Nóú gaan Blitsbokke têkkel
Sewesrugby
Leighton Koopman - Die Springbok-sewesspan wil met rotsvaste verdediging seker maak dat hulle 'n beker of twee wen in Wêreldrugby se sewestoernooie in Australasië wat komende naweek begin.
Die Blitsbokke sal die naweek in Hamilton, Nieu-Seeland, die eerste kans kry om te wys dat hul ietwat triestige verdediging van verlede jaar iets van die verlede is en dat hulle in hul voorbereiding vir dié toernooi daadwerklik aandag aan verdediging gegee het.
Die Blitse het derde in Kaapstad geëindig, maar swak individuele verdediging teen Nieu-Seeland en Fidji het hulle duur te staan gekom in dié toernooi.
Die statistiek van Wêreldrugby wys egter dat die Blitse in Werner Kok en die kaptein, Philip Snyman, twee van die voorste verdedigers in die reeks het.
Tog het Neil Powell, die Blitsbok-afrigter, aan Rapport gesê daar is sedert die Kaapstad-sewes hard aan hul verdediging in spanverband gewerk om dit weer op die vlak te kry wat hulle voorheen gehandhaaf het.
“Ons het nog te maklik drieë afgestaan in Kaapstad en ons wil dit regstel,” het Powell gesê.
“Veral met daardie drieë teen Fidji en Nieu-Seeland. As ons 'n rapsie beter speel as in Kaapstad, sal ek gelukkig wees met die span se vertoning.”
Powell sê hy het ook nie nodig gehad om sy spelers te motiveer toe hulle van hul vakansie teruggekom het nie. Volgens hom weet die span dat hy nie presteer het in die eerste twee toernooie soos hy kan nie. Dit het die spelers gretig gemaak om terug op die veld te kom.
Behalwe vir Cecil Afrika en Mfundo Ndhlovu wat beseer is, en Rosko Specman wat na die Bulle geskuif het, het Powell 'n volsterkte groep gehad waaruit hy kon kies.
“Die ouens wil wys waartoe die span in staat is. Wat ek in Hamilton wil sien, is dat hulle wys hulle kan beter doen as in Kaapstad. As ons moontlik beter gedoen het in Kaapstad, sou dit dalk die ouens 'n bietjie vals sekuriteit gegee het voor die volgende toernooi.
“Ons het egter nog baie om aan te werk as 'n span. As ons beter in Kaapstad gevaar het, sou ons dalk gevoel het daar is sekere goed in ons spel waaraan ons nie hoef aandag te gee nie. Die nederlae het ons ekstra motivering gegee om 'n bietjie dieper na onsself te kyk.”
Die veelsydige Stedman Gans vervang Ndhlovu in die span nadat laasgenoemde aanvanklik ingesluit is, maar toe 'n besering opgedoen het.
Selvyn Davids het ook van 'n besering herstel en vervang vir Specman. Die strydros Chris Dry is ook terug in die span nadat hy heeltemal van 'n besering herstel het.
“Ek is teleurgesteld vir Mfundo. Hy wys potensiaal en ek bly dit sê, maar hy kom net nie daarby uit om 'n regverdige kans te kry nie. So ek is hartseer vir sy onthalwe ook. Hy het hard gewerk sedert 'n besering verlede jaar en goed vertoon in Dubai (vir die Blitse se uitnodigingspan).
“Hy het daardie vernuf om spanne te verras op die aanval, veral met sy voetwerk en sy manier van speel. Ek wou hom toets in die Wêreldreeks.”
Die Blitsbokke pak Kenia (23:22, Vrydag), Frankryk (Saterdag, 03:10) en Skotland (07:22) in die groepfase in Hamilton.
Die Suid-Afrikaners is oorgehaal om te vergoed die stadige begin wat hulle in die seisoen se reeks gehad het.
Die Springbok-sewesspan vir Hamilton: Chris Dry, Philip Snyman (k), Impi Visser, Zain Davids, Werner Kok, Kyle Brown, Branco du Preez, Selvyn Davids, Justin Geduld, Dewald Human, Siviwe Soyizwapi, Stedman Gans. Plaasvervanger: JC Pretorius.
