Méér produktief by huis
Navorsers sê vóór die pandemie was werkgewers skepties daaroor om mense van die huis af te laat werk, maar sulke werk hét 'n reuse- positiewe impak op produktiwiteit gehad.
Elvira Hattingh – Om van die huis af te werk, verbeter werknemers se produktiwiteit – iets wat werkgewers in die era ná die pandemie behoort te benut.
Dit is die bevinding van 'n studie wat prof. Sulaiman Atiku en sy medenavorsers in Namibië, Suid-Afrika, Zimbabwe en Botswana, maar ook so ver as Ghana, Burkina Faso en Nigerië uitgevoer het.
“Aanpasbare werkreëlings het 'n reuse- positiewe impak op werkers se produktiwiteit tydens Covid-19-inperkings gehad.
“Die meeste werknemers wat elders as in die kantoor moes werk, was meer produktief as gewoonlik tydens die inperking,” het Atiku Dinsdag tydens die Universiteit van Wetenskap en Tegnologie (Nust) se institusionele navorsingsweek by 'n virtuele geleentheid gesê.
Die geleentheid het gister ten einde geloop.
Atiku het gesê vóór die pandemie was vele werkgewers in Afrika skepties daaroor om werknemers van die huis af te laat werk, maar die pandemie het hulle daartoe gedwing.
“As daar een les is wat tydens die pandemie geleer is, is dat werkgewers dit behoort te oorweeg om hul werknemers van die huis af te laat werk. Oorweeg en benut aanpasbare werkreëlings en -opsies,” meen hy.
“'n Groot behoefte bestaan egter aan basiese, maar noodsaaklike inligtingstegnologie (IT)-toerusting sodat doeltreffend van die huis af gewerk kan word,” het hy gesê.
“IT-ondersteuning tydens die inperking was steeds 'n probleem,” sê Atiku. “Die meeste werkgewers het nie voldoende IT-ondersteuning aan hul werknemers tydens die inperking gegee nie.”
Die studie deur Atiku, sy Nust-kollega dr. Andrew Jeremiah en dr. Frank Boateng van die Universiteit van Myne en Tegnologie in Ghana is intussen in die Suid-Afrikaanse Joernaal vir Sakebestuur gepubliseer.
Tydens die navorsing is vasgestel hoe faktore soos aanpasbare werkreëlings, werkgewersondersteuning, IT-ondersteuning asook produktiwiteit mekaar beïnvloed het.
Atiku sê hulle het gefokus op veral die dienssektor wat makliker van die huis af kan werk as ander werknemers. Eindelik het hulle 473 persone bereik.
Hy sê die pandemie het werkgewers en regerings in Afrika onvoorbereid betrap en hulle moes skielik sonder enige waarskuwing alternatiewe werkreëlings toepas.
“Die studie het bevind werkgewers se ondersteuning asook die nodige IT-steun is noodsaaklik vir werknemers om van die huis af te kan werk en dit verbeter boonop hul produktiwiteit,” het Atiku gesê.
Hy sê die studie is veral waardevol omdat daar 'n ernstige tekort is aan data oor hoe aanpasbare werkreëlings tydens 'n pandemie in Afrika aangeneem en toegepas word.
Die studie is ook aanlyn beskikbaar, het hy gesê.
- [email protected]
Dit is die bevinding van 'n studie wat prof. Sulaiman Atiku en sy medenavorsers in Namibië, Suid-Afrika, Zimbabwe en Botswana, maar ook so ver as Ghana, Burkina Faso en Nigerië uitgevoer het.
“Aanpasbare werkreëlings het 'n reuse- positiewe impak op werkers se produktiwiteit tydens Covid-19-inperkings gehad.
“Die meeste werknemers wat elders as in die kantoor moes werk, was meer produktief as gewoonlik tydens die inperking,” het Atiku Dinsdag tydens die Universiteit van Wetenskap en Tegnologie (Nust) se institusionele navorsingsweek by 'n virtuele geleentheid gesê.
Die geleentheid het gister ten einde geloop.
Atiku het gesê vóór die pandemie was vele werkgewers in Afrika skepties daaroor om werknemers van die huis af te laat werk, maar die pandemie het hulle daartoe gedwing.
“As daar een les is wat tydens die pandemie geleer is, is dat werkgewers dit behoort te oorweeg om hul werknemers van die huis af te laat werk. Oorweeg en benut aanpasbare werkreëlings en -opsies,” meen hy.
“'n Groot behoefte bestaan egter aan basiese, maar noodsaaklike inligtingstegnologie (IT)-toerusting sodat doeltreffend van die huis af gewerk kan word,” het hy gesê.
“IT-ondersteuning tydens die inperking was steeds 'n probleem,” sê Atiku. “Die meeste werkgewers het nie voldoende IT-ondersteuning aan hul werknemers tydens die inperking gegee nie.”
Die studie deur Atiku, sy Nust-kollega dr. Andrew Jeremiah en dr. Frank Boateng van die Universiteit van Myne en Tegnologie in Ghana is intussen in die Suid-Afrikaanse Joernaal vir Sakebestuur gepubliseer.
Tydens die navorsing is vasgestel hoe faktore soos aanpasbare werkreëlings, werkgewersondersteuning, IT-ondersteuning asook produktiwiteit mekaar beïnvloed het.
Atiku sê hulle het gefokus op veral die dienssektor wat makliker van die huis af kan werk as ander werknemers. Eindelik het hulle 473 persone bereik.
Hy sê die pandemie het werkgewers en regerings in Afrika onvoorbereid betrap en hulle moes skielik sonder enige waarskuwing alternatiewe werkreëlings toepas.
“Die studie het bevind werkgewers se ondersteuning asook die nodige IT-steun is noodsaaklik vir werknemers om van die huis af te kan werk en dit verbeter boonop hul produktiwiteit,” het Atiku gesê.
Hy sê die studie is veral waardevol omdat daar 'n ernstige tekort is aan data oor hoe aanpasbare werkreëlings tydens 'n pandemie in Afrika aangeneem en toegepas word.
Die studie is ook aanlyn beskikbaar, het hy gesê.
- [email protected]
Kommentaar
Republikein
Geen kommentaar is op hierdie artikel gelaat nie