‘n Eeu se passie vir Namibië, sy mense

Nie deur mislukkings ontmoedig

21 October 2019 | Gebeure
Hoofredaksie – Vandag, presies ‘n honderd jaar gelede, was daar ‘n advertensie in Republikein se susterkoerant Allgemeine Zeitung, wat die stigting van Ohlthaver & List in die hedendaagse Namibië aangekondig het.

‘n Eeu later verskaf dié Namibiese gediversifiseerde reus werk aan meer as 6 200 mense in verskillende sektore en tel suksesverhale soos Namibia Breweries, Namibia Dairies, Hangana, Broll Namibia, Wernhil en O&L Leisure Hotels and Lodges onder die groep se maatskappye.

“Ons het dit als beleef – sukses en mislukkings, hoogte- én laagtepunte, vieringe en krisisse, álles. Maar die een ding wat ons nooit gedoen het nie was tou opgooi,” het mnr. Sven Thieme, uitvoerende voorsitter van die O&L-groep, Woensdagaand tydens ‘n glansdinee ter viering van die jongste mylpaal in Windhoek gesê.

Thieme het die O&L-leisels in 2002 by sy oupa, wyle mnr. Werner List, oorgeneem. List het in 1964 die bestuur by die medestigter van die groep, Carl List, oorgeneem.

Volgens Thieme lê O&L se wenresep in sy mense: Hul “go-getter”-houding, hul geloof in mekaar en hul toewyding aan die groep, hul families en gemeenskap en hul “pragtige land”.

“Ons werknemers – ons kosbaarste bate – was nog altyd ons krag en die ruggraat van ons maatskappy,” het hy gesê.

Die afgelope eeu het O&L met ywer en passie, doelgerig, as ‘n eenheid en onverpoos sy teiken, “Creating a future, enhancing life”, nagejaag.

Vir O&L lê nog baie verjaardae, baie suksesverhale en baie prestasies voor, het Thieme gesê. Diegene wat groot droom, bereik groot hoogtes.

“Kom ons stop onsself nie om te droom nie. Kom ons wees nie met minder tevrede nie. Kom ons beperk onsself nie tot die konvensionele nie en kom ons laat nie toe dat mislukkings ons ontmoedig nie,” was Thieme se boodskap.

Gelukwensinge

Veteraanbesighede in Namibië het O&L met sy verjaardag gelukgewens.

“As een van die oudste maatskappye in Namibië wat steeds vandag bestaan, wil ons by Wecke & Voigts die List-familie, bestuur en werknemers van die hele O&L-groep met sy 100ste verjaardag gelukwens,” het me. Adriane Jandrell, ‘n direkteur van Wecke & Voigts, gesê.

Dit is ‘n groot prestasie vir almal en Wecke & Voigts wens O&L net die beste vir die volgende eeu toe. “Mag ons almal vir nog baie jare in pragtige Namibië floreer,” het Jandrell gesê.

Mnr. Jesko Woermann, besturende direkteur van Woermann Brock, het O&L se eeu as ‘n “fantastiese prestasie” beskryf.

“WB sal voortgaan en kragte met plaaslike maatskappye saamsnoer om ‘n wonderlike toekoms vir Namibië te bou,” het Woermann gesê.

“Van een leier aan ‘n ander, baie geluk,” was mnr. Ekkerd van Wyk, besturende direkteur van Pupkewitz Motors, se boodskap.

Pupkewitz Megabuild het ook geluk gesê.

“Ons wens julle voortgesette sukses met die viering van dié merkwaardige mylpaal.”

Die Metje + Zeigler-groep se gelukwensinge het ‘n boodskap van waardering vir hul sakeverhouding met O&L ingesluit.

Soortgelyk

 

Vol ambulans bots teen bees

3 ure gelede | Ongelukke

Drie staatspasiënte is vanoggend lig beseer toe ‘n ambulans van die ministerie van gesondheid en maatskaplike dienste ‘n bees op die hoofpad tussen Otavi en...

Miljoene gevra ná ongeluk leerling eis

14 ure gelede | Howe

Henriette Lamprecht – Die ouers van ’n matriekleerling wat in 2016 in ’n motorongeluk dood is en waarin haar vriend ernstig beseer is, dagvaar...

VERKIESINGS 2019: PRESIDENSIËLE KANDIDATE

14 ure gelede | Politiek

Bernardus SwartbooiLandless People's Movement (LPM) Bernardus Clinton Swartbooi het weggebreek van Swapo toe hy in 2017 weens kritiek teen die regering gedwing is om as...

Weer vir 11 November 2019

14 ure gelede | Weer

BINNELAND: Gedeeltelik bewolk en baie tot bloedig warm met enkele tot geïsoleerde donderstorms in die Noorde, Noordooste en oostelike dele. Elders sal dit gedeeltelik bewolk...

Namibië, China se band opnuut gekap

14 ure gelede | Regering

Denver Kisting – Pres. Hage Geingob loop veral in die sosiale media deur nadat China se premier, me. Sun Chunlan, gesê het dié land en...

‘Gevaarlike’ man ná vyf dae aangekeer

14 ure gelede | Misdaad

Denver Kisting – Vyf dae nadat ’n man onder polisiebewaking uit ’n hospitaal verdwyn het, is mnr. San Ricky Geingob weer agter tralies.Hoofinsp. Kauna Shikwambi,...

‘Jagter’ se prokureur onttrek

14 ure gelede | Misdaad

Francoise Steynberg - Die sogenaamde jagter wat daarvan beskuldig word dat sy ’n Britse joernalis tydens ’n jag- en visvangsafari ingeloop het, se regsverteenwoordiger het...

Tragedie tref toergroep

14 ure gelede | Ongelukke

Iréne-Mari van der Walt op Swakopmund - Altesaam 34 Duitse toeriste se Namibiese reis is kortgeknip ná hul “Rotel”-bus aan die brand geslaan het.Die bus...

VERKIESINGS 2019: GRONDHERVORMING, LANDBOU EN DIE KLIMAAT

14 ure gelede | Politiek

In die reeks neem ons politieke partye se manifeste in oënskou wat sekere sleutelkwessies betref.ALL PEOPLE’S PARTY (APP)• Vergoeding vir volksmoorde en hervestiging van die...