- Rapport
Die Blitsbokke sal die naweek in Hamilton, Nieu-Seeland, die eerste kans kry om te wys dat hul ietwat triestige verdediging van verlede jaar iets van die verlede is en dat hulle in hul voorbereiding vir dié toernooi daadwerklik aandag aan verdediging gegee het.
Die Blitse het derde in Kaapstad geëindig, maar swak individuele verdediging teen Nieu-Seeland en Fidji het hulle duur te staan gekom in dié toernooi.
Die statistiek van Wêreldrugby wys egter dat die Blitse in Werner Kok en die kaptein, Philip Snyman, twee van die voorste verdedigers in die reeks het.
Tog het Neil Powell, die Blitsbok-afrigter, aan Rapport gesê daar is sedert die Kaapstad-sewes hard aan hul verdediging in spanverband gewerk om dit weer op die vlak te kry wat hulle voorheen gehandhaaf het.
“Ons het nog te maklik drieë afgestaan in Kaapstad en ons wil dit regstel,” het Powell gesê.
“Veral met daardie drieë teen Fidji en Nieu-Seeland. As ons 'n rapsie beter speel as in Kaapstad, sal ek gelukkig wees met die span se vertoning.”
Powell sê hy het ook nie nodig gehad om sy spelers te motiveer toe hulle van hul vakansie teruggekom het nie. Volgens hom weet die span dat hy nie presteer het in die eerste twee toernooie soos hy kan nie. Dit het die spelers gretig gemaak om terug op die veld te kom.
Behalwe vir Cecil Afrika en Mfundo Ndhlovu wat beseer is, en Rosko Specman wat na die Bulle geskuif het, het Powell 'n volsterkte groep gehad waaruit hy kon kies.
“Die ouens wil wys waartoe die span in staat is. Wat ek in Hamilton wil sien, is dat hulle wys hulle kan beter doen as in Kaapstad. As ons moontlik beter gedoen het in Kaapstad, sou dit dalk die ouens 'n bietjie vals sekuriteit gegee het voor die volgende toernooi.
“Ons het egter nog baie om aan te werk as 'n span. As ons beter in Kaapstad gevaar het, sou ons dalk gevoel het daar is sekere goed in ons spel waaraan ons nie hoef aandag te gee nie. Die nederlae het ons ekstra motivering gegee om 'n bietjie dieper na onsself te kyk.”
Die veelsydige Stedman Gans vervang Ndhlovu in die span nadat laasgenoemde aanvanklik ingesluit is, maar toe 'n besering opgedoen het.
Selvyn Davids het ook van 'n besering herstel en vervang vir Specman. Die strydros Chris Dry is ook terug in die span nadat hy heeltemal van 'n besering herstel het.
“Ek is teleurgesteld vir Mfundo. Hy wys potensiaal en ek bly dit sê, maar hy kom net nie daarby uit om 'n regverdige kans te kry nie. So ek is hartseer vir sy onthalwe ook. Hy het hard gewerk sedert 'n besering verlede jaar en goed vertoon in Dubai (vir die Blitse se uitnodigingspan).
“Hy het daardie vernuf om spanne te verras op die aanval, veral met sy voetwerk en sy manier van speel. Ek wou hom toets in die Wêreldreeks.”
Die Blitsbokke pak Kenia (23:22, Vrydag), Frankryk (Saterdag, 03:10) en Skotland (07:22) in die groepfase in Hamilton.
Die Suid-Afrikaners is oorgehaal om te vergoed die stadige begin wat hulle in die seisoen se reeks gehad het.
Die Springbok-sewesspan vir Hamilton: Chris Dry, Philip Snyman (k), Impi Visser, Zain Davids, Werner Kok, Kyle Brown, Branco du Preez, Selvyn Davids, Justin Geduld, Dewald Human, Siviwe Soyizwapi, Stedman Gans. Plaasvervanger: JC Pretorius.
- Rapport
Kommentaar
Republikein
Geen kommentaar is op hierdie artikel gelaat nie