Musiektoer herdenk epiese seilvaart 500 jaar gelede
Namibiërs kon deel in die vreugde van ’n wêreldmusiektoer ter ere van 500 jaar sedert die eerste seilvaart om die wêreld.
Ronelle Rademeyer - Op 20 Julie vanjaar het die mensdom die maanlanding 50 jaar gelede gedenk.
Op 20 September vanjaar gaan die wêreld besin oor die grensverskuiwende seilvaart 500 jaar gelede toe die Portugese seevaarder Fedinand Magellaan met sy vloot seilskepe die eerste mens geword het wat dit reggekry het om rondom die aarde te vaar.
Namibiërs het verlede week die voorreg gehad om te deel in dié vreugde deur gaste te wees by ’n musiekkonsert om hierdie geskiedkundige mylpaal te vier.
Die beroemde Spaanse kitaarspeler Rafael Serrallet, wat al in 80 lande op sewe vastelande opgetree het, het gaste by die Spaanse ambassade in Windhoek, asook op Swakopmund in die lesingsaal by die museum met sy musiek trakteer.
Met die maanlanding kon ’n reusespan wetenskaplikes met wiskundige presisie beplan waarheen hulle gaan en hoe hulle daar sou kom. En hulle kon met die aarde kommunikeer. Toe Magellaan se vyf klein houtskepe, waarvan die meeste ongeveer 21 meter lank was, Spanje in 1519 verlaat het, was die omstandighede totaal onseker. Hulle het alleen die onbekende ingevaar.
Magellaan se reise word beskou as van die dapperste en moedigste skeepvaartprestasies in die tyd van die Groot Ontdekkings.
Magellaan, wat in 1480 in die noorde van Portugal gebore is, was as seevaarder gretig om te doen wat Christopher Columbus nie kon regkry nie, naamlik om weswaarts na die Ooste te seil omdat hy gemeen het sal korter wees as die oostelike roete om die suidpunt van Afrika.
Hy het finansiële steun nodig gehad en omdat hy en koning Manuel van Portugal nie om dieselfde vuur gesit het nie, was sy hoop op Spanje gerig.
Hy het gedoen wat Columbus self ’n paar jaar vroeër gedoen het, en die koning van Spanje, Karel I, gevra om sy beskermheer te wees.
Oor oopgespreide kaarte het hy sy argumente aan die Spaanse heerser voorgelê, wat baie belangstel het in Magellaan se westelike roete na die Spesery-eilande.
Daarom het Karel I vir Magellaan vyf ou skepe gegee om vir die ekspedisie te herstel, hom kaptein-generaal gemaak en hom ’n deel van die wins van die speserye beloof wat hy sou terugbring.
Magellaan het dadelik aan die werk gespring. Aangesien koning Manuel hard probeer het om die projek te saboteer, het dit langer as ’n jaar geduur voor sy vloot gereed was vir die epiese reis.
Op 20 September 1519 vertrek die San Antonio, Concepción, Victoria, Santiago en Magellaan se vlagskip, die Trinidad, en vaar na Suid-Amerika.
Dit is Magellaan se moed en durf wat Serrallet met sy musiektoer na Namibië en ander lande vereer.
Daarom was die eerste deel van die konsert gewy aan die liedere wat die seevaarders vir ontspanning aan boord sou sing, saam met musiek uit al die lande waarvan die bemanning van die ekspedisie afkomstig was.
Die tweede deel van die konsert was ‘n huldeblyk aan Spaanse musiek.
Serrallet se wêreldtoer word deur die Spaanse ministerie van kultuur geborg.
Op 20 September vanjaar gaan die wêreld besin oor die grensverskuiwende seilvaart 500 jaar gelede toe die Portugese seevaarder Fedinand Magellaan met sy vloot seilskepe die eerste mens geword het wat dit reggekry het om rondom die aarde te vaar.
Namibiërs het verlede week die voorreg gehad om te deel in dié vreugde deur gaste te wees by ’n musiekkonsert om hierdie geskiedkundige mylpaal te vier.
Die beroemde Spaanse kitaarspeler Rafael Serrallet, wat al in 80 lande op sewe vastelande opgetree het, het gaste by die Spaanse ambassade in Windhoek, asook op Swakopmund in die lesingsaal by die museum met sy musiek trakteer.
Met die maanlanding kon ’n reusespan wetenskaplikes met wiskundige presisie beplan waarheen hulle gaan en hoe hulle daar sou kom. En hulle kon met die aarde kommunikeer. Toe Magellaan se vyf klein houtskepe, waarvan die meeste ongeveer 21 meter lank was, Spanje in 1519 verlaat het, was die omstandighede totaal onseker. Hulle het alleen die onbekende ingevaar.
Magellaan se reise word beskou as van die dapperste en moedigste skeepvaartprestasies in die tyd van die Groot Ontdekkings.
Magellaan, wat in 1480 in die noorde van Portugal gebore is, was as seevaarder gretig om te doen wat Christopher Columbus nie kon regkry nie, naamlik om weswaarts na die Ooste te seil omdat hy gemeen het sal korter wees as die oostelike roete om die suidpunt van Afrika.
Hy het finansiële steun nodig gehad en omdat hy en koning Manuel van Portugal nie om dieselfde vuur gesit het nie, was sy hoop op Spanje gerig.
Hy het gedoen wat Columbus self ’n paar jaar vroeër gedoen het, en die koning van Spanje, Karel I, gevra om sy beskermheer te wees.
Oor oopgespreide kaarte het hy sy argumente aan die Spaanse heerser voorgelê, wat baie belangstel het in Magellaan se westelike roete na die Spesery-eilande.
Daarom het Karel I vir Magellaan vyf ou skepe gegee om vir die ekspedisie te herstel, hom kaptein-generaal gemaak en hom ’n deel van die wins van die speserye beloof wat hy sou terugbring.
Magellaan het dadelik aan die werk gespring. Aangesien koning Manuel hard probeer het om die projek te saboteer, het dit langer as ’n jaar geduur voor sy vloot gereed was vir die epiese reis.
Op 20 September 1519 vertrek die San Antonio, Concepción, Victoria, Santiago en Magellaan se vlagskip, die Trinidad, en vaar na Suid-Amerika.
Dit is Magellaan se moed en durf wat Serrallet met sy musiektoer na Namibië en ander lande vereer.
Daarom was die eerste deel van die konsert gewy aan die liedere wat die seevaarders vir ontspanning aan boord sou sing, saam met musiek uit al die lande waarvan die bemanning van die ekspedisie afkomstig was.
Die tweede deel van die konsert was ‘n huldeblyk aan Spaanse musiek.
Serrallet se wêreldtoer word deur die Spaanse ministerie van kultuur geborg.
Kommentaar
Republikein
Geen kommentaar is op hierdie artikel gelaat nie