Namcol hersien strategie vir graad 12-leerplan

02 March 2021 | Onderwys
Die Namibiese Kollege vir Afstandsonderrig (Namcol) het sy strategie vir inskrywings hersien om die toenemende versoeke vir plasing vir die ou graad 12-leerplan te akkommodeer wat vanjaar vir die laaste keer aangebied word.
Namcol se direkteur, mnr. Heroldt Murangi, sê die kollege het binne vier dae vandat die inskrywingsproses afgeskop het, ’n tekort aan graad 12-leermateriaal gehad.

“Ons het ons strategie vir die jaar hersien en moes bykomende materiaal vir leerlinge in graad 12 druk waar die aanvraag nou ons hulpbronne oorskry,” het Murangi gesê. Volgens hom het die kollege minder inskrywings in die finale jaar van die ou leerplan verwag.

Die ministerie van onderwys, kuns en kultuur het N$4 miljoen vir die druk van bykomende materiaal vir die ou leerplan vir vanjaar begroot. Dit is ’n beraamde 30% verhoging in die nuwe druk van materiaal vir tien vakke en wat insluit rekeningkunde, landbou, Engels, ekonomie, ontwikkelingstudies, wiskunde, fisiese wetenskap, sakestudies en geskiedenis. Dit sal lei tot sowat 49 000 studiepakette wat beskikbaar is vir ’n bykomende 20 000 leerlinge by Namcol-sentrums oraloor in die land.

“Die kollege het begroot vir ’n scenario waar die boeke nie genoeg mag wees nie en het ’n opsie vir selfstudie bekendgestel wat net sal begin wanneer al die materiaal op is. Onder hierdie opsie sal leerlinge sagte kopieë van die materiaal ontvang en minder vir inskrywings betaal,” het Murangi gesê.

Hy het beklemtoon registrsie gaan voort ten spyte van die tekort aan gedrukte materiaal. Leerlinge sal toegelaat word om sonder materiaal te registreer. Wanneer die gedrukte materiaal beskikbaar is, sal hulle die studiemateriaal ontvang en voortgaan met hul akademiese aktiwiteite. Die plan volgens hom is dat alle leerlinge teen 31 Maart vanjaar hul materiaal ontvang het.

Namcol bied vanjaar die ou graad 12-leerplan saam met die nuwe graad 11-leerplan aan om leerlinge te akkommodeer wat die ou graad 12-leerplan wil voltooi voordat dit uitfasseer word. Die nuwe leerplan word geleidelik in formele skole bekendgestel. - Nampa

Soortgelyk

 

Hoërskool Rehoboth gesluit tot ná Paasnaweek

4 ure gelede | Onderwys

Hoërskool Rehoboth is vanaf vandag tot Dinsdag 6 April gesluit. Volgens die bestuur van die skool sal dié tyd gebruik word om die skoolperseel deeglik...

Robberts bly in aanhouding

15 ure gelede | Howe

Erwin Leuschner – Die 36-jarige mnr. Daniel (Danie) Robberts bly in aanhouding nadat hy na bewering sy vriend, mnr. Thomas Frederick (Frikkie) van Schalkwyk (69),...

Inentings: Namibiërs wag en kyk

15 ure gelede | Gesondheid

Henriette Lamprecht – ’n Wag-en-kyk-benadering en voorkeur vir spesifieke entstowwe is van die redes vir die trae reaksie tot die ministerie van gesondheid en maatskaplike...

Living a purposeful life

15 ure gelede | Mense

Rivaldo Kavanga“I would advise the youth to relentlessly go after whatever they desire unlimited. In pursuit of long-term gains and not short term rather.” Ndakondja...

Weer vir 30 Maart 2021

15 ure gelede | Weer

BINNELAND: Gedeeltelik bewolk en warm in die verre suide en die Zambezi-streek. Elders gedeeltelik bewolk en warm met verspreide donderbuie. Wyd verspreide donderbuie in die...

Huishoudelike geweld gedy in Kavango-Wes

15 ure gelede | Misdaad

Die naweek is drie sake van huishoudelike geweld in die Kavango-Wesstreek by die polisie aanhangig gemaak. Vrydag om 05:00 het ’n 36-jarige man in die...

Running for those who can’t

15 ure gelede | Skole

In honour of cerebral palsy awareness month and as part of a school project, four learners from Windhoek Afrikaanse Privaatskool ran with children, parents and...

Windhoek kry eie ekonomiese plan

15 ure gelede | Regering

Augetto Graig – Die burgemeester van Windhoek, dr. Job Amupanda, sê die regering moenie terugstaan sodat die private sektor die nasie tot werkskepping en ekonomiese...

Ending the double shift system at schools

15 ure gelede | Onderwys

Rivaldo KavangaBet-el Primary School on Friday, 26 March 2021 received three classroom blocks and a storeroom from The Craton Foundation. The classrooms were donated to...