om kinders in te lig en daarop voor te berei om die internet veiliger te gebruik.

“Ons het die verantwoordelikheid om ons leerlinge met die nodige vaardighede en hulpmiddels toe te rus sodat hulle die internet op ’n veilige, slim en waaksame manier kan gebruik.”

Die geleentheid het ook uit ’n paneelbespreking bestaan, waaronder dr. Veronica Theron, die presidentsvrou se spesiale raadgewer, haar mening oor ’n veiliger internet gedeel het.

“Ouers en kinders moet opgelei word om die internet veiliger en beter te gebruik. Die belangrikheid van ’n oop verhouding tussen ouers en kinders is net so belangrik, want kinders moet voel hulle kan enige aanlyn kwessie wat hulle ongemaklik of bang laat voel, met hul ouers deel.”

Soortgelyk

 

Wilde perde: Jongste vul reeds aangeval

4 ure gelede | Ministeries

Tanja Bause - Enige hoop op oorlewing van die Namib se wilde perde krimp al meer, terwyl die ministerie van die omgewing en toerisme na...

Leerlingdokters 'van swakker gehalte'

4 ure gelede | Onderwys

Henriette Lamprecht - Namibië bestee al ses jaar lank geld aan die opleiding van mediese studente in die buiteland.Volgens mnr. Cornelius Weyulu, registrateur van die...

Regulasies vir loterye en dobbel kom

4 ure gelede | Toerisme

font face="Verdana" >Francoise Steynberg - Alle rolspelers in die lotery- en dobbelbedryf moet landswye openbare werkwinkels bywoon sodat regulasies volgens nuwe wetgewing opgestel kan...

Gesondheidsmanne vas oor hospitaaltender

4 ure gelede | Ministeries

Twee administratiewe beamptes van die ministerie van gesondheid en maatskaplike dienste se kantoor op Otjiwarongo is op borgtog van N$5 000 elk vrygelaat ná hulle...

Weer, Woensdag 20 Februarie 2019

4 ure gelede | Weer

BINNELAND: Sonnig en baie warm in die verre noordooste. Elders sal dit gedeeltelik bewolk en baie tot bloedig warm wees met enkele reënbuie in die...

Twee kinders met stok doodgeslaan

4 ure gelede | Misdaad

’n Angolese burger is in hegtenis geneem ná hy twee minderjarige kinders na bewering doodgeslaan het en hul ouma ernstig gewond het. Die voorval het...

Weerwaak teen hitte uitgereik

4 ure gelede | In beeld

Die Namibiese weerkantoor sê die kanse op reën is besig om te verbeter in die noordwestelike dele van die land, asook in die Khomasstreek, waar...

Duister SA bekommer NamPower nie

4 ure gelede | Energie

Augetto Graig - Namibië se nasionale kragverskaffer, NamPower, sê Suid-Afrika se kragverskaffer, Eskom, is nie die enigste bron waarmee plaaslike krag aangevul word nie. “Namibië...

Pack Safari open toergids-akademie

4 ure gelede | Toerisme

Pack Safari het amptelik die deure van sy toergids-akademie in Windhoek oopgemaak. Die akademie bied gratis beroepsopleiding aan plaaslike, Duitssprekende toergidse met FGASA Veldgids vlak...