Namibië gekies vir nuwe projek
Die Chinese internetmaatskappy Tencent het Namibië as een van vier bestemmings vir sy nuwe QQ X-projek aangewys.
Estelle de Bruyn - Namibië is een van die bestemmings wat vir die nuwe QQ X-projek van die kitsboodskapdiens QQ gekies is.
QQ word deur die Chinese internetmaatskappy Tencent besit en bedryf, terwyl 35% van Tencent-aandele aan die Suid-Afrikaanse maatskappy Naspers behoort.
Die sogenaamde QQ X-projek, wat gratis reise oor die wêreld met behulp van QQ wil bevorder, is Maandag in Beijing bekend gestel. Met die projek wil Tencent verkenningsendings onderneem en bevindinge asook ondervindinge met internetgebruikers wêreldwyd deel.
Volgens 'n verklaring van Tencent sal die QQ X-projek in plekke soos Namibië, die Galapagos Eilande, die suidelike deel van die Stille Oseaan en Antarktika 'n draai maak. Enige Chinese burger van 18 jaar en ouer kan aansoek doen om deel van die projek te wees. Hulle kan met hul selfone video-inskrywings laai op die spesiale bladsye wat aan die projek toegeken is op QQ Kandian, QQ se platform vir die verspreiding van inligting.
Die wenners sal deur middel van ope oudisies deur Chinese internetgebruikers gekies word.
Li Dan, hoofbestuurder van bemarking van Tencent se sosiale netwerkgroep, sê elke bestemming van die reis het 'n tema: Spesies van die Galapagos Eilande, sterrenagte van Namibië, die see van die suidelike Stille Oseaan en poolgebiede van Antarktika. “As 'n geheel deel hierdie vier bestemmings die visie om die weg vir jongmense te baan wat droom om die wêreld te verken, en hierdie drome vir hulle te bewaarheid.
Xian Yecheng, ook 'n hoofbestuurder van Tencent, het gesê met die projek streef Tencent daarna om vergrote realiteit, kunsmatige intelligensie asook oudio- en videovermoëns en regstreekse NOW-stroming saam met ander gevorderde tegnologie te gebruik as 'n nuwe instrument om jongmense, wat aktiewe lede van vandag se netwerkwêreld is, in staat te stel om die planeet te verken
en die skoonheid daarvan te herontdek.
Die projek geniet die steun van die ambassades van Namibië en Ecuador in China, die Chinese Arktiese en Antarktiese administrasie, die Chinese vereniging vir minerale bronne van die see, die Charles Darwin-navorsingsinstituut en die Wêreldnatuurfonds (WWF).
By die bekendstelling het Namibië se ambassadeur in China, mnr. Elia Kaiyamo, gesê Namibië is verheug om by die projek ingesluit en daarmee geassosieer te word.
Hy sê dit sal 'n belangrike bydrae tot die verspreiding van kennis en opvoeding van die jeug oral oor die wêreld lewer. Volgens Kaiyamo is die QQ sosiale media-toep die derde grootste sosiale media-netwerk naas Facebook en WhatsApp.
Kaiyamo het besonderhede oor die noue betrekkinge tussen Namibië en China verskaf en sê Namibië huisves China se enigste ruimte-opsporingstelsel in Afrika. Hierbenewens woon nagenoeg 100 000 Chinese in Namibië, wat vyf persent van die bevolking is.
“Namibië is vir hierdie projek gekies vanweë sy pragtige natuurlandskappe, buitengewone natuurlewe, kulturele erfenis en bo alles, vir die uitsonderlike Afrika-nagruim in die Namibwoestyn wat wêreldbekend is,” het Kaiyamo gesê.
Hy het ook die hoop uitgespreek dat Tencent sy operasies na Namibië sal uitbrei en Namibiese jongmense ook toegang tot QQ en WeChat kan kry.
QQ word deur die Chinese internetmaatskappy Tencent besit en bedryf, terwyl 35% van Tencent-aandele aan die Suid-Afrikaanse maatskappy Naspers behoort.
Die sogenaamde QQ X-projek, wat gratis reise oor die wêreld met behulp van QQ wil bevorder, is Maandag in Beijing bekend gestel. Met die projek wil Tencent verkenningsendings onderneem en bevindinge asook ondervindinge met internetgebruikers wêreldwyd deel.
Volgens 'n verklaring van Tencent sal die QQ X-projek in plekke soos Namibië, die Galapagos Eilande, die suidelike deel van die Stille Oseaan en Antarktika 'n draai maak. Enige Chinese burger van 18 jaar en ouer kan aansoek doen om deel van die projek te wees. Hulle kan met hul selfone video-inskrywings laai op die spesiale bladsye wat aan die projek toegeken is op QQ Kandian, QQ se platform vir die verspreiding van inligting.
Die wenners sal deur middel van ope oudisies deur Chinese internetgebruikers gekies word.
Li Dan, hoofbestuurder van bemarking van Tencent se sosiale netwerkgroep, sê elke bestemming van die reis het 'n tema: Spesies van die Galapagos Eilande, sterrenagte van Namibië, die see van die suidelike Stille Oseaan en poolgebiede van Antarktika. “As 'n geheel deel hierdie vier bestemmings die visie om die weg vir jongmense te baan wat droom om die wêreld te verken, en hierdie drome vir hulle te bewaarheid.
Xian Yecheng, ook 'n hoofbestuurder van Tencent, het gesê met die projek streef Tencent daarna om vergrote realiteit, kunsmatige intelligensie asook oudio- en videovermoëns en regstreekse NOW-stroming saam met ander gevorderde tegnologie te gebruik as 'n nuwe instrument om jongmense, wat aktiewe lede van vandag se netwerkwêreld is, in staat te stel om die planeet te verken
en die skoonheid daarvan te herontdek.
Die projek geniet die steun van die ambassades van Namibië en Ecuador in China, die Chinese Arktiese en Antarktiese administrasie, die Chinese vereniging vir minerale bronne van die see, die Charles Darwin-navorsingsinstituut en die Wêreldnatuurfonds (WWF).
By die bekendstelling het Namibië se ambassadeur in China, mnr. Elia Kaiyamo, gesê Namibië is verheug om by die projek ingesluit en daarmee geassosieer te word.
Hy sê dit sal 'n belangrike bydrae tot die verspreiding van kennis en opvoeding van die jeug oral oor die wêreld lewer. Volgens Kaiyamo is die QQ sosiale media-toep die derde grootste sosiale media-netwerk naas Facebook en WhatsApp.
Kaiyamo het besonderhede oor die noue betrekkinge tussen Namibië en China verskaf en sê Namibië huisves China se enigste ruimte-opsporingstelsel in Afrika. Hierbenewens woon nagenoeg 100 000 Chinese in Namibië, wat vyf persent van die bevolking is.
“Namibië is vir hierdie projek gekies vanweë sy pragtige natuurlandskappe, buitengewone natuurlewe, kulturele erfenis en bo alles, vir die uitsonderlike Afrika-nagruim in die Namibwoestyn wat wêreldbekend is,” het Kaiyamo gesê.
Hy het ook die hoop uitgespreek dat Tencent sy operasies na Namibië sal uitbrei en Namibiese jongmense ook toegang tot QQ en WeChat kan kry.
Kommentaar
Republikein
Geen kommentaar is op hierdie artikel gelaat nie