'n Liefdesgedig aan bedreigde spesies

15 October 2021 | Byvoegsels
Yandi du Plessis

Wilde Kind se vollengte studio-album Omhanda is gister op alle stromingsplatforms uitgereik.

“Omhanda” is die Oshiwambo-woord vir renoster.

“Renosters is spesiaal vir Namibië en die wêreld. Hulle loop al miljoene jare op dié aarde rond en vorm ’n belangrike deel van 'n gesonde ekosisteem. Tog veg hierdie magtige dier nou vir sy voortbestaan en het 'n teken van bewaring oraloor die wêreld geword. Ongelukkig is die renoster nie die enigste dier wie se voortbestaan bedreig word nie,” vertel die groep.

Dié snit is ’n ode aan die diere soos die renoster, olifant, ietermago en vele meer - wat deur uitsterwing in die gesig gestaar word as gevolg van mense se gedrag en onwilligheid om in te gryp.

Die blaasinstrument-gedeelte van die liedjie is geskep om die trompetter-geluide van olifante na te maak, terwyl die stemme van die kinderkoor die onskuld weerspieël van 'n spesie wat deur uitsterwing bedreig word, sowel as ’n gevoel van hoop en ’n pleidooi om die natuurlike wêreld vir toekomstige geslagte te bewaar en te beskerm.

Wilde Kind se nuwe album, vernoem na dié snit, is 'n huldeblyk aan die huis en die natuur. Die stigter en hart van die groep, die Namibies-gebore sanger en kitaarspeler Danella Smith, het die meeste van die snitte op Omhanda neergepen. Sy het twee huise: haar geboorteland en haar huidige tuisbasis, Den Haag in Nederland. Haar liedjies weerspieël haar liefde vir en kommer oor die toestand van die natuur in Afrika en die wêreld.

Haar liefde vir reën (die snit “Liquid Sunshine”) en eindelose padavonture deur die woestyn (“Lost the Sunscreen”) aan die een kant, en sosiopolitieke kwessies soos stropery (“Omhanda”) en wêreldwye konflikte (“Earth for Sale”) aan die ander kant, sorg vir 'n uiteenlopende reeks luisterervarings.

Luisteraars word op ’n reis deur baie verskillende emosies en plekke geneem - en dít in ’n mengsel van drie tale: Engels, Afrikaans en Oshiwambo.

WIE IS WILDE KIND?

Wilde Kind se lirieke en komposisies word sterk deur Danella se Namibiese erfenis beïnvloed. Die melodieë en klanke verpersoonlik 'n unieke Afrika-gees.

Die “wilde kinders” sê hulle wil 'n “onafhanklike produk” skep – van die produksie tot die ontwerp van die omslag. Wilde Kind beskou hulself as 'n groep kunstenaars wat die kreatiwiteit van die lede van die groep se agt verskillende nasionaliteite kombineer.

Die groep bestaan uit lede van Namibië, Spanje, Engeland, Duitsland, Nederland, Estland, Frankryk en Ecuador.

Die meeste van Wilde Kind se liedjies kombineer elemente van alternatiewe folk, indie rock en melancholiese klanke.

Danella se lirieke is waaghalsig en betekenisvol; huidige sosiopolitieke kwessies vind 'n plek in haar komposisies, maar ook haar liefde vir die natuur en haar nostalgie vir haar vaderland. Sommige liedjies is in Engels geskryf en ander in Afrikaans.

Ten spyte van haar gelukkige lewe in haar nuwe tuiste, het Danella nie haar Afrika-wortels agterweë gelaat nie. In haar liedjies neem sy haar gehoor gereeld op 'n nostalgiese reis van die Namibiese natuur en kultuur.

Soortgelyk

 

Amutse wins 2021 Bank Windhoek Doek Literary Visual Arts...

5 ure gelede | Mense

Monique AdamsBorn in Walvis Bay, Namafu Amutse attended Immanuel Ruiters primary school. She then moved to Swakopmund in 2007 and attended Swakopmund Primary School.Amutse completed...

Weer vir 30 November 2021

5 ure gelede | Weer

BINNELAND: Sonnig en warm tot baie warm in die Suide. Elders gedeeltelik bewolk en warm tot baie warm met enkele tot geïsoleerde donderbuie in die...

PHOTO OF THE WEEK:

5 ure gelede |

Siku Investments, together with Bank Windhoek as part of the Cancer Apple Project, donated over 50 apples to the Children of Hope Village. Siku investments...

Nust marine engineering students seek over N$3 million

5 ure gelede | Onderwys

Enzo AmueleA group of 16 students in a marine engineering degree programme at the University of Science and Technology (NUST) in partnership with a Finnish...

NDP deel lang lys griewe met parlement

5 ure gelede | Regering

‘n Klagskrif is aan die Speaker gerig waarin die Nasionale Demokratiese Party (NDP) in die Zambezistreek versoek verdere gesprekke oor toegewing in verband met aborsie...

Swakopmunders skuld meer as N$100 miljoen

5 ure gelede | Regering

Erwin Leuschner Inwoners van Swakopmund skuld die munisipaliteit meer as N$100 miljoen. Dié syfer is die afgelope Donderdag tydens die dorpsraad se laaste vergadering vir...

200 more in need

5 ure gelede |

Jeanette DiergaardtOruua Primary School at Ovitoto recently received a donation worth N$60 000 from the Ohlthaver and List (O&L) group of companies through one of...

Investing for the greater good

5 ure gelede | Onderwys

Monique AdamsThe Maltas Club Namibia celebrated its 10th anniversary on 11 March this year. The core mandate of the Maltas Club is premier student learning...

Gevangenes met lewenslange tronkstraf soek hul vryheid

5 ure gelede | Ministeries

Jana-Mari SmithDrie mans wat lang gevangenisstraf – waaronder lewenslange – opgelê is, voer ’n stryd om op borgtog vrygelaat te word nadat hulle meer as...