MTC en NPL se 'huwelik' op die rotse
Sokker
Andrew Poolman – MTC Namibia se geduld het eindelik opgedroog met die voortdurende tweespalt op administratiewe vlak wat klubsokker in die land van die wal af in die sloot gehelp het.
Die selfoonmaatskappy het amptelik die einde van sy multimiljoendollar borgskap aan die Namibië Premierliga (NPL) aangekondig, enkele dae nadat die NPL afgelope Saterdag ook as ’n lidorganisasie van die Namibiese Sokkervereniging (NFA) geskors is.
Vir sestien jaar was MTC die alleenborg van die NPL, nadat hy die voorafgaande vier jaar (vanaf 2002) saam met FNB Namibia en die Namibië Brouerye die premierliga as ’n konsortium begin borg het.
“MTC is trots daarop dat hy gedurende hierdie tydperk die groottotaal van N$168 miljoen op klubsokker in die land bestee het.
“Dit is ’n jammerlike einde wanneer ’n mens terugdink aan al die hoogtepunte, die ryke geskiedenis en hoe talent ontwikkel het. Talle spelers het vanuit die NPL aanbeweeg om by buitelandse beroepsklubs die land se naam verder uit te dra,” sê MTC se hoof van menslike kapitaal en korporatiewe sake, mnr. Tim Ekandjo.
In Maart vanjaar het MTC aangekondig dat hy nie sy langdurige verhouding met die NPL sou hernu sodra die huidige driejaarooreenkoms sy einde bereik nie. Die NPL-seisoen het toe nooit hervat nie en die borgskap wat vir die NPL begroot was, het gevolglik verval.
Ekandjo sê: “Julle sal onthou dat MTC reeds aangekondig het dat ons nie die kontrak met die NPL aan die einde van die seisoen sal hernu nie. Die huidige seisoen was veronderstel om in Mei 2020 te eindig. Nogtans was ons vrygewig en het die NPL ’n ekstyra vier maande grasie gegee om voor die einde van September 2020 die liga aan die gang te kry, óf die hele begroting te verbeur.
“Noudat die NPL amptelik deur die NFA geskors is en dus in wese nie meer bestaan nie, word enige ooreenkoms wat ons met die NPL gehad het, outomaties nietig.”
Op ’n vraag het Ekandjo bevestig dat die ooreenkoms daarmee heen is, ongeag die hangende uitslag van die NPL se saak wat by die Hof vir Arbitrasie in Sport (CAS) in Switserland aanhangig gemaak is.
Oor die voorgestelde “Superliga” as plaasvervanger vir die NPL, het Ekandjo gesê sy maatskappy weet niks meer hieroor as die praatjies wat in koerantberigte genoem is nie.
“Soos onlangs aangekondig, sal MTC voortgaan om in Namibiese sokker te belê by wyse van ons driejaarkontrakte as borg van die MTC Hopsol jeugliga, die Dr. Hage Geingob-bekerwedstryde asook die N$13.5 miljoen vir die volgende drie jaar se MTC NFA-beker uitklopreekse.”
Oor die NFA-beker het hy gesê MTC sal administrateurs verantwoordbaar hou om wedstryde binne ’n redelike tydperk en op ’n vasgestelde datum te laat begin, sonder ruimte vir onnodige voeteslepery.
Die selfoonmaatskappy het amptelik die einde van sy multimiljoendollar borgskap aan die Namibië Premierliga (NPL) aangekondig, enkele dae nadat die NPL afgelope Saterdag ook as ’n lidorganisasie van die Namibiese Sokkervereniging (NFA) geskors is.
Vir sestien jaar was MTC die alleenborg van die NPL, nadat hy die voorafgaande vier jaar (vanaf 2002) saam met FNB Namibia en die Namibië Brouerye die premierliga as ’n konsortium begin borg het.
“MTC is trots daarop dat hy gedurende hierdie tydperk die groottotaal van N$168 miljoen op klubsokker in die land bestee het.
“Dit is ’n jammerlike einde wanneer ’n mens terugdink aan al die hoogtepunte, die ryke geskiedenis en hoe talent ontwikkel het. Talle spelers het vanuit die NPL aanbeweeg om by buitelandse beroepsklubs die land se naam verder uit te dra,” sê MTC se hoof van menslike kapitaal en korporatiewe sake, mnr. Tim Ekandjo.
In Maart vanjaar het MTC aangekondig dat hy nie sy langdurige verhouding met die NPL sou hernu sodra die huidige driejaarooreenkoms sy einde bereik nie. Die NPL-seisoen het toe nooit hervat nie en die borgskap wat vir die NPL begroot was, het gevolglik verval.
Ekandjo sê: “Julle sal onthou dat MTC reeds aangekondig het dat ons nie die kontrak met die NPL aan die einde van die seisoen sal hernu nie. Die huidige seisoen was veronderstel om in Mei 2020 te eindig. Nogtans was ons vrygewig en het die NPL ’n ekstyra vier maande grasie gegee om voor die einde van September 2020 die liga aan die gang te kry, óf die hele begroting te verbeur.
“Noudat die NPL amptelik deur die NFA geskors is en dus in wese nie meer bestaan nie, word enige ooreenkoms wat ons met die NPL gehad het, outomaties nietig.”
Op ’n vraag het Ekandjo bevestig dat die ooreenkoms daarmee heen is, ongeag die hangende uitslag van die NPL se saak wat by die Hof vir Arbitrasie in Sport (CAS) in Switserland aanhangig gemaak is.
Oor die voorgestelde “Superliga” as plaasvervanger vir die NPL, het Ekandjo gesê sy maatskappy weet niks meer hieroor as die praatjies wat in koerantberigte genoem is nie.
“Soos onlangs aangekondig, sal MTC voortgaan om in Namibiese sokker te belê by wyse van ons driejaarkontrakte as borg van die MTC Hopsol jeugliga, die Dr. Hage Geingob-bekerwedstryde asook die N$13.5 miljoen vir die volgende drie jaar se MTC NFA-beker uitklopreekse.”
Oor die NFA-beker het hy gesê MTC sal administrateurs verantwoordbaar hou om wedstryde binne ’n redelike tydperk en op ’n vasgestelde datum te laat begin, sonder ruimte vir onnodige voeteslepery.
Kommentaar
Republikein
Geen kommentaar is op hierdie artikel gelaat nie