Moyo op pad kantoor toe, al kla Old Mutual

10 September 2019 | Sakenuus
Elvira Wood – Peter Moyo, voormalige uitvoerende hoof van Old Mutual, gaan Maandagoggend werk toe.

Eric Mabuza, Moyo se prokureur, het vroegoggend aan Netwerk24 bevestig dat sy kliënt teruggaan werk toe.

Dit kom nadat die hooggeregshof in Johannesburg Vrydag uitspraak gelewer het dat Moyo nie langer gekeer kan word om terug te gaan werk toe nie.

Old Mutual het egter laat Vrydagmiddag in ’n verklaring gesê aangesien die hof wel toestemming aan hom verleen het om teen sy uitspraak te appelleer beteken dit dat Moyo vir eers nie kan terugkom werk toe nie.

Die maatskappy stel dit duidelik in sy verklaring dat “hy voorlopig nie sal terugkeer werk toe nie”.

Old Mutual het einde Julie ook nie toegelaat dat Moyo terugkeer werk toe nie. Dit was kort nadat die hooggeregshof in Johannesburg vir die eerste keer gelas het dat Moyo heraangestel moet word.

Moyo is op 23 Mei geskors en toe op 17 Junie afgedank ná ’n geskil oor hoe hy ’n belangebotsing behartig het. Hy beweer egter dat hy ’n fluitjieblaser oor oortredings deur Trevor Manuel, voorsitter van die direksie, was.

Old Mutual het Moyo ’n tweede keer op 22 Augustus afgedank. – Netwerk24

Soortgelyk

 

SWA-identiteitsdokumente steeds geldig

3 ure gelede | Regering

Die ou Suidwes-Afrika-identiteitsdokumente is steeds geldig. Die ministerie van binnelandse sake en immigrasie sê in 'n verklaring die dokumente bly geldig totdat dit deur die...

Teko-trio loop vry uit

14 ure gelede | Howe

Ronelle RademeyerDie drie vermeende skandeerder-bedrieërs is vry.Die twee Namibiërs en hul Chinese sakevennoot wat 'n dekade gelede in verband met die bedrog­skandaal oor die aankoop...

AR wil land uit Windhoek regeer

14 ure gelede | Politiek

Denver Kisting – Die Regstellende Herposisioneringsbeweging (AR) onder sy voorbok, mnr. Job Amupanda, se leiding, wil minstens 50 000 huise bou sodra hy in Windhoek...

Amerika belê groot in nuwe ambassade

14 ure gelede | Internasionaal

Die Amerikaanse regering het byna N$200 miljoen vir sowat ses hektaar grond in Klein Windhoek betaal om hul nuwe ambassade-kompleks te bou. Hier is 'n...

Ligloop vir swendelaars

14 ure gelede | Misdaad

Augetto Graig'n Reeks video's en tekenprente is gister bekend gestel om bankbedrog te help bekamp.Dit vorm deel van die Vereniging vir Betalings in Namibië (PAN)...

Weer, Donderdag 19 September 2019

14 ure gelede | Weer

BINNELAND: Gedeeltelik bewolk en baie tot bloedig warm. Winderige toestande sal oor die binneland heers.KUS: Bewolk en koud tot koel met miskolle in die oggend.GETYE...

Amerika koop Metje-erwe vir byna N$200 miljoen

14 ure gelede | Plaaslik

Francoise Steynberg Die Amerikaanse regering het sowat ses hektaar grond in Klein Windhoek aangeskaf om hul nuwe ambassade-kompleks te bou.Die koopbedrag was byna N$200...

Video’s van NDF-lede verbode

14 ure gelede | Ministeries

Die ministerie van verdediging het lede van die publiek gewaarsku om nie foto’s van lede van die Namibiese polisie of die weermag (NDF) te neem...

Trofee sonder skoot

14 ure gelede | Omgewing

Augetto Graig - Om ’n trofee huis toe te neem, is dikwels sterk aansporing vir ’n bietjie avontuur, en die moontlikheid van avontuur is volop...