Mthalane wen, ongeag blaps met 'Die Stem'

15 May 2019 | Sport
Michael Green - Moruti Mthalane se afrigter was Maandagaand “geskok” toe hy hoor dat die ou Suid-Afrikaanse volkslied voor sy bokser se wêreldtitelgeveg in Tokio gespeel word.

Mthalane was egter só gefokus op die geveg dat hy dit glo nie eens gehoor het nie.

Die 36-jarige Mthalane het sy vlieggewigtitel van die Internasionale Boksfederasie (IBF) behou deur Masayuki Kuroda in die Korakuen-saal met punte oor 12 rondes te verslaan.

“Ek was ietwat geskok,” sê Colin Nathan, Mthalane se afrigter én bestuurder, op sy Facebookblad oor die voorval waarin “Die Stem” en nie “Nkosi Sikelel'iAfrika” nie, gespeel is.

Die verkeerde volkslied het Mthalane egter nie van stryk gebring nie.

Hy het Kuroda al in die vierde ronde met 'n paar harde houe geskud.

In die vyfde ronde het hy 'n sny bo die Japanner se regteroog oopgeslaan.

In die laaste paar rondes het Kuroda verskeie desperate aanvalle geloods, want hy het besef dat hy ver agter op punte was.

Twee beoordelaars het die geveg met 116-112 aan Mthalane toegeken met nog een wat gereken het hy het selfs verder, met 117-111, gewen.

“Kuroda het nie gaan lê nie. Hy wou die titel hê en het sy beste gelewer,” het die beskeie Mthalane aan die Japan Times gesê.

Dit was die tweede keer dat Mthalane sy titel suksesvol verdedig het.

Sy ondersteuners sal hom nou graag teen een van die drie ander top-beheerliggame se kampioene wil sien veg. Hy het nou reeds 38 gevegte gewen – 25 met uitklophoue – en net twee verloor.

Kosei Tanaka van Japan is die Wêreldboksorganisasie (WBO) se kampioen. Hy is 23 jaar oud en is onoorwonne ná 13 gevegte.

Hoewel hy nog nie baie gevegte in die beroepskryt gehad het nie, spog hy met oorwinnings oor top-boksers soos Ryoichi Taguchi en Sho Kimura.

Artem Dalakian van Armenië is die Wêreldboksvereniging (WBA) se ­titelhouer. Hy is onoorwonne ná 18 gevegte en spog met 13 uitklophoue. Hy verdedig sy titel in Junie teen Sarawat Thawornkham van Thailand.

Mthalane se maklikste opsie om nog 'n titel te wen, is dalk om Charlie Edwards, die Brit wat die Wêreld­boksraad (WBC) se kampioen is, te pak.

Die 26-jarige Edwards, wat 15 oorwinnings in 16 gevegte behaal het, is tegnies 'n skaflike bokser, maar hy stuur nie sommer sy teenstanders droomland toe met een hou nie.

– Netwerk24

Soortgelyk

 

Bank en depot sal nie sluit nie, sê Peya

2 minute gelede | Regering

Denver Kisting – Die minister van inligting en kommunikasietegnologie, dr. Peya Mushelenga (foto, Nampa), sê mnr. Knowledge Ipinge, raadslid van die Walvisbaai- stedelike kiesafdeling, het...

Namibië het nou 22 bevestigde Covid-19-gevalle

10 minute gelede | Gesondheid

Namibië se jongste bevestigde geval van Covid-19, geval nr. 22, is in 'n kritieke toestand en gekoppel aan 'n ventilator in 'n intensiewesorgeenheid aan die...

B-dag: Maak of breek

10 ure gelede | Regering

Jo-Maré Duddy – Dolleë staatskoffers eerder as hemelhoë besteding is waarskynlik finansminister Iipumbu Shiimi se grootste uitdaging wanneer hy vanmiddag Namibië se moeilikste begroting sedert...

Stigma jeens lorriedrywers kwel

10 ure gelede | Vervoer

Ronelle Rademeyer en Francoise Steynberg – Lorriedrywers wat Namibië van noodsaaklike lewensmiddele voorsien en seker maak produkte bly op winkelrakke, bevind hulle terselfdertyd aan die...

‘Hongerpandemie’ lê vir wêreld op loer

10 ure gelede | Byvoegsels

Ronelle RademeyerDie wêreld se ekonome en beleidmakers twyfel nie meer daaraan dat die wêreldekonomie weens die Covid-19-krisis in ’n resessie gedompel gaan word nie. Trouens,...

Weer vir 27 Mei 2020

10 ure gelede | Weer

BINNELAND: Koud aanvanklik, maar andersins gedeeltelik bewolk en matig in die Suide. Elders sal dit gedeeltelik bewolk en matig tot warm wees.KUS: Gedeeltelik bewolk en...

Polisie lê beslag op sestig bokse vol drank

10 ure gelede | Misdaad

Francoise Steynberg – Die Namibiese polisie het Maandag knap ná middernag in Pionierspark op 60 bokse drank beslag gelê.Drie verdagtes is in hegtenis geneem, het...

Chaos toe jonges op vulstasie afpyl

10 ure gelede | Ongelukke

Drie jong mans wie se name in dié stadium onbekend is, het op 23 Mei om 01:00 'n ongeluk by die Total-vulstasie in Outjo veroorsaak...

Stappe by Covid-drywer se stoppe

10 ure gelede | Gesondheid

Leandrea Louw en Denver Kisting – 'n Handelsbank op Walvisbaai wat 'n Covid-19-geval onlangs besoek het, sê hulle het die personeel van daardie dag vervang...