MTC in kryt oor geweld

Mobiele reus verdedig boks

15 October 2019 | Misdaad
Denver Kisting



Die mobiele telekommunikasiereus MTC is in die spervuur omdat hy boks gebruik het om geslagsgeweld te probeer beveg.

Bekende Namibiese mans, soos die motiveringspreker mnr. Sam Shivute en die grondaktivis mnr. Job Amupanda het mekaar Saterdag in Windhoek in die kryt gepak as deel van die MTC Knockout Project.

'n Onbekende vrou het die naweek in die sosiale media beweer haar minnaar en die pa van haar kinders het die boksgeleentheid saam met vriende by 'n kroeg op TV gaan kyk waarná hy haar tuis aangerand het.

Sy was deel van talle kritici wat gesê het MTC bevorder geweld met hul veldtog.

MTC het gister by monde van 'n woordvoerder, mnr. Fikameni Mathias, teen die kritiek walgegooi.

“MTC was nog nooit bang om die norme van die samelewing uit te daag nie en dié projek bewys dit. Ons sal vir lank debatteer oor of boks die regte manier is om die vlaag van geslagsgeweld te bestry,” sê hy.

Maar, sê Mathias, almal stem saam geslagsgeweld is 'n maatskaplike kwessie wat gepak moet word “en die begin van dié gesprek is net die begin van ons bydrae as 'n geheel”.

Die woordvoerder sê om 'n verandering teweeg te bring, moet iets gedoen word wat nog nooit vantevore probeer is nie.

“Moet nooit bang wees om die vreemde een te wees en dapper genoeg om onbekende gebiede te deurtrap om verandering aan te help nie.

“Die MTC Knockout Project is presies dit.”

Volgens hom was hul idee uit die staanspoor om bewusmaking te skep en 'n nasionale debat van stapel te stuur.

Hy sê voorts: “Boks is meer as net die somtotaal van sy kleurvolle metafore. Boks bou veerkragtigheid. Boks leer ons introspeksie, bou selfvertroue en vereis tog menslikheid. Dit neem geweldige moed (en vertroue) om te veg of om 'n opponent in die kryt in die oë te kyk.

“Ons kan nie dieselfde sê oor slagoffers van geslagsgeweld nie.”

Fikameni sê om iemand te lyf te gaan, is nie aanvaarbaar in 'n be­skaafde samelewing nie.

“Die enigste aanvaarbare plek is die kryt as jy die moed het om dit te doen.”

Hy sê dit is nie reg om te veronderstel sport, byvoorbeeld boks, kan nooit 'n verskil maak om geslagsgeweld hok te slaan nie.

“Die feit dat ons boks gebruik het, is weens sy gewildheid en die bywoning bewys dit.

“Die bedoeling was altyd om 'n gesprek aan die gang te sit.”

Hy sê hulle sal binne die volgende paar weke 'n aankondiging maak oor hoeveel geld dié geleentheid vir die saak geïn het.

- [email protected]

Soortgelyk

 

Laat koppe rol - Jooste, SPYL

8 ure gelede | Politiek

Catherine Sasman - Stemme uit die regerende party dring toenemend aan dat diegene wat beskuldig word van korrupsie onder sy geledere verwyder word.Nadat die beleërde...

Gertze skiet glo vrou

8 ure gelede | Misdaad

Henriette Lamprecht – Die uitvoerende hoof van die Namibiese Kwalifikasieowerheid (NQA) het die naweek agter tralies deurgebring nadat hy na bewering sy vrou Saterdag in...

Namibiërs betoog oor korrupsie

8 ure gelede | Plaaslik

Tanja Bause - Meer as 200 mense van alle rasse en ouderdomme het Vrydag deelgeneem aan ’n teenkorrupsie-optog in Windhoek wat deur aktiviste gereël is....

VERKIESINGS 2019: PRESIDENSIËLE KANDIDATE

8 ure gelede | Politiek

McHenry VenaaniPopular Democratic Movement (PDM)McHenry Venaani is die leier van die amptelike opposisie en het in 2014 as mees suksesvolle opposisiekandidat 44 271 stemme (sowat...

Weer vir 18 November

8 ure gelede | Weer

BINNELAND: Gedeeltelik bewolk en baie tot bloedig warm met 'n paar donderbuie oor die verre Noordooste, andersins gedeeltelik bewolk en warm tot baie warm. Winderige...

Buitelandse mediese studente: Eksamen nietig verklaar

8 ure gelede | Gesondheid

Henriette Lamprecht – Die jongste pre-internskapevaluering van 297 studente wat medies in die buiteland studeer het, is nietig verklaar. Die evaluering is op 27 September...

Passasiers gestrand ná Frankfurt-botsing

8 ure gelede | Vervoer

Ronelle Rademeyer - Dit is in hierdie stadium nie bekend wanneer Air Namibia se vlugte tussen Frankfurt in Duitsland en Windhoek sal hervat nie.Dit volg...

Die kwaliteit van verkiesings

8 ure gelede | Politiek

Christie Keulder – Gereëlde vry en regverdige verkiesings is die rugraat van enige demokrasie.Die kwaliteit van verkiesings is daarom onontbeerlik vir die konsolidering van nuwe...

VERKIESINGS 2019: Regeringstrukture en die staatsdiens

8 ure gelede | Politiek

Die reeks neem politieke partye se manifeste oor sleutelkwessies in oënskou.ALL PEOPLE’S PARTY (APP)• Sny die uitspattige salarisse van openbare ondernemings (SOE’s) se direksie, uitvoerende...