'n Mal jaar wag vir onderwys
JOHN FREDERICKS SKRYF:
Die grootste absurditeit en uitdaging van volgende jaar is die feit dat baie skoliere in graad 11 en diegene in graad 12 die skool terselfdertyd gaan verlaat.
Dit beteken, sou die skooljaar vir matriekleerlinge teen November 2020 tot 'n einde kom, gaan dit ook vir die meeste graad 11's geld. Dit beteken dat twee stelle eksterne eksamens opgestel, gemodereer en nagesien moet word vir grade 11 en 12.
Skole het huidiglik nie genoeg spasie om een eksterne eksamen te hanteer nie, hoeveel meer twee eksamens met getalle van leerlinge in graad 11 wat veel meer is as leerlinge in graad 12.
Die direktoraat van eksamens en evaluering sal seker nie alle eksterne merkers na 'n sentrale plek uitnooi vir die merk van antwoordstelle nie, want dit op sy eie is 'n logistieke nagmerrie. Dink net hoe die afwesigheid van merkers by hul skole die normale funksionering van skole kan ontwrig, met gepaardgaande dissiplinêre probleme.
As ons van die veronderstelling uitgaan dat die graad 11-antwoordskrifte in die onderskeie streke gemerk gaan word, kan mens jou net die geweldige finansiële las voorstel wat dit op die streke gaan plaas, want dan sal die streeksrade moet voorsien in behoeftes van die merkers. Ander uitdagings sal wees die voorsiening van lokale in die streke wat groot getalle merkers kan akkommodeer, en die hele proses moet gesinkroniseer word, sodat die geloofwaardigheid van die eksterne eksamens nie in die weegskaal beland nie.
Sou die besluit wees om die eksterne eksamens in graad 11 te sentraliseer, kan die jaar 2020 'n baie interessante jaar vir die direktoraat inhou. Wat beteken hierdie sameloop van die graad 11- en 12-eksamens vir skole? Beteken dit nou dat twee matriekafskeide deur die skole gereël moet word, beteken dit dat ouers wat kinders in graad 11 en 12 het spesiaal meer moet uithaal en wys?
Kan die tersiêre instellings die verdubbelde invloei van studente vir 2021 hanteer, om nie die aansoeke vir beurse en finansiële ondersteuning te noem nie? Wat van die arbeidsmark, as net meer as 800 werksgeleenthede in 2019 geskep was en die raming is dat meer as 20 000 die graad 11- en 12-eksamens gaan aflê.
Die spasie hier is te min om my bekommernisse oor al die uitdagings breedvoerig uiteen te sit, maar ek is hoopvol dat die direktoraat en die twee betrokke ministeries, betrokke instellings, skole en ouers gerat en geolie is vir die jaar 2020 . . .
(Republikein het in Desember 2018 en Januarie 2019 uitvoerig oor baie van die vraagstukke berig. - Redakteur)
Die grootste absurditeit en uitdaging van volgende jaar is die feit dat baie skoliere in graad 11 en diegene in graad 12 die skool terselfdertyd gaan verlaat.
Dit beteken, sou die skooljaar vir matriekleerlinge teen November 2020 tot 'n einde kom, gaan dit ook vir die meeste graad 11's geld. Dit beteken dat twee stelle eksterne eksamens opgestel, gemodereer en nagesien moet word vir grade 11 en 12.
Skole het huidiglik nie genoeg spasie om een eksterne eksamen te hanteer nie, hoeveel meer twee eksamens met getalle van leerlinge in graad 11 wat veel meer is as leerlinge in graad 12.
Die direktoraat van eksamens en evaluering sal seker nie alle eksterne merkers na 'n sentrale plek uitnooi vir die merk van antwoordstelle nie, want dit op sy eie is 'n logistieke nagmerrie. Dink net hoe die afwesigheid van merkers by hul skole die normale funksionering van skole kan ontwrig, met gepaardgaande dissiplinêre probleme.
As ons van die veronderstelling uitgaan dat die graad 11-antwoordskrifte in die onderskeie streke gemerk gaan word, kan mens jou net die geweldige finansiële las voorstel wat dit op die streke gaan plaas, want dan sal die streeksrade moet voorsien in behoeftes van die merkers. Ander uitdagings sal wees die voorsiening van lokale in die streke wat groot getalle merkers kan akkommodeer, en die hele proses moet gesinkroniseer word, sodat die geloofwaardigheid van die eksterne eksamens nie in die weegskaal beland nie.
Sou die besluit wees om die eksterne eksamens in graad 11 te sentraliseer, kan die jaar 2020 'n baie interessante jaar vir die direktoraat inhou. Wat beteken hierdie sameloop van die graad 11- en 12-eksamens vir skole? Beteken dit nou dat twee matriekafskeide deur die skole gereël moet word, beteken dit dat ouers wat kinders in graad 11 en 12 het spesiaal meer moet uithaal en wys?
Kan die tersiêre instellings die verdubbelde invloei van studente vir 2021 hanteer, om nie die aansoeke vir beurse en finansiële ondersteuning te noem nie? Wat van die arbeidsmark, as net meer as 800 werksgeleenthede in 2019 geskep was en die raming is dat meer as 20 000 die graad 11- en 12-eksamens gaan aflê.
Die spasie hier is te min om my bekommernisse oor al die uitdagings breedvoerig uiteen te sit, maar ek is hoopvol dat die direktoraat en die twee betrokke ministeries, betrokke instellings, skole en ouers gerat en geolie is vir die jaar 2020 . . .
(Republikein het in Desember 2018 en Januarie 2019 uitvoerig oor baie van die vraagstukke berig. - Redakteur)
Kommentaar
Republikein
Geen kommentaar is op hierdie artikel gelaat nie